قصص قصيرة

-5

"الواحد بيكتشف في الآخر إن هو رغم كل اللي عدي لسه فاكر"

من أول ماسمعت الجملة دي في حفلة عمرو وهي في بالي، مش قادرة أتخطاها لأنها حقيقية قوي، أنا لسه فاكره أول مره خسرت أقرب صديقة ليا، ويوم ماودعت أصحابي وأتنقلت في مكان تاني لدنيا تانيه وسط ناس معرفش منهم غير أهلي، لسه فاكره سهري بالساعات مع صاحبتي اللي لما بنشوف بعض دلوقت بنبقي ولا كأننا نعرف بعض، لسه فاكره أول مره أتكسر قلبي فيها، أنا لسه فاكره حاجات عدي عليها سنين كتير بس عرفت توشم نفسها علي جدران قلبي.

_بتكتبي أي ياقمري
*رواية جديدة
_مممممم.... عن أي
*لما أخلصها
_أول مره متدنيش ولو نبذه عنها
*علشان أول مره أكتب عن كده
_طب وهتخلصيها أمتي، أنا متشوقه
*وقت ما أعرف أتخطي هتلاقيني نشرتها

{لميت حاجتي ومشيت، روحت علي سطح بيتنا، فضلت باصه للسما شويه وبفتكر لقطات من الماضي ولقتني بمسك القلم بسرعه وبكتب}

فات حوالي سنتين وأنا لسه فاكره يوم مكسبت حلمي علي حساب حطام قلبي، يوم ما مشيت بأرادتي علي قلبي علشان أختياره كان غلط، لسه فاكره مناقشاتي مع صاحبتي علي موضوع هي متعرفهوش لكنها بتجاوبني، لسه فاكره كلامي مع واحده صاحبتي مبقتش دلوقت صاحبتي، أنا حتي لسه فاكره يوم ما ضافري أتكسر وانا عندي 13 سنه، أنا لسه فاكره منستش.

•بتكتبي أي
*ونس... أنت هنا من أمتي
•من وقت ما كنتي باصه للسما، ها قوليلي بتكتبي لسه الروايه
*آه
•واثق إنها هتطلع بريفكت
*ازاي
•علشان مراتي مبتكتبش حاجه وحشه
*نفسي أثق في نفسي قد منت بتثق فيها كده

{لقيته مسك إيدي وضغطت عليها}

•يوم متعرفي تشوفي نفسك في عيني هتعرفي تثقي في نفسك زي منا واثق فيها
*أنت جميل، أكتر من إنك تبقي معايا
•وأنتِ كل الجميل اللي القلب طلبه

{أبتسمتله ولقتني بمسك القلم وبكتب "عرفت إني جميلة وأستاهل كل حاجه حلوه يوم ما ربنا وقعني في قلبه"}

•أسيبك تكملي الروايه
*خليك

" ستصبحين قادره علي مواجهة كل شئ في الحياة عندما يعطيكِ خالقك رجلٍ يكون لكِ لا عليكِ"

*حياتي كانت كلها سواد، مفتكرش أيام حلوه وعلشان مبقاش قاسيه كان في لحظات حلوه بس أحنا كبشر دايمًا بنركز فالوحش بس هو يوم مطل علي قلبي وقتها حسيت الوحش كله بيشاور من بعيد وبيقولي جيه اللي هيطيب روحك ويغسل قلبك من كل همومه، جالك ونسك*

_ها ياباشا، خلصتي ولا أي
*خلصت أيوه، الروايه أهي
_تمام، هديها للمصحح، بعدين هيتم نشرها
*شكرًا إنك هنا
_وشكرًا لونس أنه رجعك ليا تاني

{أبتسمتلها ومشيت وأنا سرحانه في حياتي من يوم ما ونس طل فيها لحد اللحظه اللي إسمي أقترن بأسمه}

*ونس، أنت فين
•هنا في البلكونه ياحبيبتي

{دخلتله وأنا ببتسم، حاسه إني عايزة أخبيه في قلبي وأحاوط عليه بضلوعي}

•بتبصلي كده ليه يافاطمة
*بحبك بس

{يوم متحبي نفسك وتنسي كل الوحش اللي عدي في حياتك وتلاقي مكانه أتبني حلو وقتها أعرفي إنك أتحبيتي بجد}

#فاطمه علي