قولو لصكات الليالي تولم ابنتقم و اباخذ الثار منها..

كل عام وانتو بخير💙

في بيت سعد
دخلت نجد وهي مبتسمه
سعد:هلا وغلا ببنتي تو ما نور البيت
نطت شوق وهي تضمها بشوق ضحكت نجد وهي تبادلها
بعدت عنها وهي تحب راس عمها وتساله عن حاله
نجد:كيفك يا عمي
سعد :الحمدلله بشوفتك اصير افضل
ابتسمت نجد لانها تحب عمها وهي تعرف ان مشاعره صادقه لفت على خالتها صدت خالتها وهي تمثل الزعل
نجد :افا شكل الوزاره زعلانه علينا
ضحك سعد:والله يابنتي شوفي لك طريقه تراها صعب ترضى
لفت نجد وهي تحب راس خالتها :افا يا نجول ماهقيت اني ادخل بيتك وما ترحبين فيني
انصدمت نجلاء لان بالعاده نجد اخر همها اذا احد زعل منها ولا لا :ليش ماجيتي للعشاء
نجد:كان عندي شغل يا خاله واتوقع ذيب قالك تعرفين الشغل ما يعرف وقت
سعد:اي والله صادقه بنتي خلاص يا نجلاء بتعوضك نجد الليله
لفت نجلاء على نجد ، نجد:ابشري بتعشى عندكم الليله
نزل ذيب وهو يطقطق:اوف يا الدنيا نجد عندنا وقاعده تراضي امي وش صاير بدنيا شكل الشغل خلاك ما تركزين
نجد توقف بتمثيل:مع السلامه يا خاله شكل ولدك مايبيني
ذيب نقز بخوف من ابوه وامه اللي خزوه:امزح امزح يابنت العم انتي الداخله وانا الطالع
نجد جلست بثقه:ادب
ضحك سعد ونجلاء وشوق وذيب كان معصب من طريقه كلامها ضحك غصب بعد ما شافهم يضحكون وقعدو يسولفون لين الليل...