Unicode
"ငါတို့ လမ်းခွဲရအောင် ငယ်"
ပြတ်သားမှု အချို့ပါသော မျက်နှာထားဖြင့် ထိုအမျိုးသားသည်
ကျွန်တော့်မျက်နှာအား ကြည့်၍ ပြောနေခဲ့သည်
" ဟား...မနောက်ပါနဲ့မောင်ရဲ့"
ဘာမှမဖြစ်သလို ပြုံး၍ ပြောလိုက်
သော်လည်း ကျွန်တော့် စကားသံ၌ ငိုသံတွေယှက်ပါသွားသလား မသိပါချေ။
"မောင်နောက်နေတာ မဟုတ်ဘူးငယ်
မောင် သွယ်နဲ့လက်ထပ်တော့မှာ"
ကျွန်တော့်ပါးပြင်ပေါ်က တစ်အိအိကျဆင်းလာခဲ့သည့် မျက်ရည်တွေ၊
မျက်ရည်တွေနဲ့ ကျွန်တော်ဟာ ရူးမိုက်စွာ ရယ်နေမိပြန်ပါလား။
"သိပြီးသား မောင် ငါသိပြီးသား
ဘာတဲ့ မောင်အထက်တန်းကတည်းက လိုက်ခဲ့ရတဲ့ မောင့်ရဲ့အချစ်ဦးဆို"
မောင်သည် မယုံကြည်နိုင်စွာ ကျွန်တော့်အားကြည့်လာခဲ့သည်
"ဟား... ငါ့ကို မင်းလောင်းရိပ်မှာပဲနေ၊
မင်းပြောသမျှ ယုံပြီး ဘာမှမသိဘူးလို့ ထင်နေတာလား မောင်"
"ချစ်လွန်းလို့ မောင်ရဲ့ ဒီကကောင်ချစ်လွန်းလို့ မောင့်ရဲ့ဘေးမှာ မျက်စိပိတ် နားပိတ်နေခဲ့တာ"
မောင်သည် ကျွန်တော့်အပေါ် အနည်းငယ်သနားသွားသည့်ထင်၊
တောင်းပန်တိုးလျိုးသည့် မျက်ဝန်းတွေနှင့်ကြည့်လာခဲ့သည်
မကြည့်နဲ့မောင် ငါ့ကိုအဲ့လိုတွေနဲ့ မကြည့်နဲ့
ငါက ဘယ်သူ့ဘယ်သူရဲ့ အသနားခံမှ မဖြစ်ချင်ဘူး
"မောင်တကယ် တောင်းပန်တယ်ငယ်၊
မင်းနဲ့ငါက အစတည်းက ဘယ်လိုမှမဖြစ်နိုင်တဲ့သူတွေ မောင့်မိဘတွေကလည်း မောင့်ကို မင်းနဲ့ ကြည်ဖြူမှာမဟုတ်ဘူး"
"မောင်ရာ...မင်း အခုမှဒါတွေဘာလို့ လာပြောနေတာလဲဟမ် မောင်...ငါနဲ့တွဲလာထဲက ဒါတွေကိုမင်း မစဥ်းစားမိဘူးလား"
မောင်သည် တခဏတော့ တိတ်ဆိတ်သွားခဲ့ပါ၏ ။
"....."
"ဟားးး...မင်းမပြောနိုင်တော့ဘူးမလားမောင် ဒါဆိုဘာလို့...ဘာလို့ငါနဲ့တွဲခဲ့
သေးလဲ..ဟမ် မင်းမှာ ရည်ရွယ် ထားတဲ့ မိန်းကလေးရှိရဲ့နဲ့ငါနဲ့ဘာလို့တွဲခဲ့သေးလဲလို့"
YOU ARE READING
မောင့်အတ္တငယ် (ေမာင့္အတၱငယ္) [one short]
Short Storyဇာတ်လမ်းလေးရဲ့ အဆုံးမှာ ကြယ်လေးတစ်ပွင့် ကြွေခဲ့သတဲ့။ ဇာတ္လမ္းေလးရဲ႕ အဆုံးမွာ ၾကယ္ေလးတစ္ပြင့္ ေႂကြခဲ့သတဲ့။
![မောင့်အတ္တငယ် (ေမာင့္အတၱငယ္) [one short]](https://img.wattpad.com/cover/338611461-64-k598836.jpg)