رجعات لبيتها منهارة بزز باش حابسا راسها متبكيش ... دخلات وسدات البيت وهي كتحرك راسها بنفي وكتعاود فجملة وحدة :
"لا..لااا..ميمكنش يكون هو ...لا ماشي هو.."
طاحت على الباب كتبكي ودموعها شلال مقدراش تحبسهوم ...
واش صافي كلشي سالا داك لي بغاتو خانها ومعامن مع صاحبتها واش بنادم لهاد الدرجة كينسى كولشي ... نسا بلي هو لي كان تابعها وكيتسناها غير تقبل بيه ...نسا بلي ولات كتبغيه وكتحماق عليه ومعتابراه هو الملجأ الوحيد لي عندها...
لالة نزهة : اويلي على خايبة على مزويناتك كتحمقي وزينك يفتن ..مالكي ابنييتي
نورية كتحرك راسها بنفي فحال شي حمقة : لاا لاا اخالتي نتي غير كتكذبي كون كنت زوينة ميخوونيش مع صاحبتي ...
لالة نزهة فهمات النص تالبلان ولكن كذبات راسها وعاودات سولات : بنتي مالكي ..شكون خانك
نورية كدوي والتنهيدات من جوفها كيطلعو : خاالتي هو عصام..ااه عصام ..خاني مع صاحبتي
لالة نزهة : كيفاش فين شفتي هادشي
نورية : خ..خخالتي مشيت نشوفو واش كلا والله اخالتي خفتو يبقاا بالجوع والله اخاالتي ...اه ولقيتو ناعس معاها اه اخالتي شفتو بعيوني وياريتني ماشفت والو ...
لالة نزهة عنقاتها دافنا وجها فصدرها عاارفا حرقة الخياانة خايبة عاارفة وحااسة بسها كثر من اي واحد ونطقات كتحاول تواسيها : يمكن غير شي غلط ابنتي ياكما دارت ليه شي حاجة ..
عند نسيبة لي تجردات من حوايجها كاملة قدامو هو لي باقي لابش شورط ... حتى حسات بمعدتها تقلبات وخصهاا دخل للطواليط ... ناضت كتجري دخلات للطواليت اما هو عاد ضربو البرد وتسوعا وتوݣض وعرف شنو دار شد راسو بيديه وجلس كيحاول يستوعب كيفاش دار ليها ..كيفاش حتى وققع هااادشي حتى سمع صوت الطوااليت بلي شي واحد فيه السهاال ناض شااد نيفو وخارج من البيت وراسو ونيفو ايتفرݣعو علييه ...
يتبع🥂
Ups! Gambar ini tidak mengikuti Pedoman Konten kami. Untuk melanjutkan publikasi, hapuslah gambar ini atau unggah gambar lain.
