رجف جسمي بحضورك وارتعد ويــــاك
احس لحضات روحي من الجسد تطلـــع
ردت انساك وابعد ماكدرت انســــــــــاك
كل مازيح طيفك والتفت .. يرجـــــــــــع
... ردت اجمع افكاري تعذرت لـــــــــــولاك
اغظ طرفي واكابر خاني المسمــــــــــع
ردت عنك اباعد انجبر اهـــــــــــــــواك
تبجيني وتضمني تكفكف المدمــــــــــع
حبيبي من الغدر حاشا والف حاشــــاك
حاشا بيوم وحدي تعوفني اتوجـــــــــع
تأكد ماهويت ولا كويت جفـــــــــــــــاك
ولاغيرك وحقك شافني من اخضــــــــع
انا اتنفس انفاسك امشي بممشـــــــــاك
انا كل روحي الك لو بالوصف تقنــــــع
انا ذاك الحنان المابلغتــــــــــــــــه وذاك
نور انولج بيك بصدرك يشــــعشــــــــــع
انا ناطر جوابك لاتردني ارجــــــــــــــاك
فاتح كلبي الك من بابه الاوســــــــــــــع..
