#غفرانك29
بقلم: مها حولي الزاكي
دي كانت أصعب فتره علينا و على الشعب السوداني و كلنا مفجوعين و منصدمين م̷ـــِْن فض الإعتصام الحصل في رمضان بالمعنى الحرفي مسخ علينا العيد كل واحد فيني لزم سريرو و بقى سرحان بعيد عايز يهرب م̷ـــِْن الحقيقه المره الحصلت، لليوم ما قادرين نستوعب الحصل و الطريقه البشعه الكتلوا بيها المتظاهرين لليوم بنشوف في الصور و الفيديوهات تبع يوم فض الإعتصام بالإضافه لـ دا كلو في اختفاء عُدى م̷ـــِْن جهه تانيه و دا الكان حاميني النوم بقينا كلنا عايشين على أعصابنا و كل يوم بنتصل على أبوهو و نسألوا اذا عرف عنو حاجه بس لحدي اللحظه دي ما معروف عُدى وين بقت تجيني افكار سلبيه شديده مرات بقول احتمال يكون مات يوم في الإعتصام مع الناس الحرقوها في الخيام و مرات بقول احتمال رموهو في النيل مع باقي المتظاهرين، كل ما أفكر كدا ببكي شديد و بمشي أصلي و استغفر و بدعي إنو يرجع لينا سالم....
____________
شفتي يا أمي أكيد عملن ليهو حاجه و طفشنوا مني حييييا انا منهن و م̷ـــِْن السونوا فيني
_ يا بت يا لينا هوووي استغفري يا بتي و ما تتبعي الكلامات الزي دي، و أوعك تخلي عمتك فضيله دي تزن ليك في راسك و تزرع فيهو حاجات زي دي
لَـگِنْ يا أمي عمتي ما جابت شي م̷ـــِْن عندها و هنديل انا و عُدى م̷ـــِْن يوم عرسنا ما شفنا يوم حلو و دايماََ نقاش في نقاش لحدي ما هسي غطسن حجرو و ما معروف ودنوا وين، و بعدين يا أمي انتي مش برضو كنتي زي عمتي بتحذريني م̷ـــِْن بُهيثه و بناتها ؟ هسي الجد شنو؟
_ ايوه دا في البدايه لأني صدقت عمتك لمن قالت لي ح يكتبنوا عشان يخلي العرس لَـگِنْ دا كلو ما حصل ، بالمنطق كدا هي بُهيثه دي لْـۆ كان عايزا تعمل حاجه زي دي مش كان عملتها م̷ـــِْن زمان؟ و اساساََ تعمل كدا ليه ؟هي لْـۆ كان قالت ليهو سااااي عايزا اعرس ليك وحده م̷ـــِْن بناتي ما كان حيكون عندو معانا شايفاهو بحترمها شديد لأنها هي التعبت عليهو و ربتو فـ شنو شيلي الهلوسات دي م̷ـــِْن راسك و إلا ح تجني والله...
دي ما هلوسات يا أمي اتخيلي أمبارح رفعت المزهريه لقيت تحتها عقرب و لمن جيت أشرب مويه لقيت لونها متغير حتى في الحمام بقيت أحس انو في زول مراقبني، متأكده يا أمي انو مها عملت لي شي و الله هي العملت فيني كدا 😭
_ يا حسرتي عليك يا بتي، الله يهديك و يرضى عليك خلي البتسوي فيهو دا و بعدين انتي مُشُگلتگُ معاها شنو ؟ اليوم كلو شابكانا مها مها مها!
هي بتكرهني يا أمي بتكرهني شديد 😭😭 و ما ح تخلينا انا و عُدى في حالنا أكيد مشت و عملت لي عمل ح تدمرني يا أمي و ح تجنني
_ لٱ حول ولا قوة إلا بالله كلو م̷ـــِْن عمتك فضيله هي الدخلت ليك الهلوسات دي الله لٱ بارك فيها ...كدي حاولي تنومي انتي التانيه لحدي ما اشوف جنك دا حدو وين
