*နွေလေရူးကတဖန်ရာသီစက်ဝန်းထဲရောက်ရှိလာချေပြီ။ ရော်ရွက်တို့မှာလည်း လေဝှေ့တိုင်း မြေသို့သက်ဆင်းနေကြသည်။ အပူဒဏ်ဟာလည်း မပြင်းလွန်းမပျော့လွန်း။အဝေးတစ်နေရာမှ ကားဟွန်းတီးသံ နှင့် စာငှက်ငယ်အသံတို့မှာ ထွေးယှက်လျက် လေလှိုင်းထဲပျံ့နှံ့လာတော့သည်။
ရောင်စုံခြယ်သောသစ်သားခုံတန်းထက်ထိုင်လျက် လက်ထဲမှစာအုပ်ကိုအယောင်ပြလျက် သူ့မျက်လုံးတို့မှာ စာအုပ်တွင်မရှိဘဲ မျက်စိရှေ့ရှိ ဘတ်စကတ်ဘောကွင်းထဲသာရောက်နေခဲ့သည်။
ရွယ်တူတွေကြား ထင်းနေသောထိုလူသားဟာ ဘတ်စကတ်ဘောကိုကျွမ်းကျင်စွာပုတ်ခတ်လိုက်တိုင်း သူ့နှလုံးသားဟာ တသိမ့်သိမ့်။ ဘတ်စကတ်ဘောခြင်းထဲ ခုန်၍ထည့်လိုက်ချိန် လစ်ဟာသွားသော ထိုသူ့၏ဝမ်းဗိုက်တစ်နေရာကြောင့် နွေနေပူမှာ သူပါးပြင်နှစ်ဖက်ကပူလောင်လာသလို။
ယောကျာ်းလေးအချင်းချင်းတောင်မှ သမင်လှည်ပြန်ကြည့်ရသောထိုသူသည် လှသည်ဆိုတာထက်ပို၍လှ၏။အကြင်သူ၏အလှကိုဖွဲ့ဆိုရန်စကားလုံးက ဤကမ္ဘာ၌မရှိသေးသလို ထိုယောကျာ်းသည် ညို့ငင်နိုင်စွမ်းပြင်းလွန်းလှသည်။
သူထိုလူသားအားမည်မျှကြာသည့်အထိငေးနေမိသလဲမပြောတတ်။သတိပြန်ဝင်လာချိန် ထိုသူနဲ့သူငယ်ချင်းများမှာ ဘတ်စကတ်ဘောကွင်းမှထွက်ခွါရန်ပြင်နေကြချေပြီ။
သူထိုင်နေတဲ့နေရာဆီအကြည့်တစ်ချက်မပို့ဘဲ သူငယ်ချင်းများနှင့်စကားပြောကာထွက်ခွါသွားသည့်သူကို သူထိုနေရာ၌ပင်ကြည့်နေမိသည်။
ထပ်ပြီးဒီလိုနဲ့နေ့တစ်နေ့ကုန်သွားပြန်ပြီ။သဘောကျနေတဲ့လူပဲ၊ကိုယ့်ဖက်ကစကားစပြောကြည့်ပေါ့ ဆိုရင် သူငြင်းဆန်မိမှာအမှန်ပင်။
အဆင်ပြေပါတယ်..ဒီလိုမျိုးကြည့်နေခွင့်ရတာနဲ့တင် သူ့အတွက်လုံလောက်နေပြီမလား။ စကားနဲ့မပြောဖြစ်ရင်တောင် သူ့ခံစားချက်တွေကို အဲ့ဒီလူကနားလည်လောက်မှာပါ။ ဘယ်သူဘယ်ဝါမှန်းမဖော်ပြတဲ့ သူပေးတဲ့စာတွေကနေတစ်ဆင့်ပေါ့။
-
-
-*ဂျီဝွန်း...ကင်မ်ဂျီဝွန်း...သူ့ထက်(၂)နှစ်ကြီးတဲ့ထိုလူသားက မကြာခင်ဆိုအထက်တန်းပြီးလို့ တက္ကသိုလ်ကိုတက်ရတော့မယ်လူ။ ဒါပေမယ့် အဲ့ဒီလူက တက္ကသ်ုလ်မြေကိုမနင်းခင်ကတည်းက သူမတူတဲ့အလှကြောင့် နှုတ်ခမ်းနီမလေးတွေကြား နာမည်ကတော့ခပ်ကြီးကြီးရယ်။
YOU ARE READING
The Last Poem of Summer : Two Shots
FanfictionKim Jiwoong x Seowon [ A fan fiction about Jiwoong & Seowon from current Boys Planet's participants + Burmese ] *the whole story is author's imagination*