ما وراء جدار الماضي...

part40

هااااي منوو مسووي ههيج بيكك
:: هسا خليني افوت ترا حيلي بايد مكدر اوكف

راسو يجري ومن خشمو يجري  دم حتى من اسنانو ووجهو مايبين من الكدمات  وايدو مشكة بسجين وملابسو مكشمة  ورجلة تنزف

سندتو وفات للصاللة واني اصرخ بي
:: بسس كلي منووو هيجج مسوووي بيييك

حجى بتعب ولازم راسو
:: ما اعرف لاتساليني ترا دايخ بس اريد اتمدد

ساعدتو يتمدد واني دمعتي نزلت لان حيل متأذي
:: بس كلي منو هيج مسوي بيكك ولليشش معقوولة ماتعررف
:: وداعتج ما اعرف بالمصعد هجمو علي فوك ال5 وماكدرت ادافع عن نفسي

:: ووين سيااف يدرري؟

غمض عيونو وصار يون بألم ويحجي
:: مايدري وموبايلي كسرو
:: واني موبايل مايممي شلوون هساا

ركضت للمطبخ ولكيت رياحين لازمة وجهة وتبجي وعيونها حمر
:: رياحين فدوة خابري احقب مايمي موبايل اخابر احد
:: ماكو مايجاوب خابرتو،  فدوة خطية شبي منو مسوي هيجي بي
:: ما ااعرف هاجيمن عللي ناس،  فدوة لحي علي بالاتصالات ترا رااح يرووح من ايدنا حيل ينزف

واني احجي
طلعت طاسة وجبت خاولي اريد اوكف الدم الي كاعد ينزف منو لان حرفيا كل شي بي ينزف

واني كاعد املي مي واخيرا جاوب احقب هي فتحت سبيكر بس ماكدرت تحجيلو من دموعها
:: الو احقب
:: خيرر بووية شبييج تبججين
:: فدوة حباب تعالل هذا كاتلينوو وكلوو دم
:: شبييج ومنووو احجججي
:: ما ااعرف

اهذت الموبايل من ايدها وحجيت
:: فدوة احقب هاجيمن على حمد هين بالمصعد وهيانو يمي فدوة كل لسيااف لاان حيلل متأذي
:: جااين احناا ديري بالجن على نفسجن

سد الخط وانداريت لرياحين لكيتها تبجي من كلب حضنتها وحجيت
:: لاتبجين ياعيني ماصار شي

شهكت بالبجي وحجت
:: خايفة
:: لاتخافين صيري سباعية
:: ارريد احقب هسا ليش راح وعافني
:: هسا يجي امسحي دموعج وتعاي وياي

مسحت دموعها وشلت الطاسة والخاولي ورحت امسح الدم الي سابح بي وهوا يون من الوجع واني ورياحين نبجي على حالتو وخايفين

ورا شوية اجو سياف واحقب فتحتلهم الباب وفاتو للصالة ركض من شافو حمد ثنينهم نصدمو بس ماحجو ويا بس كعد سياف على الكاع مقابيلو ولزم راسو وحمد مغمض عيونو وكوة يتنفس من الوجع

:: وغلاتهم لا ادمي السوا بيك هيج اليوم قبل باجر

احقب شاف رياحين وحضنها لصدرو ويبوس براسها ويهدي بيها
:: احقب تعال عيني بي ناخذو للمستشفى، ورفيف عينج على رياحين ومهيمن بالطريق جاي هين يضل وياجن واسلاحج بالغرفة الثانية بالمجر