عَــــقــاقــّـيـــّـر

[ العقار الثالث و الثلاثون ]

صباح الخير ❤❤
خلصت كتابة و جاي انقح البارت و غفيت فزيت الموبايل بيدي وعلى وشك أن احذف البارت 😭😂
بس الحمدلله ما صار شي
شلونكم شخباركم ؟ عساكم بخييير ❤
وكل عام وانتم بخير بمناسبة السنة الهجرية الجديدة ❤

على أساس البارت بعد أطول و ادرج بعد أحداث بس شو صار هيج..

استمتعوا❤
ولا تنسون التصويت+ التعليق التعليق التعلييييق 😡

[ START ]

……………

نهضت بحماس و تقربت منو صرت مقابيلو مبتسمة بفرح..
ضحك بهدوء و اللمعة بعيونه واضحة..
همس بأمر وهو يشرح شلون طريقة الرقصة

-- خلي أصابع اقدامج على مشط رجلي

تقربت بخطوات مرتبكة، عملت مثل ما گال..
صار وجهي قريب من وجهه، أبتسم و عيونه تتفحص معالم وجهي بكل تأني و هدوء

-- كل ما اقترب أكثر ألمح تفاصيل جديدة، كأنما مدينة تراثية مليئة بالآثار الربانية، كأن وجهج روما و كل الطرق تؤدي إليه..
بكل ناحية و كل زاوية حادة أو قائمة من وجهج الاگي نفسي ضايع مثل حوت صغير بغير محيطه
و عيونج حكاية أخرى ما يرويها ألا واحد دارس عالم الفلك، ثقب أسود، مجرة بعيدة، كوكب دري، قمر لامع، نجمة ساطعة.

يحجي بكل هدوء، كلمة كلمة لامست أعماقي بحيرة وقلق ممزوج بعاطفة مكتومة..
أنفاسه تلوح ملامحي بكل صدق، وقع كلماته شيد لنفسي سور ضخم يصعب هدمه، بناني من جديد، رممني.

بقيت ادحگ بعمق عيونه محاولة أن التمس الصدق، لكن الصدق فاض و غرگني وأني أطلب الحياة

أبتسم و ايدي محتظنة أيده برعشة، اردف مخفف وطأة قلقي

-- ههههه، نسينا المضمون، نرجع لموضوعنا، شتحبين يا نوع من الرقص، ايديج خلف عنقي، و ايديا على خصرج، لوو تريدين التقليدي والمتعارف عليه

نطق كلماته بمكر، و نظرة التلاعب بعيونه

رديت بخجل منزلة راسي

-- التقليدي

كف أيدي بأيده، و الايد الثاني على كتفه من الجهة الخلفية وهو أيده على جهة وحدة من خصري

بدون موسيقى، رقصنا بكل هدوء، بكل لحظة أرفع عيني بعينه الاگيه يدحگ بهيام كأن الـ گدامه كائن مقدس و نادر

وقفت وتيرة خطواتي المنتظمة و ابتسمت واني احجي

-- من وين متعلم، شنو مجربها قبل

-- هههه لااا، بس أي واحد يعرف هاي الرقصة

-- صح

ابتعدت و دحگت للتلفزيون بأرتباك، و على الشاشة مشهد قبلة بين البطلين