أَيا لَكِ نَظرَةً أَودَت بِقَلبي
وَغادَرَ سَهمُها قلبي جَريحا
فَلَيتَ أَميرَتي جادَت بِأُخرى
فَكانَت بَعضَ ما يَنكا الجروحا
فَإِمّا أَن يَكونَ بِها شِفائي
وَإِمّا أَن أَموتَ فَأَستَريحا
: اسفه على الاطاله بس جان يمي ضرووف قويه
ــــــــــــــــــــــــــــــــــــــــــــــــــــــــــــــــــــــــــــــــــ
رفيف : سياف ممكن اسألك سؤال وتجاوبني بصراحه
سياف : انشالله
رفيف : شنو يعني غراب اسود
احتدت ملامحو وعكد حواجبو وردلي بستغراب وتسائل
سياف : منين جبتي هذا السؤال
اني تفاجئي رديت واني مصدومه
رفيف : وانت شكو انكلبت 180 درجه
سياف : رفيف جاوبيني منين جبتي هيج سؤال ؟
رفيف : جاوبني انت بالاول ماريد اعرف من غيرك
صار يدحكلي بتوتر ورجلو تهتز ورث جكاره
سياف : رفرف كتلج عندي شي احجي الج بس مو هسه
رفيف : وهل شي متعلق بهاي الكلمه
سياف : اي وهسا امشي نروح
دحكتلو باستغراب وكمت لان عندي غير طريقه حتى اعرف اكيد اذا لحيت علي راح ينطيني غير جواب
نزلنا وصلنا يم الباب واندار علي ومبين علي حيل منزعج من سؤالي ومستغرب
سياف : رفيف احجيلي منين جبتي هيج سؤال اريد اعرف اروحلج فدوه لاتخليني بحيره
رفيف : جاوبني انت بالاول لان عندي غير طريقه حتى اعرف واريد اعرفها منك
دحكلي بغموض وضل مدحك علي واخر شي جاوب
سياف : حمد كالج
رفيف : يعني حمد يعرف؟
سياف : يعني مو هو الكالج
رفيف : لا
سياف : منو كالج ؟
رفيف : ليشش مصرر ترريد تعرف؟
سياف : لااان هذاا السؤال محددد يسألو غيير ...
سكت وزفر نفس بقله حيله واني مستغربه
رفيف : اكيد ورا هل سؤال جواب خطير بس تأكد راح اعرفو
سياف : امشي نروح هسا ومن نرجع اكلج الجواب
رفيف : بهل سهوله؟
سياف : لان اذا سمعتي من غيري اني اروح بيها
رحنه لبيت حمد جان اكو ناس جثيره والبقيه يجون وره صلاه الضهر كعدنه بالمطبخ اني والبنات نساعد خاله حنان وفات حمد للمطبخ
YOU ARE READING
ما وراء جدار الماضي...
Mystery / Thrillerقصه غموض م̷ـــِْن كلا الطرفين وماضي مجهول. ماسر برود عيناها الطفوليه وماسر برود دمه الحار هل ڵـهٍ علاقه بالماضي سنعرف في احداث القصه
