من الضُلمة....ثم أليك

مقدمة

جنت كولش فرحانة اليوم عيد ميلاد رنا هل آنسانة لطيفة كولش وهيه صديقتي من ايام السادس خل أسولفلكم عن رنا قبلي رنا عانت هواي بحياتهة بسبب عماتهة بعد ما اتوفت أم رنا لمن جان عمرهة 16 سنة وتركت ألهة اخوهة المعاق وابوهة الي كلمى يطلع يشتغل ويادوبة جمع كم فلس يصررفهن على علاج ابنة ألى أن بيوم اشتغل ابوهة عند دكتورة جراحة صار يوصلها ويرجعها وصاير بيناتهم أعجاب فصايرة القسمة

وتزوجوا ورنا جانت تحب ابوهة وتريدة بس يرتاح لان جان كاسر خاطرهة بشغلة وبعد متزوج ابوهة من الدكتورة عماتهة لرنا حارربن الدكتورة حرب لان جانن يكرهن اخوهن والسبب لمن مات أبوهن ترك 60 مليون ورث لحارث الي هوة أبو رنا و20 لصبا و20 لسما فأعترضن على التقسيم وصارت مشاكل ابو رنا قرر انو يسوي ألة مشروع بيهن قرر أنو يشارك واحد بمطعم

بس ذاك الشخص طلع نصاب واخذ الفلوس وشرد وبعدها شبع شماتة حارث الى يوم زواجة من الدكتورة خواتة يردن بس يخربن حياتة سوون خطة أنو يخلن رنا أدخل واحد للبيت لمن تكون سعاد نايمة (ألي هية الدكتورة) ويصورنهة ويا بس رنا مقبلت وحاولن اكثر من مرة يقنعن برنا بس رنا جانت ذكية وكل ما يجن يقنعنها تسجل كلامهن وطلع ابوهة يدري بكول سوالفهن، قررت الدكتورة بعدها انو تنقل لبيت جديد

وتاخذ رنا وحارث وياها الي هوة أخو رنا المعاق وبعدها ارتاحو من العمات الحيايه سعاد جانت حنينة وي رنا وميثاق ومخلتهم يحسون بغياب أمهم وبعد مصارت رنا بلسادس أتعرفت عليها وهسة احنة نفس الجامعة بس الفرق هية طب عام واني هندسة، واليوم عيد ميلادهة قررت اضرب محاضرة واروح اجيب احلى كيكة الهة بس الي صار واني دأمشي واحد اتحارش بية منطيتة مجال بس زودهة وحاول يلزم ايدي فأنداريت وضربتة بمكان...... وكمت اغلط عليه ونزلت عليه فرد

