عتمة ليل

البارت الرابع

لؤلؤه :امير اني حامل
امير جمد ويباوعلي وحضني كدام الناس
لؤلؤه :أمير واخيرا ببجي
امير :الف الحمد لله وشكر الك ربي. وسجد بالكاع بجيت علمنظره وكام ورجعنه للبيت وأمير يوصي بيه لاتتحركين لاتنظفين
امير :لؤلؤه حتى شعرج لاتمشطيه وانتي واكفه
لؤلؤه :أمير مو هالدرجه ترا هاي ثاني مره احمل
امير : ادري حبيبتي بس خايف عليج
لؤلؤه بابتسامة :تدلل راح ادير بالي
امير باسني من راسي وفعلا مرت شهور الحمل ووصلت لخامس وسويت سونار طلعت بنيه أمير طار من الفرحه واني كمت بس اكل صرت سمينه حيل وأمير يضحك ويقلد عليه فجنت داعزل وهو جا
امير :هلا هلا بطريقي
لؤلؤه برطمت : ترا بتك سمنتني مو انيي اني رشقيه اصلا
امير بضحكه :فديت بتي وامها ابتسمت على كلامه
لؤلؤه :حبيبي أمير حظرتلك الحمام باس راسي وفات سبح وطلع وسويت غده وتغده ونام ومرت الايام وطبيت بشهري وواول اسبوع مر بشهري وجنت نايمه الساعه بالخمسه الفجر حسيت علي نغزات ببطني دغيت أمير
لؤلؤه :امير حبيبي
امير بنعاس :ها حبيبتي
لؤلؤه :حبيبي يمكن عندي ولاده
امير فز :شنو حبيبتي
لؤلؤه :عندي وجع بطني عاد هو شالني وداني للمستشفى وبالطريق بلشت عندي اعراض الولاده ضليت مجلبه بشعر أمير واغلط عليه وهو يحاول يهديني. وصلت للمستشفى وجبت بتي رونق وهي جانت حيل هادئه حتى ببجيها ومرت السنين وكبرت رونق صارت تمشي وصارت فد وحده وكحه فجان ابوها أمير نايم وهي بحضنه تلعب وشايله بيدها لعبتها وجان تركع أمير على راسه باللعابه وهو خطيه فز.
امير :ششكو
واني خربانه من الضحك وهو يباوعلي ومصدوم
لؤلؤه :ببتك رونق ضربتك
امير :ضحك وكعد يدغدغ بيها وهي تضحك وتدردم عليه ومرت السنين صار عندي ولد سميته محمد وراه بالسنين صار عندي توام بنات سميتهن ترنيم وترتيل ومرت الايام واليوم بتي رونق اول يوم دوام الها بالمرحله الثانيه
_______________________________________
رونق.
كاشخه بكامل اناقتي اليوم اول يوم دوام اليه بالمرحله الثانيه طبعا حققت حلم اهلي فتت باب الجامعه وجان اندعم برجال عبالك حايط بدت حراره الكهوه تمشي على جسمي
رونق : ماتشوف أعمى
مروان: اعتذر ببرود ووجه جامد
رونق :شيفيد اعتذارك بالله
مروان: علكيفج عيني لما هو قميص من الباله
رونق:شنو وبعدين شبي لبس الباله مو كل واحد ينولد وابوه غني
مروان: باوعتلها بنيه سمره مبينه وكحه من طولت السانها عفتها وامشي مالي خلكها
رونق :وحد أعمى وفوكاها متعجرف وفتت للقسم وفايره من العصبيه شفت صديقتي من المرحله الاول سلمت عليها وكعدنه وحده بصف وحده سولفتلها على موقف مال باب الجامعه خربت من الضحك وجان طلاب يصيحون
:جاا الاستاذ الجديد
باوعت على الباب وجان يفوت نفس الرجال واني كاعده بالمقدمه وهو انتبه وكعد يحجي ويكول
مروان: اول شي سلام عليكم
الطلاب :وعليكم السلام
مروان : اني استاذكم الجديد اسمي مروان ماحب اي طالب يتأخر عن محاضرتي والي يتاخر لايجي احسله ثاني شغله كل محاضره قبل عشر دقايق الاخيره اسويلكم اختبار عن المحاضره السابقه وبده يشرح محاضرته برزانه ومرت الايام بين الحامعه والبيت فديوم هو اجه للقاعه
مروان:طلاب تعالو لهذيج القاعه هاي القاعه يردون يصلحوها واني جيت اصلا متأخره فكلت ليش انطردت واتعب نفسي ورحت للنادي واشتريت اكل وكعدت بالحديقه ومرت ربع ساعه ماهجز غير استاذ مروان يمشي بعصبيه يحفر برجليه عبالك من كدما عصبي وشمر اكلي
رونق:هاي شدسوي استاذذذ
مروان انتي زعطوطه ومو مال كليه مال هايشه واسرحج بيها
رونق :اللكمه بحلكي ودموعي تنزل وعفته ورجعت للبيت ابجي وغمتت راسي وغفيت مادري بروحي