#حــــوريــة الحـــاكـــم 🍷🥂
•حــوريـة رماتها موجات القدر بيـــن يدين حــاكم قــهَّــاار•
#مــروى منـصوري
Prt :47
صبح نهار جديد لي حامل فطياتو عدة احداث...
عند لالة نزهة لي فاقت دخلات للدوش دوشات وخرجات لاوية عليها فوطة باين منها لحمها البلق لي الى شفتيه تقول بنت باقا فشبابها ...
مشات للدريسينغ ديالها هزات دوبياس فاللاسود ودازت هزات سيرڤيت فالرمادي وهزات كاسكيطة ومزيل العرق ...
طبقات مزيل العرق ولبسات دوبياس وتبعاتهوم السيرڤيت وجمعات شعرها الفازݣ ديل الحصان لي منشفاتوش ودارت كاسكيطة هزات سبرديلة بيضة خفيفة ولبساتها وخرجات ...
مشات خرجات للجردة ديال القصر كتمشا وكدير بعض الحركات الرياضية لي خلاوها تحافظ على رشاقتها المعتادة ...
ناضت باقا سادا عويناتها وكتحسس الحيوطا حتى وصلات للدوش وغسلات وجهها ضارت لقات اوكتاڤيا مزال ناعسة مشات عندها كتلعب ليها فخصلات شعرها وكتحركها بشوية حتى حلات عويناتها ونطقات :تبغي تمشي عند سي اركان ولا تبقاي بوحدك ..؟!
اوكتاڤيا بصوت نعسان : لا مشيش
نورية :صافي واخا رجعي نعسي ...
رجعات نعسات اوكتاڤيا ونورية مشات هزات دوبياس واللبسة الرسمية ديالها من البلاكار وهزات صباط دوك لي كيخدمو بيهم ...
دخلات للدوش لبسات حوايجها وجمعات شعرها وخرجات كانت غادا حتى تلاقات مع عصام لي حتى هو لابس لبستو الرسمية :صبااح النور
عصام :صباح النور حبيبة ايمتا نولي نصبح على هاد الوجه ايمتا...امم؟!
نورية : قريب ان شاء الله خليني نمشي خصني نعطيهوم شنو يديرو فالفطور ...
عصام : واخا حبيبة بسلامة
نورية:باي
مشات وخلاتو متبع ليها العين حتى اختفات وطلع لحدا بيت اركان ووقف كيتسناه يخرج ...
هاد الأخير لي فاق ودوش وداز للدريسينغ هز سيرڤيت وسبرديلة لبسهوم وخرج ...
لقا عصام فالباب ونطق : فيناهي
عصام : فالبيت ديال نورية اسيدي
اركان : نجي نلقاها حدا البيت
عصام : امرك
مشا من قدامو فطريقو للجردة حتى تلاقا مع ماماه ونطق : الرياضة كيف ديما
لالة نزهة : ضروري اولدي الرياضة اهم حاجة فالنهار ديالنا باش نبقاو فصحة مزيانة ...جلس بغيت نهضر معاك ...
جلس فواحد الجليسة صغيورة دايرينها فالجردة وجات جلسات حداه ونطقات : ولدي بغيت ندوي معاك فواحد الموضوع ..
اركان : دوي
لالة نزهة : حتى لإيمتا غنشوف وليداتك اولدي نتا فالثلاتينات ومزال مباغيش تزوج حتى لايمتا ...امم؟!
اركان : مكنفكرش
لالة نزهة : بغيتي حتى نموت
اركان : الوليدة مكنفكرش فالموضوع متقجريش عليا
لالة نزهة : عافاك اولدي عطي فرصة لراسك راك كبرتي وانا بغيت نشوف ولادك بوحدك لي عندي وحتى انا بغيت حفاايد...
اركان : ان شاء الله نفكر ..نخليك دابا
ناض من حداها مخليها كتفكر ليه فالعروسة لي تليق بيه ...
مشا كيجري فالجردة وخلاها ناضت حتى هي حيت كانت سالات ودخلات للقصر...
يتبع🥂
YOU ARE READING
حورية الحاكم
Random🍷🥂#حــــوريــة الحـــاكـــم 🍷🥂 •حــوريـة رماتها موجات القدر بيـــن يدين حــاكم قــهَّــاار• #مــروى منـصوري 🍂لنفـتتحهـا باسـم لله🍂 •ديييك الحـووريـة هي حـقيقية دماائهاا بحـرية وصوتـهاا سنفوونيـة...اصـلهاا من مـيااه سـحرية وعينااهاا جـوهـر...
