A tuk khua alo var chuan Suga pawh lo harhin hna chawlhni te a ni bawk a, thochhuak mai lo chuan khumah muchungin phone a khawih leh te te a, zan hmasa lama Jhope nu thusawi kha a hrechhuak zawk a, a nu biak nghal chu a tum a, mahse a dial tak tak hma chuan a phone chu a dah leh daih a. A nu takngial pawh a be hreh deuh tawh ta mai chu mak a inti thar hle a, chutiang anih avang chuan apa biak phei chu hnai lo tak ani. Breakfast ei zawh lama biak ah tiin a tho a, breakfast a siam zui mawlh mawlh a.
Breakfast ei pah chuan thil tamtak a ngaihtuah a, tuna a hna hi thawh reng chu duh mah se, hma a sawn theih nan a thawk reng thei dawn lo tih a hre thar a, diktak chuan a dream tih puitlin tuma kawng zawh a hun tawh tih a hre bawk. Music lama zuanluh a duh tak tak anih chuan hmalak a hun tawh viauin a hria ni.
Breakfast eikham hnu chuan a inbual a, a inbual zo a inthlak lai vel chuan a rilru ah a chhungte (anu leh pa) tlawh chu a rawn lang thut mai. A kuma kum an inhmu tawh lo a, va hmuha va tlawh ngei chu tha in a hria a, amah hringtute an ni a, engang pawn an inkar khiin zau mah se, a nu leh pa an nihna a bo chuang lo a, a hmangaih na a bo chuang hek lo. A rilru tak chuan ala ngaihven reng a, a tilang duh lo mai chauh zawk a ni.
Hmamhmawh lo tak chuan a insiam a, a awmna atanga darkar khat vel tlan a ni a, a hmanhmawh vak duh lo a ni.
Tui leh laptop chu motor ah a dah a, a in chu tha takin a kalh a, a tlanchhuak ta a.
Kawng lakah chuan a nu leh pa chu a lo kal thu a hrilh ang nge ngawi rengin an hmaah ava inlan dawn zawk tih a ngaihtuah buai hle a, a tawpah chuan va biak a va hrilhhriat hmasak chu tha in a hre ta zawk a. Kawng remchang laiah chuan dingin a phone a phawrh a, a nu chu a call ta a.
A ring chhung te chuan a thin a phu dup dup niin a hre hial a, "inthlahdul rawh, i nu anih hi", tiin a infuih ru mawlh mawlh a.
A tawpah chuan a rawn chhang ta.
Suga pawh a thaw huai a.
"I dam em ka nu?", a ti zawi sup a.
A nu in a rawn chhan chuan mak a tih hmelin a hlauhthawn hmel hle.
"I tha em ka nu? Ngatinge i aw te chu? I damlo em ni?, tiin a zawt zui mawlh mawlh a.
Anu tawng chu a ngaithla kar a, ngaihthatlohna lian tak a nei a ni tih a hmel atang chuan a hriat theih a, reitak chhung chu a ngawi reng a.
"Ka nu, lo kal ka tum a, kawnglakah ka thang mek ani. Ka pa pawh min lo hrilhsak dawn nia aw..", tiin phone chu a dahzui a.
Phone a dah hnu chuan a inngaihtuah vung vung a, anu khan damlohna a nei niin a hria, mahse engmah a zawtchhuak thei silo, a ngaih chu titha luiin an bul a thleng dawn tho a, hmaichhana zawh a tum ta zawk a.
Kawnglakah pawh chawl lo in a tlan par par a, chhun nisat vanglai tak chuan a nu leh pate awmna hmun chu a thleng a. Motor atang chuan chhuakin kawng chu a kan a, an in, tunah chuan a nu leh pate in nita chu a thlen tak tak hma chuan a thlir vawng vawng a. Tunah hian a nu chu inah awmin chhang a siam leh mek tawh maithei, apa erawh chu bungraw semin a chhuah a ring thung.
An kawngka hmaah chuan a ding deuh dat phawt a, kik a tum zeta, mahse a kut chu dahthla leh in ngawi rengin kawngka chu a hawng a, a lut ta.
Inchhung chu alo reh thiap a, zawi tein a pen lut a, thawm hriat tur a vang hle. Choka lam chu a pan a.
Choka ah chuan a nu chuan a Cake siam chu cream alo tat mek a, amah hmachhawn zawngin awm mah se, a thil tihlai chu a laklawh em avangin Suga lo lut, a hma a ding mek chu a hmu lo thung.
"Ka nu.."
A nu chu phawk fe hian a rawn hawichhuak a, a fapa a hmu chu a hmel a danglam vek mai. A thil kenlai chu dawhkanah chuan a dah khur deuh dawt dawt a, a hmui hupin a fapa lam chu a pan a.
![](https://img.wattpad.com/cover/338870846-288-k356178.jpg)
YOU ARE READING
•WE'RE MEANT TO BE• (mizo)
FanfictionA group of friends who truly loves each other and their struggling road to success. [↑↓ BTS FANFICTION ↓↑] - I do not own any pictures in this story. Credit to the right owner - ❌DO NOT COPY MY STORY❌ *slow update* 😬