فصيلة الأسد الجريح

بارت 27

فاغفر لي  ماقدمت وما أخرت وما أسررت وما أعلنت وأنت المقدم وأنت المؤخر لا إله الا  أنت الأول والأخر والظاهر والباطن عليك توكلت وأنت رب العرش العظيم اللهم  آت نفسي تقواها وزكها أنت خير من زكاها أنت وليها ومولها يارب العالمين  اللهم أني أسألك مسألة البائس الفقير وأدعوك دعاء المفتقر الذليل لاتجعلني  بدعائك ربي شقيا وكن بي رؤوفآ رحيما ياحي ياقيوم}
كملت الدعاء ورتاحيت الحمد لله
صليت وكملت شفت الوقت صارلي ساعه جوه سلمت وطلعت وأني أمشي إجت أبنيه تركض شكلهه حلو عمرهه ميجاوز ال4سنوات جابت 4جكليتات اطتنياهم وكالتلي هاذه نصيبج وراحت التفت ماشفتهه أجيت الأمجد مرتاحه وفرحانه

أمجد
رحنه للزياره واول مادخلت للامام دعيته وكتله
دخيلك ياسيدي يامولاي ريح بالي تعبت الدنيه تعبتني أخوي وسندي راح ومرتي وراحت هموم الدنيه ع ضهري جبال
شرضي اهلي الفاكدين ولد ويردون من يواسيهم
لو أبني الطفل البحاجت أم ومحد اله
لو الابنيه الاجت فصل وصارلهه سنه أبيتي وهيه لسه ماتعرف شنو مصيرهه
دخيلك سيدي أخذني من أيدي
ومشيني ع درب العدل لان تعبت
صليت وكملت طلعت حته أشوف راويه وين صارت
اجت وهيه فرحانه وسولفتلي الموقف الصار وياهه أني هم فرحت حسيت الامام أنطانه مرادنه سلمنه وطلعنه واحنه مرتاحين أخذت راويه وطلعنه للسوك وهاي اول مره نطلع اني وياهه وكلش عجبني هدوئهه دخلتهه لمحل ملابس وجان شنو الشي التوكع علي عينهه اخذه الهه أخذتلهه كلشي تحتاجه البنات
ردت احسسهه عروس وتجهز نفسهه وجبتلهه حلقه  وسوار كلش حلوات خطيه فرحت حسيتهه مامتوقعه هاذ الشي مني بس انشالله طول ما أني موجود متحتاج شي

راويه
طلعنه من الامام ورحنه للسوك وفتنه ارقه محلات وأخذلي كلشي لبس ومكياج وعطور جنط وأحذيه صدك جهزني مثل العرايس بس الفاجئني اكثر الحلقه ماجنت متوقعه ياخذلياها مو علمود قيمتهه الماديه ادري هيه متسوه بس قيمتهه المعنويه تسوه الدنيه ومابيهه والله مااعرف شلون اوصف أحساسي

رجعنه للبيت العصر واني كلش فرحانه شوفت كلش لزينب

زينب
اي عفيه هيج اريدج اتدلعي ولبسي ومكيجي وعيشي وعيشي الرجال وياج كافي المكبره الجنتي معيشته بيهه وهله هله بلمكياج والبس تره الرياجيل يموتون ع الترتيب  لايعذرون ولايكولون تعبانه ولاخطيه ولايقدرون النفسيه تجيهه ايام تلطش من الضوجه 😂1

راويه
ههههههههه
يمعوده أني كل هاذ اليصير وخجلانه استحي لا تنسين ضروفي الاجيت بيهه

زينب
ماناسيه ومراح ننسه ماطول انتي ماناسيه حبيبتي عيشي وذبي الماضي وراج يكلبي

راويه
يسلم كلبج حبيبتي

امجد
مابقه شي ونرجع للعماره بس سبوع صعدت ابلغ راويه ع موضوع العرس البسيط النسوي ابغداد قبل لانرجع
لكيت زينب يمهه والله خطيه ماتجازه شلون تقنعهه وتفهمهه جان صعدت وزينب ترخصت كتلهه راويه العرس انشالله الخميس هيه مكالت شي الحمد لله

واجه يوم الخميس وتحضرن البنات يروحن للصالون من الصبح طبعآ ماسوينه عرس وهوسه بس دزيت راويه للصالون وشتريتلهه بدله وكبل للفندق لان السنه بعدهه بس اني استغليت كعدتنه ابغداد فرصه

راويه
رحنه للصالون وسويت كلشي بنسي شعري وفستاني ومكياجي طلعت اخبل هههه

يتبعـ 🦦