عَتب خرسان أعاتبكم
خاف تغثكم إحچاية
في مهب الحب والانتقام 33
الكاتبه غرام عمار
::-مرات الانسان ينصدم صدمة عمرة
صح تجي ايام ماننصدم كد ماشايفين
اشياء توكف الراس بس الصدمه التجي
قوية تكون اقوة مستحيل جاي اصدك
واكفه جدام المرة اريد استوعب
الكالته ماكو كل جسمي يكشبر ابوجع
وعيوني ادمع غصب عني
وعيت من صدمتي على صوت ام اشهب
تحاجي المرية الي لعدها منگبه ابوشيتها
ام اشهب::-من گل عگلج تحجين خيه
خاف مخربطه شنهي
::-وداعة رسول آلله ماحجيته الى
الحقيقه وابنكم هسه يم حـده
ام اشهب:ياااع
::-طاحت ام اشهب بلكاع ركضتلها جمار
تكوم عيني على الحان المتيبسه
بمجانها مانطقت حرف
حجت المريه غصه بلعومها
::-والله ياخيه الوليد عاش حياته وحيد
ومنبوذ من دنيا مايوم شفته ضحك
لو ابتسم من گل كلبه دوم جانت ضحكته
بيها هم وحزن وحجاياته بيهم غصه
برغم هوة ينضرب بي المثل عبن عگلة
رزن وعكل شيوخ ولو خزر بعينه
وكفت ناس عله تك رجل من خوفها
ام اشهب::-سوده بوشي ولجن راح
ينفجر راسي حدري خية اكعدي وفهميني
السالفه كلها
نسار::-سطام عنده اخ هاي الچمله
الحجتها المرية الجايه من العماره
اثناء فتح الباب سئلت على بيت
ابو اشهب وكنالها احنى
كالت سطام عجاج
والحان عجاج
وأياد عجاج عندهم أخ
لحضه صمت لحضه صدمه وذهول
أخ؟ منين اجه وشلون محد يعرف
هلـبيت شكد بعد شايل اسرار؟....
دخلنه المرية ذبت النقاب
سبحان الله الخالق هيج جمال وهيج
بياض وجهه مبين من الملامح هادئ
جبتلها كلاص ماي اركض انطية الها
شربت وحجة
::-اول شي اني اسمي جنات
بس صيحلي ام جنلنار
ام اشهب:هله بيج خيه واحجي الصكد
بروح اعزاز كلبج منين طلع هاذ الوليد وشكد
عمره
::-30سنه
نسار::-لطمة عله زرورها بصدمه
من صدمة اني كمت افتر بينهن
ام اشهب::-عود صكد تحجين ولج
يايمة يا راسي اكبر من اياد عمة عيني واكبر
من سطام شلون اخو افهم منج متزوج
كبل اخيتي
::-دنكت راسها ام جنلنار طكطك بصابعها
وحجة
ام جنلنار::-اي خية تجيج السالفه
عجاج الله يرحمه من جان يجي الحدة
يعاونه بلهويشات ولكيعان واختي نور
جانت تمشي تحش حشيش للهوش
وهناك المرحوم شاف اختي المرحومه
ام اشهب::-ياااا صخاام بفادي المرة متوفيه
ام جنلنار::-خية خلي اكمل
ام اشهب::-كملي خيه اعذريني بس
ماجاي ادش عگلي
ام جنلنار::-عجاج حب اختي واجه تقدم
للزواج هوة وحده اهلي انطوها اله
عبن عجاج خوش زلمه وماشفنه عليه الزله
بيوم من الايام جان يكعد وي طلوع الشمس
يحرث الكاع وي حده وحده هم مايوم شفنه
شي عليها موزين مرة تخاف الله وتصوم
اني ماعندي اخوان بس اني
ولمرحومه نور وامي وحالتنة مو كلش زوينه
جانت بضيم عايشين عله الحليبه ورويبه
التحلبهن امي وتبيعهن
فـ امي رضة وانطة نور العجاج
بس عجاج كال اعوف نور يم حده واهلي يدرون
واحنه رضينه عبن يم حده هيه حده
كل اهله جا بعد شنسوي صار العرس
وكام عجاج كل شهر شهرين هوه يحدر
للعماره لمن حبلت اختي
شو قلت جياته صار مايهتم بخيتي
ولا فرح الفرحتها بلحمل لا شي تعبت اختي
كلش كامت تنام تكعد ضايجه
اخر شي كطعها عجاج وبعد مااجه ولا شفنه
طوله حته من صار ابنه اجه مرة وحده سما وراح
وبعد ليومج الله ماسمعنه عنه شي
لحد مايوم جنه كاعدين ابنهم صار شكبره
جان الوليد دوم يسئل يمه ابوي جا وين
يمه شوفي الولد تمشي وي ابهاتها جا
انا وين ابوي وجان
نسمعلج صرخة حده
ركضنالها نعلها تبجي وكاتله روحها
ها والله عجاج مات انصدمنه واختي تدمرت
كلش خاصه بعد ماحده مارضت تاخض
نور وابنها للفاتحه
وكالت محد من اخوانه يدري امي تخبلت
وضلت تحجي شنهي محد يدري
جان رد حده
YOU ARE READING
فـي مهب الحب والأنتقام
Mystery / Thrillerالنرجسية_الابتعاد_الوعي_الكتمان_التجاهل هذا هوة تكويني. ان تعاليت زادت نرجسيتي ان كذبت ف انا ابتعدت ان جهلت ف انا وعيت ان تكلمت ف انا كتمت ان سئت ف انا تجاهلت أُعامِلُك ضِعفَ ماعاملت
