seriously?! (باللهجة الجزائرية)

5

                             ♡لينة♡

17:40
-سامي: يلاه اركبو
-وييْت وييْت وات 🙄 تجو معايا
-إلهام: عادي شهين خلينا نركبو معاه
-لؤي: خلاص ماتداربوش تركبو معايا😊
-نو (انا وسامي)
-لؤي: اوك بيناتكم😶
حبست باش نخمم درت نفس عميق
-اوووووف يلاه معا سي سامي 😐
-إلهام: هاه يلاه😃انا نركب من avant
سوطات تجري ركبت علابالي علاه بيسك هي هابلة على البورش ركبنا كامل سامي هو لي يسوق انا l'arrière معا لؤي ودينا مسكينة قعدت بيناتنا ايا ديمارينا
-دينا: حبااااااس
سامي فرينا وكامل طحنا على جال دينا لي عيطت على غفلة
-لؤي: وتف... دينا وشبيك
-دينا: ونروح هكذا 🤨
-لؤي: 🥴طفلة هذي نورمال
-دينا: يس 🙄
-يلاااه نروحو لدار لبنات باش يبدلو حوايجهم
-سامي: إلهام لادراس من فضلك👀
-إلهام: وانطلقنا😊😁

لحقنا لدار دينا هبطو لبنات وحنا بقينا نستناو داخل لبورش
-أاه شهين؟
صوت هذا نعفرفو درت لقيتها طاطا منال
-اهلا طاطا 😊
-منال: وش راكو ديرو هنا؟
-خارجين ونا نستناو لبنات
-منال: وي صح قالتلي دينا ادخلو ستناوهم في صالون وكاش مانمدلكم تشربو
-لؤي: عادي طاطا متشقيش روحك 😊
-منال: وش مشقا راكو ولادي☺️
-سامي: شكرا طاطا منحشموكش😃
-😶😑😑🤦🏻(نظرة تاعي وشهين تان)

"عند دينا"

-😩آآآآ هذا تان ماشي شباب
هذي كانت لاغوب 7 لي نجبدها وماتعجبنيش
-إلهام: كي ماشي شباب علاه شريتيه🙄
-زيدي كملي عليا 😒
هنا إلهام ناضت من كرسي وجات قبالا للخزانة منكذبش عليكم نحبها كي تنوض هكذا بيسك باينا خمت مليح وش تجبدلي إلهام هي لمنقذة تاعي في هاد لمواقف وقفت قدامي جبدتلي غوب نواغ قصيرة مزيرة
-راكي سيريو 😳
-إلهام: يس عمري تخرجي تهبلي🥰😙
وكملت جبدت ليها وحدة بلو قصيرة مي ماشي مزيرة كيماتاعي

وحنا نهبطو في دروج حتى نلقاو شبيبة يستناونا في صالون
-رانا جينا
-لؤي: علابالك طولتو...
حبس هدرتو وبقا مخلوع فينا ولا فيا ولوخرين نفس شي بقاو مدة هكاك
-منال: واو على بناتي جاو يهبلو😍
ماما قطعتلهم تفكيرهم
-شهين: أححححم نروحو دوكا ☺️
-يلاه

