👑الجزء33👑
....بقات جالسة تما كيضرب فيها الريح ساهية فتفكيرها ....تابدا كيضلام الحال عاد هزات الكاسك ديالها دارتو على رأسها وطلعات فوق الموطو متوجهة للشقة ديالها ....
بعد دقائق قليلة كانت واقفة قدام البناية لي ساكنة ..ارتاجلت من فوق الموطو وطلقات لشقتها...
خدات دوش خفيف بالماء بارد ...وخرجات لابسا شورط قصير وتريكو نص كم واسع. وخلات شعرها فازك مطلوق على طولتو ....توجهات للتلاجة خدات كفتة وصاوباط ليباط بلاصوص والكفتة ....جلسات كتاكل فيهم بهدوء مراقبة التلفازة بعينيها ....
كملات ماكلتها جمعات الطبلة وخدات كاس ديال الحليب سخناتو وخلطاتو مع شوية ديال السيرو ديال النعاس على أمل أنها تنعم بليلة هادئة وتنعس فحالها فحال الناس ....
نرجعو لواحد الجوج فالبواط "سافانيا"
....عمران : ماشي مهم أنا دابا محتاج شي حد يوقف جنب بناتي فغيابي ...بغيتك توقف معايا راجل ..وانا متأكد ماغاديش تخوي بيا....
جوريك : عمي المافيا لي مترأسها أنا كبيرة بزاف والى دخلت معايا الدريات غيغرقو بزااف وجااا ماخرجهم ...
عمران : وادي ضيعت عام من حياتي على ودهم ...مابغيتهومش يزيدز يعانيو معايا كتر ...خليهم معاك هاد المدة وملي نرجع نشاءلله غادي تخرجهم من هاد الوسخ كامل ..
جوريك ( حنا راسو بقلة حيلة) : لي بغيتي اعمي ماعندي ماندير....
عمران : شكراا بزااف اجوريك ...خليهم أمانة بين يديك ...
جوريك : اممم كون هاني ..
....اليوم التالي......
فاقت مخصرة ملامحها من الشميشة لي قتاحمات الأشعة ديالها غرفتها ....ناضت دوشات ودارت روتينها الصباحي ونزلات تفطر
وكتخربش فتيلي ديالها تا كاتلقا ميساج من عند عمران ...دخلات ليه باستغراب وبدأت كتقرا : أنا عارف راصي كنت مقصر من جيهتك بزااف ..كنعتادر ليك حيت شحال من مرة خليتك ديري شيحاجة نتي ماباغاهاش ....بغيتك غير تعرفي اانك بصح بنتي وانا دائما كانبغيك ...كنواعدك ابنتي ملي نرجع نخرجك من هاد الوضع بمرة ....وشكرا حيت خليتيني نعيش دور الأب الصارم معاك.....خليتك تحت أمانة جوريك ...
قرنات حواجبها باستفهام وحاسة برأسها ممرتاحاش بالمرة وخاطرها ممهنيهاش ...لبسات حوائجهم هزات سوارت ديال لوطو وتحركات فاتجاه القصر .....
👑الجزء34👑
...دخلات مزروبة للبيت ديالو ما لقاتوش ....خدات دقات قلبها مجرى اخر ولا كيضرب بزربة ....قلبات عليه القصر كامل ...ماكاينش...مشات كتجري لعند الخدامات...خرجات لعندها رئيسة الخدم ...وسولاتها بلهفة : عمران ...عمران فيناهوا عمران ...
الخادمة : آنسة مسيو عمران الطائرة ديالو قلعات اليوم فالصباح بكري ...
دوزات على شعرها بغضب وخبطات يديها مع المرايا تا تشتتات : علاش أنا اخر من يعلم....بففففف ..ماعرفتيش الوجهة ديالو
الخادمة بخوف : لا الالة ماقالش لينا لي عارفين هو أنه مسافر....
نادين : بففففف......اوووف اشهاد الزمر لي واقع وانا مافراسي مايتعاود
ولاء : نادين تهدني
نادين : من امتى وانتي فراسك ..وعلاش ماقلتيش ليا
جبدات تليفونها وراتها الميساج : هاد الصباح تانا وصلني مساج فحالي فحالك
نادين : كيفااش...وشنو قصة جووريك ..كيفاش جووريك هو اللي غايتكلف بينا ...
ولاء : جوريك رااه ولد عمي ....وحنا فاش رشلناك باش تجيبيه أكدنا عليك أنه مايوقع ليه والو حيت عزيز على عمران بزاف ....ولكن هو شخص مشغول باستمرار داكشي علاش رسلناك لعندو شخصيا ...
نادين : واااا بزاف ديال المعلومات دقة وحدة ...اوكي اوكي...مايهمش ..علاش عمران مسافر
ولاء : عندو ورم فجهة القلب وخاصة استأصال فاقرب وقت ممكن ....وهادشي يلاه عرفتو فصباح بسباب هاد البرية ...
شداتها بين يديها وحطات يديها على فمها بالصدمة :....ولاء
ولاء : اممم عارفة الورم عندو غادي وكيكبر ...حنا ماخصناش نتقلقو ونبكيو عليه ...خاصنا نساينوه تايرجع ونديرو يدنا فيد جوريك ونزيدو بالشركات القدام باش ملي يرجع يلقا علاش يرجع واخااا
نادين : اااامممم اوكي ...واخااا
يتبع
YOU ARE READING
my strong princess اميرتي القوية( قصة كاملة بالدارجة المغربية)
Romance𝐌𝐲 𝐒𝐭𝐫𝐨𝐧𝐠 𝐏𝐫𝐢𝐧𝐜𝐞𝐬𝐬☯︎ > السلام عليكم أنا سميتي نادين با لاباس علييه بوكو حبة ختكم كنت عايشة فالرفاهية أنا والتويمية ديالي ههه ..... تا غيجي النهار لي غتقلب فيه حياتي رأسا على عقب ولي غيكون عمي السباب فتدميرها ... غنتحرم من كلشي غنولي...
