seriously?! (باللهجة الجزائرية)

3

-عادي
طلعت راسي على صوتو
-لؤي؟
-لؤي: دينا علاه راكي تبكي 😟
هبطت راسي باش ميشوفنيش نبكي حتى حسيت بيدو في خدي مسحلي دموعي وطلعلي راسي
-لؤي: خلاص دينا متبكيش كلش حيتسڨم
ورمالي ابتسامة خفيفه انا لتم مقدرتش نحكم روحي كثر رميت روحي في حضنو وهو استقبلني بيدو وكملت بكيت وهو يكالمي فيا
-ششششش دينا راني معاك

"عند إلهام"
خرجت نجري مور شهين خفت عليه بيسك هو كي يتقلق مايتحكمش في روحو لقيتو واقف في حديقة تاع دار رحت ليه وغير شفت يدو مجروحة بزاف حكمتهالو وسييت نحبس دم
-وشنو هذا شهين؟ كيفاه جرحت روحك 😨
-شهين: روحي منا (بكل برودة)
-بصح مانقدرش نخليك هكا😥
-شهين: قتلك روحي منا😠
هاد المرة عيط انا سوطيت مبلاصتي من خوف وبديت نبكي شهين شافني وجا ليا ومقدرتش نحبس دموعي
-شهين: سسمحيلي إلهام مكانش قصدي ☹️
-علابالي، بصح علاه درت ڨاع هذا باباك من حقو يعاود زواج بعد ما يماك راحت و...
-شهين: خلاص
-سمحلي علابالي ماشي من حقي ندخل روحي مي طاطا منال راهي كي ماما وكي يماك نتايا تان
-شهين: هذا هو المشكل مانيش حابها تكون يما
-كيفاش 😦😧
-شهين: إيه كيما سمعتي، انا تاني نحب طاطا منال ودايرها في مقام يما بصح ماشي تتزوج مع بابا
انا سكت معرفتش وش نقول
-شهين: راكي حابة تعرفي علاه منيش حابها هي بالذات مرت بابا
-إ.إيه
قلتها بتردد وراني متمنية ميكونش لي راه فراسي
-شهين: علا جال دينا
-ودينا علاه؟
-شهين: منيش حابها تكون ختي دينا راني دايرها كثر من ختي
-وش هي بالنسبة ليك؟
سقسيتو وانا منيش حابة نسمع الجواب تاعو بيسك علابالي حيوجعني بزاف >_<
-شهين: نحبها، ومادا بيا تكون مرتي مشي ختي
انا هنا دمعة طاحتلي لا إراديا وحسيت دنيا دور بيا ورجليا ماشي قادرين يرفدوني هنا سمحت لروحي باش نطيح جا شهين رفدني انا نحيتلو يدو وكملت نضت وحدي ورحت بلا منزيد حتى كلمة

"عند لؤي"
-دينا: معلاباليش شهين وشبيه و علاه دار هكاك بصح راهو كي خويا ومنحبش حاجة تزعفو ولا تآذيه 😢
-متخميش بزاف نصيبولها حل و...
هبطت راسي حتى نشوف دينا راقدة على كتفي وانا محبيتش نوضها بقيت قاعد هكاك ونلعب بشعرها ومعلاباليش علاه مي شعور هذا شباب شعرها لكيرلي كان في وجهها دنيتهولها بلعقل باش ما تنوضش بصح صرا ما لم يكن في الحسبان عطست وراسها دنا وناضت مخلوعة
-أوووْ صورييي😁
-دينا: وااااي كنت راقدة 🥱بصح هذي عطسة
-يس😌
وضحكنا في زوج
-دينا: علابالك غير عطساتك لي قدرت تنوضني من رقاد 😂إلهام مسكينة تسوفري كي تكون تنوض فيا😄
-أووو مال كي نتلاقا بيها نمدلها لاستوس 😌😗
هنا شفت الضحكة تاع دينا زادت وساعت كثر وتضحك من قلبها انا كنت نشوف فيها وتبسمت لا إراديا مبعد هي شافت فيا وتبسمت
-دينا: تنكس لؤي ☺️
هنا تبسمتلها وهبطت راسي (من حشمة)
-دينا: علابالك انا نحب ماما بزاف ومادا بيا ندير اي حاجة تقدر تفرحها
-علاه مقبلتيش مال؟
سكتت شوية شافت في السما
-دينا: كنت حنقبل بأي واح كانت حتتزوجو من غير بابات شهين (وهي تشوف في السما)
-علاه تحبيه كثر من خوك؟
هبطت راسها وشافت فيا
-دينا: بيسك كان علابالي بلي حيصرا هكا روماركيت شهين كل ميكون باباه قريب من ماما يبعدهم ولا يدير اي حاجة باش ميتلاقاوش
-بالاك ماراهش حاب وحدوخرة تعوض يماه
-دينا: نو نو
دارتلي لالا براسها
-دينا: علابالك شحال سيا يزوجو جابلو شحال من مرا البيضة والسمرة الطويلة لقصيرة ووووو بصح محبش
-حبيتي تقولي يقبل بأي وحدة من غير يماك😕؟
-دينا: ماشي ميحبهاش لعكس في أي بروبلام يروح عند ماما ديراكت باش تخفف عليه و فأي فرحة يجري ليها قبل ميروح عند باباه
-زعما...
-وش كاين هنا؟
قبل مانكمل هدرتي صوت واحد قاطعني
-شهين؟؟
دينا ناضت تجري ليه
-دينا: وششش وش بيها يدك 😨
شفت في يدو لقيتها تسيل بدم
-ارواح تقعد شهين دوك نجيبلك First aid دينا حبسيلو دم دوك نروح نحوس عليها
دخلت نجري نحوس على لابوات وين راهي وانا نحوس طاحت عيني في وحدة
-وش راكي ديري هنا؟
-كان علابالي بلي راح تكون هنا جيت عندك
-خلاص روحي منا دوك
حكمتها من يدها وكنت حنخرجها
-لؤي لقيت...
درت كي سمعت الصوت
-دينا؟
-شكون هذي؟
-نتي روحي استنايني في لوطو دوك نجي
-دينا: نو سمحولي انا لي نروح
-حبسي (شديتلها يدها)
-دينا: كملو تفاهمو منقلقكمش انا نروح 😊 ديجا شهين راه يستنا فيا
نحاتلي يدي وراحت
-شكون هادي🤨
-مشي نروحو 😤😑

"عند دينا "
كملت عقمت لجرح تاع شهين لي مقليش كيفاش صرالو هكاك ومحبيتش نسقسيه علاه دار هكاك مع باباه

رحت لدار كي فتحت لباب لقيت ماما تستنا فيا في الصالون رحت نجري ليها عنقتها
-سمحلي ماما
-منال: علابالي بنتي بلي مكانش قصدك 🥰
-نحبك ماما
-منال: مام انا 😊(سلمتلي على راسي)
-إلهام راهي هنا؟
-منال: راهي في لبيت لفوق
درتلها بيزو وطلعت
فتحت لباب تاع لبيت لقيت إلهام بداخل بصح راهي تبكي :-( رحت نجري ليها
-إلهام وشبيك 😥
هيا غير شافتني زادت بكات كثر
-إلهام 🥺وشبيك؟
-إلهام: علاش هكا دينا علاش انا نحبو راني نحبو بصح هو لالا ميحبنيش يحب وحدوخرة
هنا سكتت شوية وكانت حتزيد تهدر
-إلهام: يحبك نتي
لجملة الاخير قالتها بصوت تعبان