[ START ]..............
انفتح الباب ودخل بابا فرحان يضحك و علامات السعادة راسمة وجهو
-- يمة اني إن شاء الله بعد غدا أسافر
نهضت متفاجئة
و جدتي اخذت مناظرها لبستهم و اردفت
-- اشنوو يما وين تسافر؟
گعد بابا گدامهم و تربع و فرك ايديه بحماس
-- مو گتلكم على الشغلة يلي جاي اشتغل عليها، و بعد ما تواصل الدكتور مع صديقو يلي بلندن تعجب بالموضوع وگلو بسرعة خلي يجي هينا يكمل البحث
سألوا عمي
-- و تكاليف السفر و المعيشة هناك عندك حقها
-- لاا راح أدين من اصدقائي
اردفت جدة مستاءة
-- يما ليش تدين و تبقى معلعل تشتغل حتى توفي ديونك
توكل على الله وكمل بحثك هينجاوبها عمي
-- خلي يشوف مستقبلو ما يكفي الصار بيه وبنتو يلي تربت وحدها، لا عاد تگفون بطريق الواحد
حجيت بتردد
-- بابا اني هم اسافر معاك
دحگ عليا متأسف
-- لاا بابا راح تبقين مع جدة
نغزات مؤلمة ألمت معدتي ببطىء، و خوف استولى على كياني
-- يعني وين أبقى
-- هينا بنتي اشبيج
-- ماا، أريد أجي معاك
-- لا بنتي ما اگدر أني راح التهي وعندي شغل، والمصاريف تصير اكثر بعدين
بانت ملامح الحزن و الاستياء على وجهي، غطيت عيوني بكف ايدي وبجيت بقوة گدامهم كلهم
ايدين نمدت نحوي
عرفتو بابا من عطرو، حظنتو بقوة وبجيت أكثرجدة تربت على ظهري بحنية، بس ما جان تگدر تطفي النار يلي اشتعلت بروحي
الكل أستسلم لقرار بابا
وبدأ يحظر أمور السفر، بعد ما راح جاب الفلوسدخل للغرفة و دخلت وراه
فتح باب القنصور ( كنتور ) وصار يختار الملابس و يخليهم بالجنطة
![](https://img.wattpad.com/cover/340837843-288-k93327.jpg)
YOU ARE READING
عَــــقــاقــّـيـــّـر
Mystery / Thriller« أُقسِم أن لها أجنحةٌ وجِدت حيثُ لا أراها، خُلقت لكّي تُسعِدُني. » « ما اثقلها من وحدة، وما ابشعها من أيام. » ... عقاقير.. لكل من يبحث عن الإنسانية.. عن الطيور المهاجرة نحو الظلام.. لكل من يبحث عن ذاته المفقودة.. #كلمات_تُكتب_أحداث_تُترجم بقلمي.. ح...