فصيلة الأسد الجريح

بارت 14

راويه
،،،،،،،،،،،
صدك جنت منتضره منه هاذ السوأل حته أجاوبه  بكلبي هواي حجي ورتاحيت لمن طلعته ماادري منو كله عاجبني وضعي مايعرف تمر عليه ليالي ماأنام من وجع ضهري من كثر الشغل والتعب
ولايدري تجيني أيام اتمنه أكمل نومتي الصبح لأن مريضه ولصبح مانمت ولايدري من أنوجع من شي اتمنه اطلب منه يجيبلي علاج بس أخاف يردني وهسه يكلي عاجبج وضعج لو شمحتاجه هه
بعد وكت صارلي 5اشهر يمك هسه حسيت بيه. جان اوخر من حضنه گتله هاي أخر مره تحضني لوتلمسني
أني خدامه وماأضن يبن الاصل والفصل نفسك تهوه الخدامه خليني خدامه أحسن ألي وألك
لان كلبي ماعايز تعبت من الدنيه حيل بعد شتريد تاخذ مني خذت كلشي عاد خل تخليلي كلبي فارغ ومرتاح عفته ورحت نمت بفراشي بس منين يجي النوم أذن الفجر وعيوني مابطلن دموع احس روحي طلعت من القهر سمعت الاذان وأني أصلآ ماجاني نوم گلت أكوم أصلي وأدعي ربي يعيني ع هاذ الامتحان الصعب ألامادري يمته يخلص صليت وأحس ارتاح كلبي
شفت الصبح طلع رحت سبحت ورجعت بدلت صارت بل6نزلت عجنت حته اخبزه من وكت خاف اليوم خطوبه وألتهي ومالحك اخبز

أمجد
،،،،،،،،،
لمن حجت البكلبهه وبجت صدك قهرتني صدك مالهه ذنب الذنب ذنب اخوهه الحيوان وهسه هوه سمعت اخبار علي يسرح ويمرح بتركيا( وهيه الكلتهه)
من بجت حبيت اواسيهه. حضنتهه وهيه تبجي
تكسر الخاطر أشو شوي ونتفضت وكالت دير بالك تلمسني
اني خدامه وانته ابن الاصل والفصل ماضن تهوه خدامه وخلي كلبي مرتاح
وهيه ماتدري خذت كلبي صار فتره وكلشي عاجبني بيهه هيه التعبت كلبي وتريد كلبهه مرتاح
أشو اله اتعب كلبج وافوت بداخله بس صبريلي ياراويه مااريد اخذج غصب اريدج انتي تحبيني بمزاجج راحت لفراشه وضلت لصبح تبجي واني تأنيب الضمير كتلني هسه أني شحجاني
لصبح وكامت صلت اييييي ياراويه صلي وادعي الله يوفقنه كافي شلعان كلب ياربي طلبتك خلي كلبهه يميل ألي وخليني انسه سالفة اخوهه ونعيش حالنه من حال العالم نزلت جوه واني وياهه ماأجاني نوم كلت تصير ب8وانزل رجلي صارت زينه أكدر انزل ابحدي بس ايدي بعدهه يراد بعد شهر
يله تعلمنه ع كعدت البيت 😅

حسين
،،،،،،،،،،،،
من ردولي الرد واني مكيف صار اسبوع واني ولاشفتهه بعد ولارحت المدرسته كلت عيب ننخطب والله يسهل
واجه يوم الخطبه ورحنالهم والله ماقصرو طلبو مهر كلش بسيط عقدلنه السيد وكالو خلص فوت شوف العروس

راويه
،،،،،،،،،،
خبزت بل8الصبح الكل اجو ع ريحت الخبز
ام امجد
،،،،،،،،،
يمه شعندج من الصبح خابزه جان خليتهه ع الغده
راويه
،،،،،،،،،
لاخاله هاذ ريوك وغده لان تعرفين من يروحن البنات لصالون اخاف مالحك اكمل

أم امجد
،،، ،،،،،،،،،،
چا أنتي ماتروحين وياهن للصالون

راويه
،،،،،،،،،،
لاخاله شسوي بلصالون وهوه اني حته ملابس ماعندي اني قبل لاتجي العالم أكمل شغل وأصعد6

أم امجد
،،،،،،،،،،،،،،
كسرت خاطري راويه من كالت تكمل شغل وتصعد ماتحضر الخطبه لان ماعده شي تلبسه خطيه أحنه ولافكرنه بيهه ولايوم خذنالهه حاجه وهيه ولاتطلب
كلت بس اتريك اخاذهه للسوك اجيبلهه حاجيات ومن ضمنهن فستان

ساره
،،،،،،،،
صار يوم خطوبتي واني طايره ماجنت مصدكه حسين الجان حلم صار حقيقه الف حمد الك ياربي
يارب وفقنه ولاتخلي الحزن يدخل حياتنه وكدرني حته اسعده
اجت امي وكالت راويه تروح ويانه للصالون الصراحه خجلت من نفسي البنيه تحضر البيت للخطوبه من البارحه ماتت تعب واني ولاتذكرت هيه حته ماعدهه شي تلبسه واكثر شي ضوجني من كايله لمي متحضر لان ماعدهه شي تلبسه شلون ماتحضر وهيه مرت امجد اخوي الجبير المعدل عاد كلت لمي جيبي فلوس من امجد وخذيهه للسوم ولاتخلين شي متجيبنه واني راح احجزلهه صالون وخليهه تفرح حالهه من حالي