"တယွမ်..တယွမ် အမြန်လို့"
"ခဏလေးပါ အိပေါ်ရယ်...ပြီးတော့မှာပါ"
တယွမ်က ကျွန်တော့်ရဲ့ဆူအောင့်အောင့်အမေးကလေးကို လက်တွေကိုအမြန်လှုပ်ရှားရင်းဖြေရှာတယ်။
စီလုံကတော့ ကျွန်တော်တို့နှစ်ယောက်လုံးကိုခေါင်းထဲမရှိတဲ့ပုံပဲ။ သူ့စာအုပ်ကြီးကိုဖတ်ရင်း ကျွန်တော်တို့အဆင်သင့်ဖြစ်တာနဲ့ထလိုက်လာလို့ရတဲ့ပုံနဲ့။
ကျွန်တော်ကတော့ နာရီတကြည့်ကြည့်။ မုန့်စားဆင်းချိန်က ၄၅မိနစ်ပဲပေးတာမို့ တစ်မိနစ်လေးတောင်တန်ဖိုးထားရပါတယ်။ အစ်ကိုရှောင်းကိုရှာရမှာ သွားရမှာလာရမှာနဲ့ အချိန်တွေကကုန်ဦးမှာမို့ ခေါင်းလောင်းထိုးတာနဲ့ခြေလှမ်းတွေက အပြင်ကိုဦးတည်ချင်နေပြီ။
ဒါပေမဲ့တယွမ်က အတန်းခေါင်းဆောင်လေ။ သူလည်းသနားပါတယ် ဆရာမပေးထားတဲ့တာဝန်တွေကြောင့်သူ့မှာမအား။ ဒီကြားထဲ ကျွန်တော့်ကြောင့်နဲ့အမြဲအလုပ်ရှုပ်နေရတာ။ ကျွန်တော့်နောက်တကောက်ကောက်လိုက်ရဖို့ နားချိန်မရှိဘဲကြိုးစားရှာတာဗျ။ ကျွန်တော်နားလည်ပေမယ့် အလျင်လိုနေတဲ့စိတ်နဲ့နှုတ်ကတော့ စည်းမစောင့်နိုင်ပါဘူး။
၅မိနစ်လွန်သွားပြီဖြစ်တဲ့ ကျောင်းကနံရံကပ်နာရီအဝိုင်းလေးဆီပဲတကြည့်ကြည့်နဲ့စိတ်လောနေရတော့တာ။
"တယွမ်.."
"ပြီးပြီ လာလာ သွားမယ်"
တယွမ်ရဲ့အဖြေအဆုံးကျွန်တော်ပြုံးသွားရတယ်။
"အမြန်လာကြ ဒီနေ့လည်းအစ်ကိုရှောင်းဘယ်နားရှိနေမလဲမသိဘူးနော်"
တက်ကြွစွာပြောရင်း အတန်းပြင်ဘက်ကိုဦးတည်လိုက်ပါတော့တယ်။ ကျန်တဲ့နှစ်ယောက်ကတော့ ကျွန်တော့်အနောက်ကအပြေးလိုက်လာပြီး ကျွန်တော်နဲ့အတူအစ်ကိုရှောင်းကိုကူရှာပေးတော့မယ်။
ဒီအချိန်လောက်ဆို ထမင်းချိုင့်ထည့်မလာတတ်တဲ့အစ်ကိုက မုန့်စျေးတန်းက ထမင်းပေါင်းဆိုင်မှာပဲထိုင်နေလောက်မလား၊ မဟုတ်လည်း သူငယ်ချင်းတွေနဲ့အတူ ခေါင်မိုးထပ်တွေအပေါ်ရောက်နေလေမလား။ နည်းနည်းတော့ စဥ်းစားရတယ်။
YOU ARE READING
SUNSHINE DAISY
FanfictionUpdate တအားကြာမှာဖြစ်သဖြင့် မဖတ်ကြပါနဲ့ဦး T T -Daisy... Beautiful Daisy Let Your Sunshine Free- School Life Teenage love XIAO ZHAN X WANG YIBO ZSWW FANFICTION Cover credit to owner