واقع حياه

بارت 17

هلاهلا

جكليت

هوسات

هاي الرادها وهاي التمناها بنت الشيخ لبن شيخ ردناها

اخونا خوس اخو يستاهل الهوسة

بلمنة طك بلمكم يهل العمارة

فرحة بوجوه الكل الا هي جانت كاعدة تباوع الهم بحزن برود مشاعر مو طبيعي صار عدهة

باوعت كدامهة الكل فرحان يهوس يركص الا هي اكو كسرة بداخلهة كلش جبيرة
تزوجت الشخص الكالت مستحيل تاخذة اخذتة علمود انتقام وبس

جانت قبل تقسم وتحلف بكل شخص عزيز عليها انو يوم عرسها راح تركص وتسوي كلشي بنفسها مستحيل تكون وحدة من هذن الخجولات بيوم عرسهن

هو يوم واحد بالعمر مستحيل تضيعة بس هسة بعرسها تريد تبجي تريد ترجع لاهلهة امهة ابوهة عائلتها متريد تكون بهل مكان

وكفوها اخذوها للغرفة مالتهة دخلوها هناك منتظرة شريك حياتها يدخل
كعدت على الجرباية شالت الطرحة من راسها بعدها نزعت الحذاء رفعت البدلة وحطت رجل على رجل متانيتة يدخل

اما هو وكف باب غرفتة يعرف شنو ينتظرة بعد ما راح يدخل ومجهز نفسة لهلشي

وميهمة شنو يصير اهم شي، هي بغرفتة يمة المشاعر اليحسهة تجاهة اعظم من انو يفكر شنو راح تسوي علمود تنتقم

حلف بينة وبين نفسة اي شي تسوي علمود تنتقم ميهمة شنو راح تكون نتائج الشي راح يسامحهة ويدللهة ويحبها ويحافظ عليها

اخطأ من اغتصبها مينكر هلشي بس اذا ما سوة هيج ممكن تكون راح تروح الغيرة وهلشي مستحيل يصير او يسمح بي

دق الباب وفتحة ودخل لكة
ملاك روحة كاعدة على الجرباية بطريقة مضحكة وعفوية بالنسبة الة

كال لا اعلم ايتها المرأه المهلكة لشغاف القلب

هل الخلل في عيني حتى تراك بهاذا الجمال

ام الخلل في قلبي حتى تعلق بهاذا الجمال

ام الخلل في عقلي الذي اهلكة التفكير بهاذا الجمال

تقرب منهة كعد بصفهة وصفن بيهة وكال
شمس ممكن تنسين انتقامج اليلة ممكن تنامين بحظني بدون زعل ولا حقد ولا تفكير بالانتقام الليلة ليلة زواجنة خلينة ننسى هلموضوع حتى لو بس اليلة

مراح اطلب منج شي ثاني خططي وفكري ونفذي كلشي يجي بالج بس خليج بحظني ما اريد احس روحي بوحدي وهاي اجمل واحلى ليلة بحياتي
الليلة الي حققت بيها اعظم امنية عندي حصلت عليج

باوعت هي علي وكالت اعظم امنية واحلى ليلة بالنسبة الك بس تعرف انا احساسي شنو
مثل الخروف الي يذبحونة يوم العيد

يوم مهم وسعيد وحلو ينذبح بي
وانا بهل اليوم المهم والمفرح والسعيد ذبحتني بايدك ليش