✨استغفرالله العظيم استغفرالله العظيم ✨
____________
* تجاهلو الاخطاء الاملائيه *
.
.
.
عند الهنوف اللي صحت بأستيعاب انها بحضن واحد و تبكي
قامت و قالت بصعوبه: اعتذر لو ضايقتك
هذَام بلع ريقه نطق بتوتر: لا عادي
مشت الهنوف و هذَام توتر لو احد شافهم بيدخل بمصيبه
عند البنات/
هيام: هنوفي وش فيك كنتي تبكين
الهنوف هزت راسها بالنفي و قالت: كنت محتاجه اخذ نفس شويا
هيام: تمام
الجود: بنات تعالو نجلس هناك عند الحريم نسمع سواليفهم شويا
قامو البنات معها
قالت وحده من الجالسات:ذي بنت مين وكانت تطالع ب الهنوف
الهنوف توترت: بنت صباح
هيام حست بتوترها: اختي يا خاله ليه فيه شي
الحرمه: انتي متزوجه
الهنوف شكت انها شافتهم:لا
الحرمه: اجل منهو اللي كنتي جالسه بحضنه و ضامك و اللي اعرفه صباح ما عندها عيال بس بنات
الهنوف توترت وحست انها بتختنق وطلعت
هيام قامت ورا الهنوف
هيام: بنت وش اللي قالته الحرمه و صدق اللي قالته
الهنوف بتوتر: ايوا بس صدقيني ما كنت مستوعبه وش اللي يصير
هيام بصدمه: ايش ما كنتي مستوعبه فهميني تحضنين واحد و تقولين ما كنت مستوعبه فهميني تدرين لو بابا درا ماراح يعدي الموضوع على خير تدرين ولا لا
الهنوف بكت: ياخي ليه ما سألتيني ليش بكيتي ولا همك سمعتك ماهمك اختك الكبيره اللي بكت بسبب عذاب ابوها و زوجته و اللي حتى ب احلامها طالعين لها و امها اللي عاشت معها ست سنوات و ماتت وهي ماتدري وش صار على بنتها
هيام ليه ماتفهميني ليه ليه
هيام بكت معاها: هنوفي اسفهه والله خفت ابوي يدري و يزوجك له وانتي ماتبينه
طاحت الهنوف من كثر ما بكت
هيام بخوف: لا لا تكفين قومي هنوووف قومي تكفين و صاحت بصوت عالي لدرجه سمعوها الرجال و فزو الرجال قامو
ابو هيام خاف من شاف الهنوف طايحه بحضن هيام
هيام بخوف: بابا تعال شوف الهنوف وش فيها
ابو هيام ما قدر يرفعها لكبر سنه و قدم هذَام بتردد: انا بشيلها اذا تسمح يعني
ابو هيام بخوف: عادي شيلها بس انتبه لها يوليدي
هيام ببكى: بروح معه
هذَام وهو صاد: جيبي عبايتها
راحت هيام تلبس عبايتها و جابت عبايه الهنوف و لبستها و مهَاب راح يشغل السياره لهم شالها هذَام ووداها السياره و ركبت هيام ورا
هيام ببكى و بصوت خافت: هنوفي قومي تكفين لاتخليني تكفين مابغيت ترجعين لي كفايه ماما راحت و سابتنا
مهَاب و هذَام انصدمو من كلامها
وصلو المستشفى
الدكتور: كيف ماتهتمون بصحتها
هيام: ليه وش فيها
الدكتور: عندها فقر دم حاد
هيام بكت: كله من ابوها و زوجتته
هذَام و مهَاب استغربو
هيام: انتو عساكر صح
مهَاب: ايه
هيام: برفع بلاغ عندكم ينفع
هذَام: اي تفضلي وش بلاغك
هيام: عنف اسري
هذَام انصدم و قال: اسم المتهم و دليل
هيام: اسمه حامد الَ محسن و الدليل الهنوف بتثبت لكم
هذَام: تمام
دخلو عندها
هيام حضنت الهنوف وقالت: رفعت بلاغ عليه
الهنوف سكتت
هيام: بس ابي دليل
الهنوف: ليه ترفعين بلاغ
هيام انصدمت اكلمت الهنوف: مهما كان ذا ابوي
هيام بحده: ابوك يرفع يده عليك و يحبسك في المخزن ايام بدون اكل ولا شي و نهايه هذا جاك فقر دم حاد وتسمينه ابوك
الهنوف سكتت
هيام: ايه اسكتي تدرين غلطتي اني جلست معك و رفعت بلاغ على واحد يعنف و انتي ماهمك
الهنوف: بس هذا ابوي ي هيام
هيام: تمام انا بروح و انتي سوي اللي تبينه و طلعت
الهنوف لفت ل الجهه الثانيه و بكت بصمت و هذَام قاعد يستوعب الكلام
YOU ARE READING
ياليت صواديف الايام تجمع كل الولايف
Historical Fictionروايتي الاولى كاتبه مبتدئه 🤍🤍 اذا تشابهت الشخصيات بـ شخصيات حقيقيه فهي صدف لا اكثر الشخصيات خياليه !
