نوايا القلوب..

٣٢

السلام عليكم حبايب

اذا صار وانشر البارت هلهلن مكاني

طبعا اول قصة الي هيج تتوقف يومين عن نشر بدون سبب ماينشر مااعرف اذا تبليغات أو لا

بس مااعتقد اكو سبب للتبليغ القصة ما بيها شي بالعكس احرص على اختيار حتى المفردات حتى الكل يگدر يقراها وتناسب كل الأعمار ياريت الي متعجبه يتركها اكو هوايه قصص حلوات بس لتبلغون اترجاكم

المهم اني عود اجيت اكحلها عميتها كالولي احتمال الخلل بحسابج غيري الرمز وسجلي خروج ورجعي للحساب يكون شغال
اني الشاطرة على گولت ابو علي شسويت 😂

غيرت الرمز وسجلت خروج ونسيت الرمز الجديد انوب اريد ارجعه ويبقى مفتوح حتى لو بدون نشر
ع الأقل اعلق ارد ع تعليقاتكم يبقن قصصي يمي اجيت انجلط الا شويه وصار ايام احاول اليوم حماي الأصغر اجانه ومشكوره جهوده هو الي رجعه والحمدلله ♥️

لهذا راح انشر واتمنى ينشر اتمنى

.....

شبا..

چنا منتظرين ابو تمار على نار عمي باسم بعد مااتصلو بيه ناس موسطتهم ام مهجة ونسابتها يبلغونه بطلبها
اجو عليه وجابهم البيتنا الچبير
للأستقبال يفهم منهم

طلب من مؤمل يظل وياه وگال حازم لحد يگله اكو ناس جايه من طرفها اذا سأل كولو جماعة باسم
وفعلا هذا الصار

بالمطبخ احنا مخبوصين نريد نعرف شراح يصير أصواتهم عالية ويحجون الطرفين بحدة

من گلهم عمي بدون لف ودوران  فوتو بموضوعكم

بالبداية گالو العمي

خلي  اولادها يرحون يشوفونها وحرام عليكم تمنعون ام من أولادها وجايتكم هي بالمعروف ماتريد مشاكل

والا القانون موجود ويحاسبكم على هذا المنع حتى اتصالات مانعيها منهم حلال حرام

انتو ناس ع أساس تخافون الله شلون تزوجون بتها دون علمها والبنية مجبورة
اذا عبالكم مالها أحد غلطانين وراها رجال تسد عين الشمس وتاخذ حقها وأكثر

هنا احنا مركزين نسمعهم وميتين خوف اني وريام وزوجة عمي خايفين من المشاكل لأن نعرف لا عمي ولا ابو تمار يسكت هذا غير مزمل العله صوته وهو يگلهم لاتهددون

چان عمي الهذه اللحظة هادئ بعد كلامهم وتهديدهم الأخير وصوت مؤمل وهو يتصايح وياهم

گل المؤمل

.. اهدأ عمي

وجه كلامه الهم

.. احچولي بالبداية حتى اعرف احچي وياكم انتم جايين واسطة خير لو هدادة
اذا واسطة
هي خلتكم بمشكلة ماعدكم علم بيها ولا عدكم اولياتها وراح تتفشلون وطلعون بسواد الوجه
الشغلة الماعدكم علم بيها ليش تسوون نفسكم خيرين وتحشرون نفسكم بيها بدون فهم