قولو لصكات الليالي تولم ابنتقم و اباخذ الثار منها..

P25

انطلقت نجد لشركتها
حدود الساعه 1:20 نزلت نجد من سيارتها متجه لباب الشركه دخلت الشركه وكانت الاضواء خافته طبيعي  عدم تواجد انارات قويه في هذا الوقت وخصوصا ان الشركه مغلقه وانتهى الدوام المسائي
ذيب قاعد عند الشباك ينتظر وصولها و اول ما دخلت نجد الشركه ارسل لها رساله مضمونها"مكتبي"
تلقت نجد الرساله وغيرت اتجاهها من مكتب الاجتماعات الى مكتب ذيب...
دخلت نجد المكتب بهدوء
ذيب:اسف اني ناديتك هذا الوقت بس في شي بخصوص عمار
جلست نجد مقابل ذيب:وش الموضوع
ذيب:عمار قاعد يرسل لنا جواسيس و قاعد يدور علينا الزله عشان ينهي سمعه شركتنا خصوصًا انه متهمنا بغسيل الاموال
نجد:خله يرسل بدال الجاسوس عشره مافي شي نخاف منه كل شغلنا قانوني وانت ادرا منه بذا الموضوع
ذيب:اعرف لاكن المشكله هو ما يدور هو يحاول يلبسنا تهمه ما سويناها ولا لنا علاقه فيها
نجد: كي....انبتر كلام نجد بعد ما سمعت صوت من خارج الغرفه وسرعان ما فزت وركضت للباب لاكن يد ذيب كانت اسرع مسكها مع يدها وسحبها وراه وفتح الباب بسرعه لاكن مالقى شي!!!!!
ابتعدت نجد عنه بسرعه وفتحت الباب للاخر وانطلقت للبحث عن هذا المتخفي تبعها ذيب بسرعه وانطلقو بالبحث في ارجاء الشركه سرعان ما انتبهت نجد عن طريق الشباك شخص طالع من الشركه وكان يركض اسرعت نجد وغيرت اتجاهها الى الباب انصدم ذيب من تغير اتجاهها المفاجئ
ذيب:وييين
سفهته نجد وفتحت باب الخروج من الشركه بسرعه وطلعت ناضرت بالمكان لاكن فات الاوان لقد هرب لاكن من هو وكيف يتجرأ يدخل شركه نجد بدون علمها
وصل لها ذيب :ها شفتيه؟
نجد:هرب،امش نشوف بكمرات المراقبة يمكن لقطت وجهه
انطلقو الاثنين متوجهين لغرفه التحكم بالكاميرات
فتحت نجد الباب وسرعان ما تحولت ملامح وجههم الى الصدمه كانت الاسلاك المسؤولة عن تشغيل الكميرات مقطعه والغرفه مقلوبه فوق تحت والشاشات اللي عن طريقها  تشاهد التسجيلات محطمه بالكامل بس اللي يصدم اكثر من كذا ان محد معه مفتاح غرفة التحكم غير نجد!!
التفت ذيب يناظر نجد وسرعان ما فهم من تعابير وجهها انها معصبه
طلعت نجد من الغرفه واتجهت لمكتب ذيب وذيب لحقها
ضربت نجد الطاوله :من ذا اللي يتجرأ يدخل شركتي ويلعب فيها
ذيب:نجد لازم نتصرف بسرعه اللي سوا زي كذا بسوي اخطر
نجد:خلهم علي
ابتسم ذيب بشده لانه عارف لو حطتهم نجد في راسها بتوريهم نجوم الليل بعز الظهر
ابتدت نجد تتناقش مع ذيب عن اللي مفروض يصير
واتفقو ان اللي صار اليوم يبقى بينهم ولا احد من الشركه يعرف عن موضوع الجواسيس
ذيب:خلاص تم بس الحين وش بتسوين ؟
نجد:عندي شوي اوراق تخص عمار وشركته بخلص منها وارجع البيت تقدر ترجع لبيتك
ذيب:لا بقعد معك
نجد وهي تجمع الاوراق الي معها :كيفك بس لاتدخل مكتبي ولا تزعجني
ذيب:بس كذا ابشري
نجد ناظرته بطرف عين:وبعد ماني مسؤله عن الهواش اللي بجيك ولو دقت علي بقول لها ان ولدك ملقوف ولا انا قلت له اطلع
ضحك ذيب بصوت عالي لانه فهم قصدها كانت تتكلم عن امه وكيف هي دايم اذا تأخر ذيب تقلق وتبدا تدق على نجد
طلعت نجد من المكتب وهي تسكر الباب وعلى وجهها ابتسامه خفيفة وذهبت لمكتبها تكمل الشغل اللي بدأته
اعتلى صوت اذان الفجر ونجد كانت منهمره في الاوراق
وذيب كآن منسدح على الكنبه اللي في مكتبه ويوم سمع الاذان فرش سجادته واقام الصلاه
بعد ما يقارب النص ساعه طرق ذيب باب مكتب نجد اكثر من مره لاكن لم يسمع جواب فا قرر ان يدخل لقى نجد في التشهد الاخير من الصلاة جلس ذيب على الكرسي المقابل لمكتب نجد سلمت نجد من الصلاة
ذيب:تقبل الله
نجد:منا ومنك
جلست نجد على كرسيها
ذيب:ها بشري لقيتي حل
ابتسمت نجد :عيب عليك
ضحك ذيب:كفو والله وش ذا السرعه اللي عندك ما شاء الله ،ممكن اعرف وش الحل اللي لقيتيه
نجد:لا
ذيب:ليههه
نجد:عودتك دايم على تفرج وانبهر ومارح اغير هذي العاده
تكا ذيب راسه:صدقتي دايم تبهريني بس تخوفيني
عقدت نجد حواجبها:اخوفك!
ذيب:مخططاتك دايم تكون الخطر عليك اكبر من الخطر على شغلك
نجد:وهذا المطلوب
ذيب:المطلوب! المطلوب ان الخطر يكون عليك ولا يكون على كم مناقصه
نجد:الكم مناقصه اللي تتكلم عنها مهمه بنسبه لي ولا نسيت سمعه شركتنا" ولا مناقصه تفسد في شركه نجد بنت عبدالعزيز " ولا مناقصه وحدهه!!!
ذيب:حتى لو كانت على حسابك ؟
نجد:مافي شي رح يصير لي
ذيب:نجد تراك تلعبين بنار اللي ضدك مو هينين
قامت نجد وهي تقرب راسها منه :وانا احب اللعب
طلعت نجد من المكتب ولحقها ذيب وكل واحد فيهم توجه لسيارته ولبيته