راغب: ظليت واكف برة واسمع كلامها وانوب شلون نرفزتني كل حجاية والثانية وكالتلها دخلي يطير هذا اخوج الا اشوية ادخل اشرب من دمها ظليت واكف وبس استمعلهن وانوب هاي الثانية فوك غلطها صايرة هي ام الراهي وضايجة مني اخخخ مال هسة احبسجن اثنينج جوة واعلمج على راغب زين بس بعدين اتراجعت من كالتلها معجبة بن خالتها عدلت وكفتي واتقربت على باب واني اكول ليش متريدني واتريد تطلك وكاتلة نفسها على بيت خالتها اثاري علمود ابن خالتها من كالت معجبة بي ضجت ورسن رجعت لاستقبال صافن وافكر بسيطة يانورهان اذا طلكتج تفلي بنص وجهي سهلللة....
ام راغب: شو صافن
راغب:.....
يوسف: تحجي وياك امك
راغب: ها يمة كولي
ام راغب: شو صافن خيرك
راغب: لا بس شغلة شاغلة بالي
ام راغب: تتعلق بنسوانك
راغب: تقريبااا اي
ام راغب: شبيهن وياك
راغب: مابيهن شي هسة كليلي اخذتي علاجج اكلتي
ام راغب: اي الحمدلله سيف انطانيا وشلتلك لفتين كلت اخاف متشبعك لفة
يوسف: ولفتي وياك هم يمة كليلة لياكلها
ام راغب: مياكلها مياكلها
راغب: مو تعشيت شكو شايليلة لفة
ام راغب: خطية يجوع بليل
يوسف: اكلها باليل
راغب: اي عافيات اني حتعشة واطلع
ام راغب: شبيك يمة شو اول يوم الك وكضيتها كلساع برة دستجن (دستقر) اشوية شدعواك هيج
يوسف: دعوفي يمة خلي برة يكضيها ولا بالغرفة
ام راغب: ياااا ولك انت ليش حاط عينك على اخوك
راغب: عوفي يمة يجي يومة ونشوف هسة من اكمل اروح اظل يم نور والصبح اجي إن شاءلله سيف وين شو ماكو
ام راغب: راح يوصل خالتك ام هديل لبيتها
راغب: شو راحت مو كالت اظل لسبعة
ام راغب: لايمة خطية تعبت ويانة حيل وهند هم مترضة (هند بنتها لام هديل)
يوسف: اكلك راغب
راغب: اكل واحجي وياة... كول
يوسف: شو انت الظهر وياة الثانية وبليل وياة الاولى خير متشبع
راغب: يالله بالله (يلا بلا) هذا شتحجين وياة
يوسف: هههههه و الله اتشاقة دحجيك دشوفك شدكول
راغب: هسة صارت شقة
يوسف: اي شقة شبيك
راغب: اي افتهمت هسة وين حتروح
YOU ARE READING
النقيب راغب
Randomاحداث القصة ادور بين مراهقة تبلغ من العمر 18 سنة.... تائهة في احد شوارع العاصمة بغداد مع طفل صغير يبلغ من العمر 3 سنوات فقط ورجل وسيم جدا يبلغ من العمر 33سنة...... ياتررى.... شنو لي خلاها تائهة بالشوارع وياة الطفل البريئ لي عمر 3 سنين بسس و...
