!#غفرانك18
بقلم: مها حولي الزاكي
بعد الًيَوُمًِ دا بقيت ما فاهمه شي للحياة دي، الجامعه فتحت بمشي احضر المحاضرات لَـگِنْ ما فاهمه فيها شي ، دي كانت م̷ـــِْن أصعب فترات حياتي، م̷ـــِْن ناحيه تانيه عملنا حددوا موعد عرس مزدلفه و حذيفه و قالوا ما عايزين خطوبه عشان كدا حبسناها طوالي ، في الفتره دي بقيت ما بتلاقى مع عُدى كتير بمشي الجامعه و لمن أرجع هو بكون ما موجود و هكذا....
يوم كنت طالعه م̷ـــِْن الجامعه، تلفوني رن طلعتو و لقيت المتصله لينا، عملت التلفون صامت و دخلتو جوه شنطتي و اتحركت م̷ـــِْن المكان الكنت الواقفه فيهو ما وقفت إلا لمن سمعت صوت بنده علي !
أول ما عاينت وراي لقيت لينا واقفه قصادي ، بقيت مبحلقه عيوني بس، موقفي كان بايخ شديد و ما عرفت اقول شنو، جاتني قريب و م̷ـــِْن غير ما تسلمي علي قالت لي:
_ عملت ليك شنو انا؟ غلطت في حقك م̷ـــِْن غير قصد أو بقصد؟
.....
_ لٱ ما تسكتي و قولي عملت ليك شنو ضايقك مني و خلاك ما تردي على مكالماتي و رسايلي؟
= م مم ماف شي!
_ يعني بدون سبب فصلتيها مني؟
ما عرفت اقول شنو حسيت أطرافي بقت بارده و الحروف بتهرب مِڼـّي، ما كان عندي شي اقولو ليها ...اصلا اقول ليها شنو يعني؟
_ مها رجاء ما تسكتي، و انا الًيَوُمًِ لْـۆ ما عرفتك مالك معاي لٱ ح امشي لٱ ح أخليك انتي تمشي ...
جرتني م̷ـــِْن يدي لحدي ما وصلنا مظله صغيره كدا ، عاملنها للناس عشان تنتظر فيها المواصلات ، قعدتني و قعدت جنبي ...
_ احكي سامعاكِ انا
= زهجانه و مضايقه بس عشان كدا ما كان عندي نفس اتكلم بيها مع زول
_ ضيق و زهج بالأسابيع؟ ....مها حتى خطوبتي ما جيتيها ، اتصل عليك كذا مَـرّھٌ عشان أكلمك حتى يوم الخطبه اتصلت عليك بس قفلتي الخط في وشي! في شنو مش كنا كويسين لحدي الًيَوُمًِ الإتصلت لي فيهو و سألتيني عن اسم خطيبي عشان كنت مجهزه لينا هديه؟ اهااا شنو الخلاكِ تقفل الخط في وشي ؟!
قلت ليها:
زي ما قلت ليك يا لينا كنت مضايقه و قافله معاي و لحدي اللحظه دي انا ما كويسه
_ في اسئله كتيره في بالي بس ح أغض نظر عنها و اسألك مضايقه م̷ـــِْن شنو؟ السبب ولد خالتك؟
عاينت ليها مسافه حتى قلت ليها ايوه .....خطب و انتهى
_ ما مستغربه لأني گلّمّتگُ قبل كدا و قلت ليك اخطي خطوه جاده في الموضوع دا عشان ما تندمي
= بس البت الخطبها بتحبو شديد و انا عارفه الحاجه دي ما بقدر أدوس على ضمير و أخطفو منـِْهـ♡̨̐ـِْا و اخرب ليها فرحتها
_ طيب و انتي؟ منو الح يهتم بسعادك
= الله كريم .....خلينا م̷ـــِْن الموضوع دا اهااا يوم الخطبه كان كيف و آسفه شديد لأني فوت يوم مهم بالنسبه ليك 💔
_ الحمدلله ټمـٱمـ
= ليه قايلاها كدا؟ الحصل شنو؟
بعد ما قلت ليها كدا انفقعت بالبكاء لمن خلعتني بقيت اهدي فيها و امسح ليها في دموعها، بعد ما سكتت شويه قالت لي:
_ حاساهو زي المغصوب على العرس دا حتى يوم الخطبه ما كان مركز مع أي زول، حتى بسمتو كان واضح بالنسبه لي إنها مزيفه ، حتى بعد الخطوبه ما حصل اتصل علي أو رسل لي رساله، تصدقي قبل فتره اتلاقينا في عرس بت عمي و هو ما كلف نفسو يجي يسلم علي! قلت احتمال ما شافني، مشيت ليهو و سلمت عليهو بس تعاملو البارد معاي أكد لي إنو فعلاََ متجاهلني و ما شغال بي ، بقيت احاول ألطف الجو و اضاحك معاهو بس هو لسه في برودو داك و كان بالغ ببتسم بس.
= اففف مـڼـڱ طوالي فسرتي على كيفك؟ يمكن في موقف أو حاجه حصل معاهو شاغلاهو أو مضغوط في شغلو.، المهم كلو وارد، و هو لو ما كان عايزك أو ما كان جادي في علاقتكم دي هل كان ح يجي و يتقدم ليك؟
_ ما عارفه يا مها 😭 لَـگِنْ نحنا البنات بندقق في ابسط التفاصيل و م̷ـــِْن نظره واحده بنعرف اذا الزول القدامنا دا عايزنا ولا لٱ ، عُدى دا انا ما حسيتو مبسوط بخطوبتنا دي و دا كان واضح كأني مغصوب علي ، معقوله يكون عندو وحده غيري؟
=اخخخ مـڼـڱ بتحبي تكبري المواضيع ، برجع أعيد ليك كلامي تاني هو لْـۆ ما كان عايزك ليه يجي يتقدم ليك؟ كدي فكري فيها بينك و بين نفسك!
_ بس يا مها ..
= ما بس ولا حاجه اسمعي كلامي و ما تهتمي بالفارغه ماف أي سبب مقنع يخليك تشكي فيهو
_ اممم في سبب ، يمكن حتقولي عني متخلفه و ما عارفه انا بقول في شنو، لَـگِنْ انا شاكه إنو خالتو تكون عملت ليهو حاجه!
نطت عيوني و بقيت أعاين ليها بخلعه كدا، قلت ليها حاجه زي شنو؟قصدك شنو انتي؟
_ عماتي قالوا لي إنو خالتو عايزاهو لـ وحده م̷ـــِْن بناتها ، لحدي الآن ما شفتها و ما بعرفا و حسب كلام عمتي فضيله هي ممكن تعمل أي حاجه عشان تخليهو يفركش الخطوبه دي و عادي تكتبو عند شيخ..
