نورهان: ضجت حيل وطلعت روحي منا احمد ومن راغب كملت تبديل لاحمد كمت ارتب بالغرفة بعصبية وجانت اكو ملابس راغب على جرباية لميتهن وشمرتهن شمر بالكنتور انوب هذا منا كام يبجي انطيتة الحاسبة (لابتوب) مال راغب مفتحتلهيا وهو بس راد يفتحها يعضعض بيها ويطبطب عليها و مخذتها منة كلت خلي يكسرها رحت لحمام لكيتة مسوي مزبلة مو حمام فرش الاسنان بالكاع والكواغد(اغلفة الصابون) بالكاع هم كمت الملم بي جبت السطلة والمساحة وكعدت انظف بالغرفة ومن الغرفة لحمام جلفتهم جلف وهاي كلساع انظف واطلع اشوف احمد شيسوي كملت تنظيف الغرفة والحمام طلعت. من الحمام داخذ ملابس دسبح اجتي لؤلي (لؤلؤة) وكوة تمشي شايلة علاكة اخذتها من يمها وهي فحطانة كوة تحجي... هاي شنو
لؤلؤة: عميات
نورهان: اي داااشوف هنة عميات منو جابهن راغب
لؤلؤة: اي غاغب
نورهان: وليش اخذتيهن هاااا
لؤلؤة: هو شاف بنات حلوات وحجة عليهن وكال الله حلوات واشتغالي (اشترالي) حتى مااحجيلج بس هو جابلج لزعلين والله جابلج الج ولحمودي
نورهان: اهاا حلوات كال وبعد شكال
لؤلؤة: ماعغف (ماعرف) هو كال حجي حلو عليهن
نورهان: وانتي شلون اخذتيهننن منة
لؤلؤة: هو كال اشتغيلج(اشتريلج)
نورهان: واذا كااالج واذااا وبعدين شلون ترحين بدون مدوكليلي هااا شلووون... دحجي وياها ودحاسبها اجة راغب
راغب: شكو
نورهان: منو كلك تاخذها وياك هااا
راغب: واذا اخذتها شنو يعني واصلا متاخرنة بسرعة اجينة
لؤلؤة: اي بسغعة(بسرعة)
نورهان: سدي حلكج انتيييي
راغب: لتصيحين عليها اني اخذتهااا
نورهان: اخذتها حتى تفسدها تباووع على بناتتتت جاااان استحين ولك مزوج اثنين ومتارسات عيونننك صدك لاكالوا ميترس عيونكم غير الترااب
راغب: هوب هوب عيني على كيفج سندوسة اكلتيني وشربتيني منو كلج اباوع على بنات هاا وبعدين شنو الفايدة مزوج اثنين واثنينهن مابراسهن حظ
نورهان: من حجة هيج كام يباوع على لؤلؤة... اهنااااا عينك اهنااااا وهسة صرت ماابراسي حظ طلع لسانك بينت على حقيقتك
راغب: بس على كيفج حتنفجرين باعي وجهج صار احمر حينفجر حينفجر
لؤلؤة: خلي اشوف خلي اشوف باعي
نورهان: انوب هو منا يصيح يم اذني حتنفجرين حتنفجرين وهاي منا تجرجر بية خلي اشوف وخلي اشوف... اهوووو وخرو عنييي
YOU ARE READING
النقيب راغب
Randomاحداث القصة ادور بين مراهقة تبلغ من العمر 18 سنة.... تائهة في احد شوارع العاصمة بغداد مع طفل صغير يبلغ من العمر 3 سنوات فقط ورجل وسيم جدا يبلغ من العمر 33سنة...... ياتررى.... شنو لي خلاها تائهة بالشوارع وياة الطفل البريئ لي عمر 3 سنين بسس و...
