نوايا القلوب..

٢٦

يسعد صباحكم حبايبي ..

طبعا هاليومين الفاتت اني صدري فد مره متحسس وعلاج الربو يخليني احلق بالسما خاص الحبوب
كل ماالزم تليفوني ارد اكتب تاخذني نومه تعبت
وإذا گطعت العلاج مااتنفس

عاد هسه گلت مابيها مجال غصبا عني اسهر عليه تأخرت عليهم

بطبيعتي من اكتب ماافوت للبرامج خاف تشغلني وظاله بالملاحظات بس

ومااتأخر عليكم لو مامجبوره
والله حتى الجهال ممقريتهم رغم امتحانات لاول مره اكل الابوهم انت قريهم مااركز وياهم بسبب علاجي

لهذا ارجوا المعذرة

وربي يتقبل الطاعات ...

...

ريام..

حاولت عمتي تقنعني ورفضت رفض قطعي وصلت مرحلة بعمري عقلي هو الي مسيطر على قراراتي وكفته هي الغالبة

وحتى گلبي الحبه يحب احمد القديم

أما احمد ابو الطفلين والي حاول وجرب بعلاقتين بدون مايوگف بعينه وعد وحب أو محاولة حاول بيها يوصلي مااريده لو يبقى بس هو !

من اجو البيتنا انسحبت لأن مالي خلگ محاولات من جديد واخاف يحسب وجودي وبقائي بي امل اله
اساسا اني بهالوقت ميته من ملحة دكتور يحيى الي هو استاذ جامعي وياي وحاول يخطب حتى الأبو تمار وصل وطلبني منه ورفضت بس مااقتنع برفضي

كل فتره يفتح موضوع الزواج وياي وارفض ويرجع بحجة رفضج مو منطقي

بالأخير اجتني اخته وگعدت تناقش شنو اليمنع بينتلها أن الدكتور يحيى انسان محترم وخلوق ويمكن كل وحده تتمناه لكن اني ماافكر بالزواج
بيومها هو كل شويه يراسلني مارديت لأن متوترة وتعبانه

من اجونا ولد عمتي

بالليل رجعت عمتي فاتحتني وانطيتها نفس الرد طلبت مني طلب وگالت اخر طلب اطلبه منج

شوفيه واگعدي  اتفاهمو  واحجو كلشي بوجودي

ماگدرت ارفض انحرجت وحچيت الأمي شجعتني
گالت

..انتِ جبيره وعاقله واعرف بوضعج اخوج يثق بقرارج هم ومااعتقد يرفض لقائكم اذا بي حسم للموضوع

هو حدد موعد عن طريق عمتي يكون لقائنا بمكان عام بعد يومين لأن عماتي مشغولات بخطوبة عمي باسم اليوم ومتحضرات هنه
ووياهن امي و زهراء تروح

راحن والوصلهن ابو تمار وعمي بااسم چان گاعد بالبيت على نار رغم الخطوبة أولية بين الأمهات بس
وبعدها ينطن خبر الابوها واخوانها

اني عقلي مشوش بمقابلتي  شلون راح اشوفه وشنو احجي واخاف ارتبك وماتطلع الي بگلبي لو اخاف انفعل وأبين اني متأثره ومااريد اتأثر ابد