واكفه اشتغل لان اليوم عرس اخويه هادي وخالاتي من الحله راح يجون كلش متحمسه نظفت البيت وطبخنه لان احنه اربع بنات والشغل متوزع وصارت الدعشه وصلوا فكمت عدلت نفسي ولبست شال وطلعنه رحبنه بيهم واطيناهم مي وباوعت لابن خالتي وابتسمت ورجعت ذاكرتي لذاك اليوم..
عودة للماضي
امير: قزوم قزوم بضحكه
لؤلؤه:انت اجلح املح واجكجك رجليه بالقلم الجاف
واثنينه نضحك
امير:ولج كافي مو اني خطار المفروض تحترميني
لؤلؤه :شسويلك انت الي بديت وبعدين اني مو قزوم انت طويل زياده عن اللزوم
امير:يلا ماظل شي ونصير اني وياج رقم عشره
لؤلؤه: بفهاوه شون يعني هسه اني اكدر اوكف بصفك ونصير رقم عشره شمعنه بعدين
امير: بضحكه بعدين بعدين وطلع من الاستقبال
ضليت صافنه شقصدك بكلامه بعدين وين يلا استوعبت شيقصد ابتسمت بخجل ورحت اكمل شغل ورا اسبوع امي جتني
لؤلؤه :ها يمه رايدتني
امي:يمه ابن خالتج متقدملج أمير تقبلين
لؤلؤه :يمه مادري المسافه بعيده من الحله لديالى شون افاركم وبعدين هم يكولون صعب شوفي رأي ابويه واني وراكم
امي : يمه أمير خوش ولد فكري بيها ولاتضيعينه من ايديج
لؤلؤه :يمه ونعم منه انشالله الي بي الخير الله يقدمه
ضليت فكره توديني وفكره تجيبني المغرب جا ابويه كملته
لؤلؤه :الكوه بويه
ابويه :الله يكويج بنيتي هاج هذا المسواك ودي للمطبخ وبدربج كلاص مي
لؤلؤه :من عيوني
رحت اسوي عشه واسمع امي تحجي ويا ابويه علمود موضوع أمير متت من الخوف والخجل لان ابويه مو بساع يقتنع وصعب
امي :شنو رايك ابو لؤلؤه
ابويه :اني مااطي بتي لواحد بتلفات الدينا
امي :الولد خوش ولد
ابويه :ادري ونعم منه ماكايل شي بس خليني افكر شويه
امي :ماشي
واني صبيت العشه وكعدت مدنجه واكل علكيف والتلفزيون مشتغل على اخبار ووضع العراق متأزم
وكملنه عشه وخابرت خالتي هي متعوده تخابر هيج وكت فتحت خط لامي لان اهل كبل مايعرفون يستخدمون التلفون وضلن يسولفن واني كمت غسلت المواعين ولفيت راسي ونمت
ابويه ورا اسبوع اطاهم الموافقه بالكوه لان صعبه عليه يفارك بته وجوي بعرس اخويه
نرجع للحاضر
اباوعله ومبتسمه ودنجت بخجل ورحت صبيت غده وكعدو يتغدون وصارت حنه اخويه لبست بدله بسيطه وشال لان كبل ماكو قاعات كلها العالم تسويها بالبيوت
امير : من رخصت الكل عندي كلام لازم اكوله
انداريت عليه واشوفه لازم حلقه بأيده
دنجت من الخجل
امير :بهاي المناسبه الحلوه ردت ألبس لؤلؤه الحلقه اذ انتو موافقين طبعا
امي هلهلت وابويه كال فوت بفالك
دنجت اني وهو تقدم
امير :لؤلؤه اطيني ايدج
مديتله ايدي برجفه وهو هم ايديه ترجف لبسني الحلقه واني لبسته وباس راسي وكملت الحفله واني طايره من الفرح وهو جاني
امير :لؤلؤه باجر نعقد محكمه
لؤلؤه :أمير مو جنك مستعجل
امير :مو امي مره جبيره ووحدها واني بالشغل ووعد مني احط وسط عيوني
لؤلؤه :تمام أمير تسسلم عيونك
وراح وثاني يوم لبست تنوره لركبتي وقميص وشال لان بذاك الوكت مو كلش الناس ملتزمه بالحجاب خصوصا بديالى ورحنه للمحكمة عقدنا وخلص العرس ووبيت خالتي رجعو للحله ومرت الايام واني مكضيتها شغل وتنظيف بالبيت فديوم كاعده واسمع امي تبجي وتصيح راح العزيز.....................................
دعمكم بنات يهمني وصوتوا وعذورني عن الاخطاء لان اول مره اكتب ♥️♥️♥️♥️💗💗♥️💗♥️💗♥️💗💗♥️💗♥️💗♥️💗♥️💗💗♥️💗♥️💗♥️💗♥️💗💗♥️💗♥️💗♥️💗♥️💗💗♥️💗♥️💗♥️💗♥️💗♥️💗💗♥️💗♥️💛💚💛💛💚💛💚💛💚💛💚💛💚💛💚💛💛💚💛💚💛💚💛💚💛💚💛💚💛💚💛💚💛💚💛💚💛💚💛💚💛💚💛💛💚💛💚💛💚💛💚💛💚💛💛💚💛💚💛💚💛💚💛💚💛💚💛💚💛💚💛💚💛💚💛💛💚💛💚💛💚💛💚💛💚💛💚💛💚💛💚💛💚💛💚
بقلمي ترتيل 💛♥️❤️💓
YOU ARE READING
عتمة ليل
Romanceماذا لو دار الزمن وعاشت الابنة قصه امها مالذي سيحدث هل يتعاطف الزمان ويرحم الابنة ام سيرجمها بأقداره المتقلبه ......
