👑الجزء 26👑
....طلقات نارية خلات كلشي يتخلع ويتوتر .....كانت جالسة جنب البيفي دايرا رجل على رجل مراقبة الوضع بهدوء كتسنى إشارة الانطلاق ديالها باش تخلي موتو على يديها ....حسات بشي حد جلس جنبها ولكن مدوراتش وجهها لجيهتو بالمرة .....
-_-......ليكارد كور وسعو حراستهم بالمكان ودخلوا لوسط القاعة ديال الحفل وهوما عارفين بل متيقنين من مول الفعلة .... لمحاتهم حاضيينها من البعيد ابتاسمات بشر ....وشدات كاس من النبيذ الاحمر كتشرب فيه بهدوء مراقبه كل خطوة وكل حركة كتوقع.....صوت الطلقات النارية تزاد بحدة كيعلن بداية مهمتها ...بداو الحضور كلشي كيهربو لطوموبيلاتهم وكيتخباااو خوفا على ارواحهم..... ابتاسمات جنب ووقفات من بلاصتها حطات يديها بين فخيضاتها وطلعات سلاح بدأت غير كضرب وتزيد ...ماسوقها لا فلي مات ولا لي باقي حي ....
(-_-)......تقدم لحندها بخطوات ثابتة .....تحنى شوية بحالا كيقبلها وخشا يديه بين فخاضها ...الشي لي خلاها تزير رجيلاتها وتقرن حويجباتها ببعضياتهم ....طلع سلاح الثاني لي كان بين رجليها ..وطلع عينيه فيها خنزرات فيه وضحكت باستهزاء ....قرب منها كتر وشد فكها بيديه كيتفلورطي معاها ..وحاط سلاح على كتفها كيطلق رصاصات على الريوس ديال ليكارد بدون ولا خطأ ....
....رجليها كيرجفو كتحس بشعور غريب فمعدتها في..كتنفس بزربة وقلبها كيزدح .....بينما هو حاط يدو على شفايفو كيمسح العكر بابهامو مبتاسم ....شافت فيه بشوفات مزلزلة ...ومشات كتجري خايفة من أن ضحيتها يهرب ....طلعات للطابق العلوي من بعد ماخدات السنايبر من عند ولاء.....
...راجل طاعن فالسين ....داتو كلها وشامات ...ويديه عامرا خواتم ...اسنان فضية وشعر شايب كامل غادي جاي على طول البيت كيلعب بيديه بتوتر ..وكيتصبب منو العرق .....نطق بخلعة مكلم نفسو : علاش كادير فحال هاكا....ميمكنش يكونو عاقو زعما.....فرنانديز رجع لوعيك ..اتخاف من بنت قد بنتك. ...بففففف ....
👑الجزء 27👑
....قبط سلاح ودارو فالسمطة ديال السروال ماللور ...وجلس على بيروه راسم بتااسمة خادعة كيحاول يبين تقتو من نفسو ..
طلعات كتجري لحقات لداك البيت ...حطات يديها على البوانيي مابغاش يتحلها. ...ضرباتو بالجزء السفلي ديال بندقيتها ..تا تهرس وتفرع الباب ....دخلات ماسكا سلاحها موجههاه براسو مباشرة ...ابتاسم باستهزاء لمحاولة استفزازها ..وقرب منها بخطوات واثقة...حط راسو على الفوهة ديال البندقية ونطق ...: بما أنه اخر نهار ليا فالحياة يمكن لي نطلب منك طلب صغير ...
ضحكت بسخرية : اكيد تفضل ...
....دور يدو موراه ونطق : يمكن لي نحو***ك
....طلع سلاحو موجهو ليها ...تا لوا ليه يديه ونزل عليه بالضرب ....دكدكو بالمعقول ...تابدا دم كينزل من فمو ...عاد رخاه ....
فرنانديز ( دفل دم من فمو ) : قوول وليتي عااهرة عند جوريك ..هاك ...ولكن غريبة جوريك مكيحملش النسا مرة ...
....يلاه جا ينقض عليه تاني ...تاوقفات شاداه من تريكوه بصبعها ....طلعات سلاحها وضرباتو يتلاتة دالرصاصات على توالي حتى دمو بدا كيشرشر قدامهم ....خرجات مخليا جوريك كيشوف فيه بزرقاوتيه مستغرب من الشعور لي كيحس بيه فقربها .....
....يتبع
YOU ARE READING
my strong princess اميرتي القوية( قصة كاملة بالدارجة المغربية)
Romance𝐌𝐲 𝐒𝐭𝐫𝐨𝐧𝐠 𝐏𝐫𝐢𝐧𝐜𝐞𝐬𝐬☯︎ > السلام عليكم أنا سميتي نادين با لاباس علييه بوكو حبة ختكم كنت عايشة فالرفاهية أنا والتويمية ديالي ههه ..... تا غيجي النهار لي غتقلب فيه حياتي رأسا على عقب ولي غيكون عمي السباب فتدميرها ... غنتحرم من كلشي غنولي...
