الامانه الصعبه

بارت 15

ملاك//

_عمو

_، ها بويه

_ عمو اريد ربع

_ههههههه شسوين بالربع

_اريد اندومي

_ يع شنو تاكلين هاي سلابيح

_ هههههه لا مو سلابيح طيبه والله تخبل

_ اي يبويه اشوفج مخبله

_ هسه تنطيني لو لا!

_ هاج بويه هاي فلوس خليهن عندج اشتري بيهن

_ لا عمو مااريدهن اريد بس ربع

_ هاج بويه لاتعاندين

_ شكرا عمو

_اكلك عمو سؤال

_ كولي ملاكي

_عمو ليش الصبح صيحت على ابوك حرام عليك لازم تحترمه

_ اني احترمه بس هو مايحترم

_ حتى لو ملازم ترفع صوتك عليه لازم تروح تعتذر منه

_ ههههه صار بنيتي اعتذر منه لخاطر عيونج الحلوه

_ ابتسمت اله

اخذ موبايله ومحفظته كالي

_ ننوش محتاجه شي اجيبلج

_ لا شكرا

_ يله اني راح اطلع شوي واجي مو تنزلين جوه حازم هنا

_ بس عمو اختنك من غرفه اروح يم فرح

_ خوش بويه روحي يم فرح يله باي رويحتي

_ باي عمو

نزلت يم فرح لكيتها كاعده صافنه على السنك

_ ها فرح ليش صافنه

_ ولج شوفي المواعين شكثرها شيغسلها والله تعبت

_ هههه اني اساعدج يله اني راح اغسل وانتي روحي جيبيلي اندومي

راحت فرح تجيبيلي اندومي واني صرت اغسل مواعين  جانن هواي  صدك تعبت كلش

اجه حازم دخل للمطبخ بقه يباوع عليه ويبتسم

_ ها ياحلوه شتسوين

_ ماتشوف دا اغسل مواعين

_ اشوف اشوف بس ليش عصبيه

_ لا مو عصبيه بس لاتحجي وياي

_ هههه ليش تخافين مني

_لا مااخاف بس عمو احمد مايقبل احجي وي احد

_ هههه وانتي هيج تخافين من عمج احمد

_ مااااخاف اني احترم كلامه

_ امممم تحترمين كلامه لو تحبينه ماتردين تزعلينه

_ بقيت ساكته اجت ايمان بقت تخوزر بيه وجابت بعد مواعين وخلتهن بالسنك يمه تعبت