•WE'RE MEANT TO BE• (mizo)

💖crush✨

School - Field Trip

Jungkook te pawh chhunlamah ke in an kal hah tlang bawk a, a ni khatna chu eng em em pawh ti peih lo in zanlam pawh an mu hma hle a.

Nizan an mut hma hretin hmeichhe ho zirtirtunu leh Rosé chu mipa lam mutnaah an rawn lang hlawl a, an zirtirtunu chuan mipa ho zirtirtupa bulah chuan Rosé chu a lu a nat thu leh nachhawkna an kawllai lo eitir rih mai turin a rawn kalpui hi alo nia, an first aid box an hmuh zawh rihlo thu a sawitel bawk.

Chuveleh Jungkook chu a mutna atanga lo thochhuakin an mutna mawng lama first aid box chu a hawng a, damdawi chu lachhuak nghalin Rosé te lam a pan a.

Rosé hma a kenpah chuan, "hei hi lo ei rawh, nachhawkna chu nih hi", a ti a. Rosé chuan mak tih hmel takin Jungkook chu a en ha a, mak ti awm reng pawh ani, ani ang mi nghal leh tawngmawh em em, nui ngai mang bawk silo in tiang hian a ti miau a. Hetiang hi midang ho pawn Jungkook mizia ah an ngai vek ani.

Rosé a ngawih reng avang chuan Jungkook chuan a lamah damdawi chu a'n lek hnaih zeuh a, Rosé chuan ala ve ta nge nge a.

"Ka lawm e", a ti sap a. Jungkook pawh a khi ve sak.

An zirtirtunu leh Rosé chu an mutna lamah an let a, Jungkook pawh thawhchhuah rau rau chuan tiin an mutna piah deuh hlekah ava zung a, a zun zawh chuan an mutnaah a lut a.

Jimin bul a thlen chuan a ni Jimin chu alo nuisang a, "enge khatia ilo khik thaw a, i tho a chu ni em lo maw?", Jungkook chuan a puansin tur inkhuh pah chuan a ti a.

"I che rang ka ti. Va pek ka tum tehreng nen", la nui sang chung chuan Jimin chuan a ti a.

"Teh ngawt zel a, kan dahna pawh i hre dawn mi, i zawngchiam awm sia, a lu na pawh a reh hman vek ang"

"Teuh lo mai. Ka hmu hma ngawt ang, a lehpekah chuan keiman ka pe tawh dawn nia", la nui reng chung chuan a ti a.

"Mu mai mai teh, i tho tlai ber mai tur ania, ka mu dawn muttui", tihpahin biak leh peihloh hmel zet chuan a inlukhup hmak a. Jimin pawn nuithaw chungin mut hmun a siam ve a. Taehyung erawh a hnar kuk kuk tawh thung.

•Next morning 6:00 a.m.•

Students te chu tho kim vek tawhin an hriat tur pawimawh ang ang te chu hrilh an ni a, vawiin lam chu khawidang maha kal lo a, an awmna chhehvel an thlithlai tur thu an sawi a. An tam tham ve bawk a, an eitur buaipui tur pawh zing atangin an buai mam mam nghal hle.

Dar 8 alo rik chuan breakfast te eiin, an eizawh an hmankim vek hnu chuan an tihtur ber, heta an kalchhan chu an tan chawpchilh nghal a.

Student tam zawk chu Biology subject la an ni a, Jungkook te thian thum pawh an tel. An zirlaia pui thei tur thil tamtak khawhhmuh an ni a, a then chuan note book kengin chutah chuan an hriattur pawimawh zual chu an ziakthla zel a.

Kal hla lutuk lo in, an riahna hmuh phak vek tho si ah chuan a huho in an kal a, mipa leh hmeichhia an inthen hrang tawh lem lo.

Jungkook chu dinghmasa ber pawl a ni a, a hnung chiah ah Taehyung a ding a, Jimin erawh khawnge a awm a hre hauh lo thung. Han hawikual ru deuh thin mah se a hmu mai lo a, ani chu a subject tui zawng lam kha ani lo sa hrim hrim bawk nen, a thiante bula awm zel a duh vanga Biology pawh a hminga la ve mai mai ani.

Jungkook chu a thaw leh halh thin a, an thianpa che maksak thei bik lutuk hi a kham ru ve thin takzet. Darkar engemaw zat hmundang dang enkuala an tei hnu chuan chawlh zai an rel a, chutihlai tak chuan student pakhat hi a rawn au deuh tuar a, mipa ani nghe nghe. A hma lampanga awm ho chu hnunglam an hawi rual deuh dual a, hmunkhat lai bik hi student chuan an lo bawr deuh laih.

Jungkook leh Taehyung chu hnunglam pangah chuan an kal vat a, an va thlen phei hma chuan mipa pakhat hi student pahnih hian an kutah thut tirin an lo dinchhuah pui mek a.