لوحدي اتعودت ما ردت عون انسان
تلويني المصايب وارجع الويها،،،،
في مهب الحب والانتقام 40
الكاتبه غرام عمار
منـذر:شبيجن اشايفات جني؟
جمار:ضحكت متوتره عبالي سمع... ها ههه لا
بس انصدمنه عبالنه مدري منو
منـذر:امم هيج تكولين!
الحان:شعجب اجيت؟
منـذر:كلت اجي اتغده وي خطيبتي هنا
جا اخوها مايرضه نطلع
جمار:هههه... دنكت عيوني وحمدت الله
ماسمع شي ضلينه نسولف ونضحك
بس اني من جوايه محتركه حرك
شلون راح اخلي عيني بعين منذر واجذب عليه
وهوه البارحه يكلي اكرهه ماكرهه
الجذب ولخيانه
خلصنه غـده بعد ماضربنه المحاضره ورجعنه
للبيت وهيج مرت الايام
وبده الأسبوع يقرب وليوم...
نسار: ليوم متوتر كلش اباوع بأختي
عيونها حمر جن جانت تبجي
ومتخلي عيونها بعيوني عمي وعمتي هم
جمار اشهب كلهم وجوهم مكلوبه واشهب
كلساع يشرب جكاير وفارك عيونه
حته اني ضجت حسيت الهوا ضاك بصدري
معقوله صاير شي
بيبي بيها شي ليش من البارحه همه
يحجون وياي جنهم شفقانين عليه
صعدت اركض اخذت جهازي دكيت ع بيبي
ردت كبل صحت
ـ بيبي بيج شي
ردت علية بسرعه
ـ لا جده مابيه شي ليش
ـ ها مو كلبي حسني
ـ لا جدة مابيه شي وعيونج واني باجر
راجعه اشوفنج
ـ تنفست براحه حجيت وياهه شويه
وسديته خليت ادية علة راسي شبيها
عائلتي شبيهاا شلت راسي
من انفتح الباب ودخل سطام كمت افرك بأيدي
حجيت
::-سطام شنو الموضوع من امس
الجو متوتر فدوة احجي
تقدم مبتسم بتجاهي
لزم خدودي وباسهن وخر يباوع بعيوني
وحضني من خصري همس
::-ماكو شي نسرتي
::-بيك شي
تجاهل سؤالي يلعب بخصلات شعري
مبتسم
::-اذا واحد غلط بحكج شتسوين
::-ليش؟
::-بدون ليش جاوبي حبيبي
::-حسب غلطة اذا جان غلطة جبير وماينغفر
مستحيل اسامحه وانتقم منة
باوعلي عيونه مركزات بعيوني
::-زين واذا اني كسرتج بس هاذ شي
بدون ارادتي وغصب عني
::-بلعت ريكِ …ليش تحجي هيج سطام
شتريد تسوي؟
خله راسه بركبتي مبعد نضراته عني
همس بصوته الحار
::-ماجاي اسوي شي جاي نسولف
واكول مثلاً قابل صدك بس كليلي شسوين
::-سحبت نفس حيل وكلت: اكسرك مثل ماكسرتني
واعوفك وامشي المكان
مستحيل تلكاني بي اعيشك بجحيم
اسود ارجعك النفس الضلام
مثل ما طلعتك من ضلامك ارجعك بي.
CZYTASZ
فـي مهب الحب والأنتقام
Tajemnica / Thrillerالنرجسية_الابتعاد_الوعي_الكتمان_التجاهل هذا هوة تكويني. ان تعاليت زادت نرجسيتي ان كذبت ف انا ابتعدت ان جهلت ف انا وعيت ان تكلمت ف انا كتمت ان سئت ف انا تجاهلت أُعامِلُك ضِعفَ ماعاملت
