لبده أنسير

part 16

ايلاف شاليل ✰

لبده أنسير 🦅

-لا تنسون فقراتكم الحلوة ؏ البارت ياحلوين

-ملاحظه البارت بدوَن تعديل يعني اي اخطاء املائيه اتغاضو عنها

مِن وعيت وانهَ ضايع
مَاكو عِنوان اعتِنيلة
ولا اكو واحَد دكلي صَدرة
وگلي ذِب حٓملك واشيلة
بية حِزن الناس كُلهَ
وعَيني بالدَمعة بخيلة
و هَمي ماسَولفتة لأحَد
خاف يحسِبني اشتكيلة

••

نيروز "

جان موقف غريب يعمه الصمت بَس ضجيج المشاعر موجود اتوجهت الانظار عَلئ بابا ومن ضمنهم اني اريد اشوف رد فعله شنو؟

اتقدم هارون وهو يحرك الكرسي وكفه قريب مِن بابا نظراتهم تتنقل بيناتهم شفت الخيبه والخذلان بعيون بابا والندم والقهر بعيون جدو

-ابو أمهر: شيفيد الندم هسع وشلون اطلب العفو منك

باوع عليه بابا بنظره مطوله حيلل وكان يكول اله ندمك مايفيد هسه

نزل بابا لمستواه وثنه رجلي لزم ايده وباسها
هل تصرف خله جدو ينزلن ادموعه مو بَس هوه الكل مسح بابا دمعه خانته ونزلت معقوله بهل سهوله يسامحه هل سوال ضل يردد العقلي

-ابو أمهر: سامحني سامحني ياماي عيني

-أمهر: بهل سهوله ياابويه؟ ليش؟ مو اتخليت عني وحرمتني مِن شوفت أمي
شوف شوف بنتي نيروز وابني آرم كبرتهم واني ابحسرت أمي وهمه ابحسره أمهم

احتلت صدمه ؏ بعض وجوه الموجودين والبعض الاخر كأن يعرُف بوفاه ماما
رجع بابا أردف بَس هل مره غصه احتلت صوته

-: بَس تعرف شنو الفرق امهم ماتت وهمه صغاررر واني عشت فقدان الام ل 27 سنه
تعرف شنو 27
يعني عمرر يابه اشلون اتعوض هل عمر
وين جنتو مِن چنت وحدي ويه جهالي الصغار؟
وين جنتو مِن اتوفت مرتي وحبي الي اتخليت عّني بَس لان حبيتها وزوجتها
وين جنتو مِن اروح احارب واعوف جهال اثنين وحدهم ممكن يتيتمون باي لحظه
سهل الحجي ابويه انتَ سهل والله وكلمه سامحني ماكو اسهل منها بعد

-صابر: اعصابك ول يول وانتَ يابه مو وكته والله عود بعدين بعدين وراكم وگت المعاتب
مو هساع

هز راسه بقهر
رجعو يحجون بعد وگت قصير اله بابا ضل صافن وعقله مو يانا
اجن البنات ونادني اترددت اروح بَس كال بابا