قصص قصيرة

-4

-فراشتي هروح أجيب غزل بنات أجبلك معايا

{أبتسمت وهزيت دماغي بلا وهي مشيت، بصيت قدامي وسرحت}

^بتحبي غزل البنات
*قوي ياونس

-فاطمه بتضحكي علي أي
*نعم ياون...

{أتصدمت لما لقيت دنيا قدامي، وقومت مشيت بسرعه... حتي في البعد عايش جوايا ياونس ذكرياتك مبتفرقنيش}

___________________________________________

{قاعدين مجموعه شباب بتهزر مع بعضها وفي واحد منهم ساكت بس متابعهم}

~أي ياونس ساكت ليه مش طبيعتك
^بسمعكم
~مش طبيعتك ساكت وهادي كده ياعم سيبها ع الله، لعله خير

{بص لصاحبه وأبتسم وقام}

*مالك ياونس
^مخنوق يافاطمة قوي متخانق مع ابويا
*طب روق كده وأضحك، لعله خير

{كلامك محاوطني مكان مروح يافاطمة لسه حاسس بيكي حاوليا}

___________________________________________

-أنتِ كويسة، روحتي أمبارح فجأه وخوفتيني عليكي
*آه ياحبيبتي، متقلقيش
-طب مش جاية الشغل
*لا أنا دقايق وهتلاقيني قدامك

{وقفلت معاها وطلعت شغلي، لازم أكمل حياتي أنا آه لسه بحبه بس مش معني كده إني أوقف حياتي ومتقدمش، الدنيا بتمشي واليوم اللي بيفوت مبيرجعش تاني، والأيام اللي بتفوت دي من عمري وأنا هعيش عمري مره واحده وبس علي أقل أوصل للي نفسي فيه}

-الشغل كان وحش من غيرك والله
*ياقلبي جيت أهو
-نورتي، أتمني تبقي أخدتي القرار ده عن أقتناع
*الحياه بتمشي يادنيا مبتوقفش
-بس بتقف جوانا
*أديكي قولتيها جوانا، لكن من حاولينا فهي ماشيه، ويلا يا أستاذه نركز في الشغل

{كان وحشني جوا الشغل قوي ووحشني مكتبي، الحياة فعلًا مبتقفش ... شويه وجيه وقت البريك}

-أجبلك حاجه معايا
*نسكافيه

{ونزلت دنيا تجبلي وتجبلها أكل وأنا سرحت وتلقائي طلعت فوني وجبت صورته وسرحت في ليالينا سوا}

___________________________________________

~أنسب قرار والله أخدته ياونس السفر ده
^حبيبي تسلم، مش هوصيك علي أمي وأخويا الصغير
~عيب ياونس دول أهلي، أشوف وشك بخير ياصاحبي

{وودعوا بعض}

~أحسن قرار عملته ياصاحبي، الحياه مبتقفش علي حد، ربنا يعينك يارب

___________________________________________

{دخلت المكتب ولسه هتتكلم لاحظت أن فاطمة سرحانه، قربت بهدوء عليها}

-لسه بتحبيه يافاطمة
*آه، ده كان فيوم كل ما أملك
-بس الحكاية خلصت
*وأنا قلبي ملهوش زرار علشان أدوس عليه وينسي ونس يادنيا، ونس ده أقربلي من نفسي
-بس كده بتتعبي نفسك
*ماهو الحب كده شوية فرح وشويه تعب وعلي راي الست بين ده وده الحب كده
-مسيرك هتنسي
*أكيد، محنا بشر بننسي أو بنتناسي بحكم الوقت، بس اللي جوا القلب بيفضل مبيتغيرش

___________________________________________

^الو، درش أنا وصلت السكن بتاع الشغل ياصاحبي
~حمدالله علي سلامتك ياحبيب أخوك، طمنت الحجه ولا لسه
^هطمنها يادرش
~أنت كويس
^جدًا
~أنا صاحبك من سنين ياونس فمتكذبش عليا
^وحشتني يامصطفي قوي، وحشني كلامها
~بس القصه أنتهت
^بس منتهتش جوايا، هي جوايا يامصطفي وهتفضل جوايا
~لحد أمتي
^معرفش، بس لو فاضل في عمري يوم أتمني تبقي ليا

*مش كل العلاقات اللي بنتهي بنتهي علشان لقيوا بديل أو علشان محبوش، بالعكس في علاقات كتير بتخلص وبيبقوا الطرفين بيحبوا بعض لسه بس ربنا مش رايدهم لبعض، مش كل القصص والحكايات بتبقي نهايتها سعيده لكن بأيدك تنهي قصتك بنهاية تليق بالحب ده، ولو ربنا مأردش منزعلش، رب الخير لا يأتي إلا بالخير حتي لو أحنا مش عارفين الخير ده*

#فاطمه علي