نزلة لحد مصاح صديقة وشو هذولة سحلوني للمخفر دخلوني على واحد شكلة نقيب لان شفت ٣ نجمات على جتفة جان صاح الي تحرش بية سيدي هاي شكيت بيهة متعاطية ولما حاولت اوكفهة ضربتني وكامت تغلط علية
زهراء: عزة بعيني سيدي والله ديجذب هوة تحارش بية واني بس وكفتة عن حدة
صفوان:والج عين تجذبين ،يا ولد اخذوهة للفحص
زهراء: يافحص وين ماخذيني اشو ذولة اخذوني لوحدة نفضتني نفض من فوك ليجوة واتأكدوا مني بعد مرجعوني وكالوا لهذا الميتسمى انو اني مبية شي
ملازم جواد:سيدي اعتذر شكي طلع غلط
صفوان:وانتة ياهو التشك بيه تجيبة الي اخر مرة تسويهة فهمت
ملازم جواد :اعتذر سيدي
زهراء:بعد مطلع باوعت لهلنقيب بحقد.،انتة شلون تعوفة يمشي بهلسهولة دأكولك اتحرش بية وهوة الي لفق كول هلشي حتى ميتعاقب
صفوان:شنو الي يضمنلي انتي مدتلفقين مثلة
زهراء:سيدي اني انسانة صادقة
صفوان:فديت الصادقات اني
زهراء:باوعتلة بنضرات قوة... عفوا حضرتك طلعت متفرق عنة حضرة النقيب لو حاب اكولك سيدى المتحرش
صفوان:أول شي لتباوعين بهلنضرة لج شنو انتي ممستوعبة انج بمخفر لو واحد غيري جان
زهراء:كال هيج وسكت.
أي كمل ليش سكتت
صفوان:جان مبقة بيج عضمة صاحية
زهراء:باوعتلة بتحدي، خل يتجرأ بس ويلمسني اني الي ما اخلي بيه عضمة صاحية ،وهسة ترجعوني مثل مجبتوني هنانة
صفوان:وتتأمر بعد ياللة عادي تعاي اوصلج
زهراء:طلعت من مكتبة واشوف الكل يباوعلي بطريقة غريبة بس لمى سمعت صوتة الكل نزل راسة طلعنة لسيارتة وردت اصعد ورة
صفوان:حبيصي مو سايق الخلفوج اني دصعدي ليكدام خاتون
زهراء:اهوو ياللة صعدت ارتاحيت
صفوان:لتخليني انزلج واكنسل التوصيلة
زهراء:اشو غصبن ماعليك توصلني وانتة الممنون
صفوان:لا والله ممنون من شنو باللة
زهراء:لان انتو جبتوني هنا وانتو ترجعوني بنفسكم
صفوان:كولش واثقة من نفسج
زهراء:شقصدك
صفوان:ما اقصد شي يابة خلينة نحرك بلا صوت
بعد محرك السيارة
زهراء:حجيت وية نفسي... مكرهتكم من فراغ
صفوان:ترة سمعتج، ومعايزين حبج بابا
زهراء:اكيد معايزين حبي لان المراهقات عليكم كتل بس لو اعرف على شنو يحبنكم أشو انتوا اكبر نسونجية بلكون
صفوان:مو كول اصابعج سوة بابا
زهراء:باوعت لأصابعي وهوة يناضرني ومستغرب.. بلنسة الي كول أصابعي سوة وانتوا الزينين مالتكم ينعدون علأصابع
صفوان:ياربي بيمن ابتليت اني ولج ودي هسة اطير بيج للجامعة واخلص من لغوتج
زهراء:شفت متقبلت الحقيقة المرة وتعرف شغلة انقهر على ذني المراهقات الي يحبنكم عبالهن تحبونهن وانتوا وين ماكو وحدة شعرها حاركتة بلصبغ الاشقر ومخلية مكياج زونبي ولازم وزنها 75 كيلو وشرط حواجبها بلطول وكرشها بلعرض ياللة تحبوهة ذوقكم مكروه مثلكم
صفوان:اهوو عمي ليش ماخذين هلنضرة علينة احنة ذوقنة ترة رفيع بعيد عن هلنماذج هذا بس كم واحد كو...د طلع علينة هلسمعة الجايفة
زهراء:اي اي صدكتك
صفوان:اشو تحجين من ورة خشمج وبعدين طبج طوب صدكتي والماصدكتي
زهراء:أللة على اخلاقك ابو الذوق الرفيع اوف شوكت نوصل لأن بديت اختنك منك أللة يساعد زوجتك عليك
صفوان:ترة ممزوج ولا مرتبط جنت مقرر اخلي امي تخطبلي بس بعد ما التقيتج كرهت سالفة الزواج كولهة
زهراء:مشاعرنا متبادلة سيدي النقيب كعدت مبوزة وهوة يضحك علية تنرفزت حيل منة
وصلت للكلية واخذت جنتطتي وملازمي وركعت الباب قوي
صفوان:فتحت الجامة، ولج علكيفج القزمة
زهراء:صحت عليه اكول ابو شهاب ارجع لسيارتك واتمنة ما ارجع اشوفك  بحياتي مرة ثانية
صفوان:صحت بصوت عالي قبل لا انزل الجامة على كولتج مشاعرنا متبادلة، الصراحة عمري مشفت بجرأتها وخبالهة وصلافتها ضحكت بكلبي بعد مشفت مداليتها واكعة جانت ييهة ارنب ضحكتة تششبه ضحكتها محاولت ارجعة ألهة كولت حتى تكون عندي حجة لمى اجي واشوفهة لهلخبلة
زهراء :بعد معفتة رحت بسرعة للشكرجي وجبت كيك وعصير اكيد مراح انسى رنوش رجعت للكلية وتلكتني ريهام
ريهام:عزة العزاج زهراء تدرين شصار بغيابج.......

ينتهي هلبارت التعريفي عن روايتي اتمنة تكون القصة عجبتكم اتمنة تنطوني أرائكم حتى اكدر احسن منهة بلبارتات الجاية احبكم

زهراء 💜