<فارس في معركه الحب>

11-انه الحب.

بسم الله الرحمن الرحيم.
عندما تتلاقي القلوب¹¹.

-بس يا ستي،دي بقي خناقه ماما و بابا الي اول مره احضرها في حياتي كلها.

قالت سديم:

-بس والله كويس انهم اتصافوا في يومها.

-يا بنتي دول رايقين والله.

قالت سديم و هي ترتشف من الكوب:

-بس انتي ايه الي خلاكي واقفه مع اونكل.

تنهد ليل و قالت:

-هقولك يا ستي،بابا بيحب ماما جدا و مستحيل يخونها و مستحيل يفكر حتي اما بالنسبه ل ماما بقالها فتره بتتلكك ل بابا و احني كلنا عارفين ده بس يا ستي.

ضحكت سديم و قالت:

-انا بحب علاقه اونكل فارس مع طنط فريال بجد حلوه اوي.

ابتسمت ليل لتكمل ليل:

-دايما بحسهم زي عيلتي.

مسحت عينيها و قالت:

-ليل قربي منهم،علشان متخسريهمش.

كانت ليل تجهل ما تقوله لتقول:

-انا مش فاهمه حاجه.

ارتشفت من الماء و قالت:

-زمان و انا عندي 6 سنين كده و غانم كان عندو 8 سنين،كنا في ال Christmas و كنا قاعدين في كندا و ساعتها و كنا قاعدين كلنا مستنين بابا يجي كلعاده،كنا قاعدين انا و غانم بنلعب بلعبه القطر دي و ماما كانت بتجهز الشجره بتاعت ال Christmas فضلنا قاعدين مستنين بابا لحد ما الساعه جت 6 الصبح،نمت انا و غانم و ماما فضلت مستنيه بابا،عدا 3 ايام و احني بنتصل بيه تلفونو مغلق و برضو كنا عايشين علي امل انو يجي،كنت انا اقرب واحده لبابا اكتر من غانم،كان لما غانم يسأل ماما هو بابا مش هيجي اقولو جاي بابا مستحيل يسبني،فضلت عايشه عمري كلو بأمل ان بابا يجي،ماما تعبت كتير اوي،مسؤولياتنا كتيره،فلوس المدارس بتاعتي انا و غانم الي كانت بمبالغ ماما مقدرتش تسددها،نزلنا مصر بعد ما عرفنا ان تيتا تعبانه قعدنا في منطقه عشوائيه اوي و دخلنا مدارس حكومه،مكنتش بروح علشان التنمر الي كان بيحصل عليا،عشنا حياتنا جمب تيتا و اتدهور حالنا من ناس في مكانه عاليه عاشت حياتها كلها في كندا ل ناس قعدت في منطقه عشوائيه اوي،بعد فتره من الوقت....

مسحت دموعها لتقول بنبره باكيه:

-تيتا ماتت،غانم اكتأب اوي لانو كان اقرب واحد لتيتا،المهم،عشت حياتي كلها و انا جوايا بيقول ان بابا هيجي و انو عمرو ما يسيب قلبو و يمشي،دايما كان بيقولي ان انا قلبو لحد ما كبرت و اتعرفت عليكي،لما دخلت المدرسه الي انتي كنتي فيها بعد ما ماما اشتغلت"Victoria International School"و الي مامتك كانت بتشتغل فيها لما كنت في اعدادي،اتعرفت عليكي و لما كبرنا سوا كنت برضو عايشه علي امل ان بابا هيجي لحد ما جيه اليوم الي غيرلي حياتي و جاتلي message من رقم غريب بيقولي اقابلو في الكافيه الي كان جمب المدرسه لما كنا في ثانوي،المهم ساعتها روحت و لقيتو،لقيت بابا عيطت جامد اوي و هو عيط و قالي انا اسف،فضل يتأسف كتير اوي بس انا اتعصبت جامد و زعقتلو و قولتلو"انا ٱخر حاجه كنت اتوقعها انك تسبنا كده".