19:00
لحقنا لوحد ريسطو يبان فخم بزاف دخلنا وشحال كبير وشباب كلشي متحوف فيه انا بقيت نشوف فيه يمين ويسار
-ورولنا لحجز تاعكم
السكرتيرة عند الدخلة بصح وش راهي تهدر هذي
-سامي: هادو صحابي جاو معايا
-سمحلي سي سامي تفضلو
-مرحبا بيك سي سامي
لويتر جا عندنا
-كون قلتلنا بلي راك جاي باش نتهلاو فيك
هنا انا وإلهام حتى شهين بقينا مخلوعين
-سامي: معليش ادينا لأي طابلة فارغة
-تفضلو معايا
رحنا قعدنا ومازالني مخلوعة في سامي
قررت باش نهدر
-دوك تهدر ولا راك تستنا حتى نسقسوك
-سامي: ما كي سقسيتي دوكا 🙂
-لؤي: ننصحك ماتخلطش فيها👀
-شهين: وي سقسي لؤي راه مجرب😆
بدينا نضحكو كامل
-إلهام: صح سامي متقوليش هذا الريسطورو تاعك 😳
-سامي: 😁😅نو نو تاع يما وانا موالف نجي ندي لي دوصي تاعها منا علابيها يعرفوني
-يماك؟؟ وباباك؟
ضحك ضحكة خفيفه وتبسم من جهة وش حكايتو مع هاد تبسيمة
-لؤي: ايا ايا وش تدو
هدر لؤي وكان باين بلي دار هكاك بلعاني وش راهم مخبيين هاد زوج المهم انا جعت طلبنا وش خيرنا وبجابولنا تمتم وبدينا ناكلو ونضحكو معلاباليش علاه بصح حسيت لؤي وسامي مخبيين حاجة فجأة لؤي ناض يجري
-لؤي: سمحولي نروح نغسل وجهي دخت
-سامي: نجي معاك برو
-لؤي: ريح نتا مع جماعة دوك نولي
وراح انا درت باش نشوفو حتى شفت هاديك لي كانت معاه لبارح عنقاتو ديراكت وهو تان وخرجو يهدرو برا بلا ما واحد يحسلهم انا جاني لفضول باش نعرف وش كاين دفقت فوقي لا سوب بلعاني
-آآآآ 😬سمحولي نروح نغسل ونجي😓
-إلهام: نجي معاك
-نو قعدي معليش منطولش
درت روحي رايحة نغسل غير شفتهم دارو خرجت عند لؤي بلا ميشوفني تخبيت مور شجرة باش نسمعهم معلاباليش علاش راني ندير هاك بصح راني حابة نعرف شكون هذي
-خفت عليك كاش مايصرالك😣
قالتهالو وهو عنقها ويسيي يكالميها
-لؤي: شششش خلاص متبكيش راني قدامك ياك
-بصح علابالك هاد ناس كيفاش دايرين
وات عليمن راهي هدي
-لؤي: مزالنا خلاص ياك علابالك بلي عندي غير انتي وانت هي مصدر طاقة تاعي كوني قوية ☺️
-اوك انا تان ديجا علابالك شحال نحبك علابيها نخاف عليك
-لؤي: علابالي😙(باسها على خدها)
باينة يحبها بزاف مام هي بصح من واش راهي خايفة سمعت صوت جاي من بعيد انا تخبيت مليح ولؤي خبا هاديك موراه
-صوري برو خلعتكم😁
وسامي وش راه يدير معاهم
-لؤي: مراكش تشوف بلي لينة قريب ماتت من خلعة😒
اسمها لينة ويخاف عليها بزاف انا كنت رايحة مقدرتش نزيد نحمل نشوفهم كثر ومعلاباليش علاه غير درت لقيت كلب مورايا انا لتم خلاص هربت نجري
-آآآآ كلب كلب
ومازالني نجري لوخرين غير شافوه بداو يجرو معايا حتى بحرناه لؤي دار وملقاهش كان حيدور يقولنا حتى جات رجلو في رجلي وطحنا في زوج وبقا يشوف فيا حتى قطعو صوت سامي
-سامي: هلو 👋من الارض إلى لؤي
-لؤي: ا؟ راني نسمع فيك
ناض ونفض روحو مبعد مدلي يدو باش نوض حكمتها ونضت وما راني حاسة برجليا يوجعو من الجري
-😂😂😂😂وشنو هذا كلب دارلكم هاد لخلعة (لينة تضحك)
-سامي: لينة موراك كلب😨
عيطت وصوطات فوق لؤي
انا وسامي بدينا نضحكو مبعد لؤي ضحك معانا حتى هي
-لؤي: دينا وش كنتي ديري هنا 🤨؟
هذا هو السؤال لي مكنتش حاباتو