من الضُلمة....ثم أليك

بارت الأول

مـن يمـي تمـر وآشـوفگ حلو آهہوآي......

مـدري آلشـوگ آلي بعيني هہوهہ آليحليگ.....

عيونگ مـن آللهہ مـگحلآت ويضـون گلبي مـن آبآوع بيگ.....

وجهہگ مـو وجهہ بشـر لآ جنگ مـلآگ وآلگل يشـوفگ عآدي وآني بعيني آغليگ.....

آضـحگلي بعد بضـحگتگ تردلي آلروح.....

يلوآهہسـي بلدنيآ يرجع مـن آبآوع بيگ.....

للشـآعرهہ آلقديرهہ(زهہرآء_آل_خزعل)❤️‍🩹 ألي هية اني😄
.
.
.
.

(زهراء)...

مسولفتلكم عني وشلون ادى بيه القدر والتقيت بصفوان، اني ولادتي بغداد ضلينة نتنقل اني وعائلتي بين كربلاء و بغداد لان بيت جدي بكربلاء عايشين

المهم صارلنة 3 سنين مستقرين بكربلاء قرر بابا بس اصير سادس يخليني اروح يم عمي ببغداد وادروس هناك

درست السادس ببغداد وتعرفت على رنا بهلسنة وتعرفون رنا بعد سولفتلكم عنهة اني اعشق بغداد وحلمي جان ادرس بجامعة بغداد واتزوج بغدادي واعيش طول عمري هناك واجتني الفرصة 🤭 طلعت معدل يخولني ادخل هندسة نفط بس مجان بجامعة بغدلد صار القدر أنو اداوم بلمستنصرية ورنا محبت تعوفني فداومت وياي طب

دخلت جامعة ورحت سكن جامعي رنا بالرغم من أنو بيتهة قريب علجامعة بس قنعت اهلهة واجت وياية للسكن

مر على دوامنة ٣ شهور ونص واليوم عيد ميلاد رنا فقررت اروح وأفاجئهة قررت اضرب محاضرة واروح اجيب احلى كيكة الهة بس الي صار واني دأمشي واحد اتحارش بية منطيتة مجال بس زودهة وحاول يلزم ايدي فأنداريت وضربتة بمكان...... وكمت اغلط عليه ونزلت عليه فرد نزله

