بويه انه عقدت عليج بالمحكمه يعني صرتي ( مرررتي حلاليييي)
_ كاااافي والله ماابقه وياك انت كلتلي نعقد بس علمود عمامي ماياخذوني
_ اي صح ليش هسه اني مسويلج شي
_ عمو فدوه والله صرت اخاف منك رجعني لبيتي حتى إذا تريد رجعني لعمامي
_ ملاكي ليش تخافين مني مااسويلج شي رويحتي انتي انه اخاف عليج انتي غريبه بالبصره اخاف يصير عليج شي انتي امانه عندي
_ كاااافي خبصتني انتي امانه امانه اماااانه كافي
_ لج صوتج مليون مره خذرتج صوتج لاتعلينه عليه
عفته ودخلت للبيت رحت لغرفه خالتي لكيتها نايمه رحت تمددت يمها
اجه رفع حاجبه
_ ليش اجيتي هنا تعالي صعدي للغرفه
_ شعليك انت امشي اطلع
_ ههههه هاي غرفه امي واني عاجبني اجي انام بحضن ماما
اجه تمدد يم خالتي اني بسرعه طفرت من يمه
_ ههههه اشبيج جنج فاره بس طفرين
_ اذا انت وين مااروح تلحكني ابقه هنا يم امك اني اروح يم فرح
_هههههه روحي يم فررح
طلعت من يمه رحت اصعد الدرج شفت علي واكف يفرك بعيونه
_ها سندباد شعندج كاعده
_ اهوووو انوب هذا عليه اخلص من واحد يطلعلي ثاني
_ اشبيج منو وياج
_عمو احمد
_ ليش اشبيه عمج احمد
_ يعيط عليه
_ شنو سويتي
_ لان طلعت برا
_ ملاك أخيتي احمد يخاف عليج وانتي بعدج صغيره وأمانه عنده
_ صح كلامك يله اني اروح انام تصبح على خير
_ وانتي من اهله
علي // خطيه والله هاي البنيه اشلون راح تكمل وي احمد اشلون راح تتحمل طلعه واسلوبه الصعب
ملاك / صعدت لغرفه فرح لكيتها نايمه مايجيني نوم.
رحت غسلت وتوضيت كعدت اصلي وادعي
(ربي اخذت مني اهلي عفتني وحدي بهاي دنيا مااعرف نهايتي شنو بهذا البيت لا أكدر اطلع منه ولا أكدر ابقه بيه ساعدني يالله)
خلصت صلاه نعست كمت نمت يم فرح
صار صبح
احمد / علاوي اني رايح للدوام بالك على ملاك وامي وفرح
_ تدلل خويه بعيوني احطهم روح لاتشغل بالك
_ شوف ملاك لاتخلونها وحدها ابد ترا وضعها مو تمام خاف تاذي نفسها لاسامح الله
_ ههههه خويه لاتخاف كلتلك اخليها بعيوني
_ تسلملي عيونك يله مع السلامه
_الله وياك
ملاك / كعدت غسلت نزلت لكيتهم كاعدين يتريكون
ام احمد : هلا يمه تعالي تريكي
ملاك : صباح الخير
الجميع : صباح النور
اجيت كعدت يمهم وعيوني دور على أحمد
علي : ها اشبيج تحوصين
_ ع عمو احمد وينه
_ احمد التحق للدوام
_ راح بس ليش ماكالي🥺
_ لكاج نايمه كال خطيه اكعدها
_ ايمان : شدعوه انتي هيج ذابه روحج عليه
_ انجبي شنوووو ذابه روحي عليه
_ اي شوفي تصرفاتج من اجيتي لليوم ماارتاحينه
علي : كافي شنو هذا الحجي اسكتي انتي
_ ليش تسكتني خلي تعرف نفسها وتتأدب
_ كلت كااافي
ملاك :اكلي خره حقيره اني متادبه مو مثلج
ايمان : منو تاكل خره اليوم اذبحج بيدي
كامت عليه لزمتني منن ايدي خنكتني ضربتني على بطني
كامو عليها يردون يؤخرونها عني
لزمها علي من ايدها جراها ضربها راجدي دفعها بالكاع
_ كومي طلعي برااا حيوانه ياويلج اذا شفتج بالبيت
كومتني فرح بقيت لازمه بطني صارت توجعني اه
علي : ملاك بيج شي
ملاك : اه بطني بطني يمه
ام احمد : تعالي يمه يمي كسر بيج ياايمان كون
رحت يمها صارت تفرك بطني ع كيف شوي خف الألم
تريكت صعدت للغزفه اخذت علاج ونزلت لفرح
لكيتها تكنس بالحوش
_ ها فرح اساعدج
_ لا حبيبتي روحي ارتاحي
_ خلي اساعدج ماعندي شي
_ ممم يله تعالي هاج هاي صونده غسلي وراي
خذيت منها صونده صرت اغسل الحوش وراها وهيه تكنس
طلع علي نزحلك بالماي
_ اخخخ يمه ضهري تكسر الله لاينطيجن
_ هههههه كوم كوم اشبيك غير تنتبه
_ اخ كله بسبب هلي سندباد هيه وكعتني
_ عزا اني شعليه انت وكعت وحدك هههه ماتشوف مي كدامك
_ اخخخخ بويه تكسرت بعد محد تقبل تاخذني
_ فرح :ههههه يله خلي اساعدك كوم غير ملابسك
كام دخل للبيت بقينه نضحك عليه اني وفرح
مااحس ال الباب البيت صار يندك قوي ندفع الباب دخل..............
أنت تقرأ
الامانه الصعبه
Romanceرجل ثلاثيني عسكري عصبي وصعب الفهم........ يقع في حب فتاه لاكن لم يكن حب عادي بل اصبع تملك صعب..........
