لبده أنسير

part 9

ايلاف شاليل ✰

"لبده أنسير 🦅

-لا تنسون فقراتكم الحلوه ؏ البارت يالحلوين

**ㅤㅤ

-هاله:

ابعمري مافكرت بالحب وبعمري ماتوقعت احد يحبني دائمًا جان همي اختي وابويه
شلت مسؤليه ابعمر صغير وافتخر بهل شي
كبرت او آني كبرت نفسي ابنفسي
السنين والايام تركض واني همي شهرزار خوفي وحرصي عليها مثل حرص وخوف الام
حرمت نفسي مِن اهواي أمور مثل الدراسه لخاطرها هي
جان همي هو ماتشعر افقدان الام وعدم وجودها ابحياتها
نسيت نفسي شنو احب وشنو اريد ..عمري 23 بَس دائمًا اشوف نفسي جبيررره
ابسط الامور مِن اريد اسويها اكول لا هاله مو لعمرج او مو حلوه ابحقج

حسيت گلبي وگع وصار بين رجليه نظراته الي هي صِدك حب؟ مثل ماشوف آني لو وهم وجذبه ماعرفت اصرف وخوفي مِن ربي وتوتري لاحد يجي يشوفنا خلاني اضربه راشدي
ابتعد عني وهو مصدوم رفعت ايدي ترعش دحكت عليه ودمعه ابعيني همست ابغضب وحركان دم ..

-: ليش لزمتني ليشش متعرف حراممم متعرففف

ضربته ابصدره حيلل وهو ضل جامد مستغرب ومصدوم
بجيت ابسگته وقبل مااروح منه اردفت..

-: اياك بعد اطب لهل بيت

بدوَن ماسمع شنو يگول صعدت لغرفتي بجيت حيلللل كل مااذكر جسمه طخ جسمي ابجي بزايد اشلون انطي مجال اشلوون ..غبيه هاله

بعد صراع ويه نفسي وذب الوم عَلئ نفسي  كمت مسحت وجهي وعدلته
نزلت جوه يمهم بَس مالكيته وياهم ماسالت ولا همني
عسئ لو يروح لنار جهنم
كل مااذكر لحظات الي فكرت بيها بي اقرف مِن نفسي يمكن ابتصرفه هذا حط كل كره الكون ابكلبي اتجاهه

ودعناه رحيم ومرته وكلمن صعدت لغرفتها
غيرت اهدومي ولميت نفسي بفراشي
لحظات اكول السويته غلط وضربتي اله راح اتندم عليها
ولحظات اكول لا هو الغلطان ودفع ثمنه
حاوطني الظلام بعد التفكييررر الطويل
..
ثاني يوم كعدت لكيت شهرزار رايحه لدوامها وياسمين نايمه ماشفت سياره ابويه معناها طلع
سويت ريوك ورحت اكعد ياسمين

كعدتها وعفتها اتروح اتغسل اجت كعدت يمي حجت بنزعاج -: ريحهه زفره يوليي

-: منين؟

ماجاوبت وراحت تركض بره طلعت ورها سالت ابخوف-: اشبيج ياسه

-: مادري بَس ريحه الزفره دكتل كتل

-هاله: ماسويت شي زفر

-: لا لا البيض زفر ريحته ماليه البيت

دحكت عليها ونظراتي كلها تساال وستغراب.
-: البيض زفر ؟مِن اشوكت وانتي اتكولين هيج

-: اوو هاله عفيه روحُي شيلي

هزيت راسي وطبيت جوه شلت البيض وذبيته شغلت بخور وصحت الها طبت جوه وهي اشم