لحد مصاح صديقة وشو هذولة سحلوني للمخفر دخلوني على واحد شكلة نقيب لان شفت ٣ نجمات على جتفة جان صاح الي تحرش بية سيدي هاي شكيت بيهة متعاطية ولما حاولت اوكفهة ضربتني وكامت تغلط علية
زهراء: عزة بعيني سيدي والله ديجذب هوة تحارش بية واني بس وكفتة عن حدة
صفوان:والج عين تجذبين ،يا ولد اخذوهة للفحص
زهراء:يافحص وين ماخذيني اشو ذولة اخذوني لوحدة نفضتني نفض من فوك ليجوة واتأكدوا مني بعد مرجعوني وكالوا لهذا الميتسمى انو اني مبية شي
ملازم جواد:سيدي اعتذر شكي طلع غلط
صفوان:وانتة ياهو التشك بيه تجيبة الي اخر مرة تسويهة فهمت
ملازم جواد:اعتذر سيدي
زهراء:بعد مطلع باوعت لهلنقيب بحقد.،انتة شلون تعوفة يمشي بهلسهولة دأكولك اتحرش بية وهوة الي لفق كول هلشي حتى ميتعاقب
صفوان:شنو الي يضمنلي انتي مدتلفقين مثلة
زهراء:سيدي اني انسانة صادقة
صفوان:فديت الصادقات اني
زهراء:باوعتلة بنضرات قوة.. عفوا حضرتك طلعت متفرق عنة حضرة النقيب لو حاب اكولك سيدى المتحرش
صفوان:أول شي لتباوعين بهلنضرة لج شنو انتي ممستوعبة انج بمخفر لو واحد غيري جان
زهراء:كال هيج وسكت.
أي كمل ليش سكتت
صفوان:جان مبقة بيج عضمة صاحية
زهراء:باوعتلة بتحدي، خل يتجرأ بس ويلمسني اني الي ما اخلي بيه عضمة صاحية ،وهسة ترجعوني مثل مجبتوني هنا
صفوان:وتتأمر بعد ياللة امشي اني اوصلج بس شنو اسم جامعتج
زهراء: المستنصرية....طلعت من مكتبة واشوف الكل يباوعلي بطريقة غريبة بس لما سمعو صوت ركعة الباب مال مكتب الكل نزل راسة طلعنة بره المخفر واتوجهنه لسيارتة وردت اصعد ورة وكال....
صفوان:حبيصي مو سايق الخلفوج اني دصعدي ليكدام خاتون
-اهوو ياللة صعدت ارتاحيت
-لتخليني هسه انزلج واكنسل التوصيلة
زهراء:اشو غصبن ماعليك توصلني وانتة الممنون
صفوان:لا والله ممنون من شنو باللة
زهراء:لان انتو جبتوني هنا واترجعوني بنفسكم
صفوان:كلش واثقة من نفسج
زهراء:شقصدك
صفوان:ما اقصد شي يابة خلينة اتوكل واخلص
حركنه السياره وكوهہ متحملته
زهراء:حجيت وية نفسي... مكرهتكم من فراغ
صفوان:ترة سمعتج، ومعايزين حبج بابا
زهراء:اكيد معايزين حبي لان المراهقات عليكم كتل بس لو اعرف على شنو يحبنكم أشو انتوا اكبر نسونجية بلكون
صفوان:مو كل اصابعج سوة
زهراء:باوعت لأصابعي وهوة يباوعلي ومستغرب.. بلنسة الي كول أصابعي سوة وانتوا الزينين مالتكم ينعدون عل اصابع
صفوان:ياربي بيمن ابتليت اني ولج ودي هسة اطير بيج للجامعة واخلص من لغوتج
زهراء:شفت متقبلت الحقيقة المره وتعرف شغلة انقهر على ذني المراهقات الي يحبنكم عبالهن تحبونهن وانتوا وين ماكو وحدة شعرها حاركتة بلصبغ الاشقر ومخلية مكياج زومبي ولازم وزنها 80 كيلو وشرط حواجبها بلطول وكرشها بلعرض ياللة تحبوهة ذوقكم مكروه مثلكم
صفوان:اهوو عمي ليش ماخذين هلنضرة علينة احنة ذوقنة ترة رفيع بعيد كل البعد عن هل نماذج هذا بس كم واحد كو....د طلع علينة هلسمعة الخايسه
زهراء:اي اي صدكتك
صفوان:اشو تحجين من ورة خشمج وبعدين طبج طوب صدكتي والماصدكتي
زهراء:أللة عليك ابو الذوق الرفيع  شوكت نوصل لأن بديت اختنك منك أللة يساعد زوجتك عليك
صفوان:ترة لامزوج ولا مرتبط جنت مقرر اخلي امي تخطبلي بس بعد ما التقيت بيج كرهت سالفة الزواج كلهة
زهراء:مشاعرنا متبادلة سيدي النقيب كعدت مبوزة وهوة يضحك علية تنرفزت حيل منة
وصلت للكلية واخذت جنتطتي وملازمي وركعت الباب قوي
صفوان:فتحت الجامة، ولج علكيفج القزمة
زهراء:صحت عليه اكول... ابو شهاب ارجع لسيارتك واتمنة ما ارجع اشوفك  بحياتي مرة ثانية
صفوان:صحت بصوت عالي قبل لا انزل الجامة على كولتج مشاعرنا متبادلة، الصراحة عمري مشفت بجرأتها وخبالهة وصلافتها ضحكت بكلبي بعد مشفت مداليتها واكعة جان بيهة ارنب ضحكته تشبه ضحكتها محاولت ارجعه ألهه كلت حتى تكون عندي حجة لما اجي واشوفهة
زهراء :بعد معفته رحت بسرعة للشكرجي وجبت كيكه وعصير اكيد مراح انسى رنوش رجعت للكلية وتلكتني ريهام
ريهام:عزة العزاج زهراء تدرين شصار بغيابج