واقع حياه

بارت 26

ندك الباب وكفت تمشي بالكوة على عكازتهة وهي تمشي دموعها تصب هاذ البيت الجانت تملي عائلة سعيدة متكون من ام واب وابن وابنة هسة فارغ محد بي  بس هي

اول ما طلعت غرفتها اجت الممرضة تركض وكالت خالة فدوة ضلي كاعده بمكانج انا راح افتحة

ليهسة متعرف هذول منو بتهة وين منو سوالهة العملية هواي شغلات هي متعرفهة ومن تسئل محد يجاوبهة ولا الهة القدرة انو تطلع تسئل وين تطلع وهي نفسهة تحتاج واحد يعتني بيهة

دخل يمشي مدنك راسة مستحي من امة شنو راح يكووللهة وشلون راح يصارحهة

اما الام اول ما شافتة تفلت علي شالت عصتهة تريد تضربة بيهة وصاحت
هاااا يالعار هاا يعليوي ها يا ابني الربيتة شسويت بية وباختك وعفتنه ورحت شون نطاك كلبك تسوي هيج ولك

نزلت دموعة ونزل على رجليها يبوس بيهم وهو والخلقج يمة ما مرتاح ولج يمة طفل ولعبو بحالي

شفت بيهم عائلة الي ركضت وراهم بس يا يمة خربوني وخربو عائلتي

باوعتلة هي وكالت شيفيد الحجي بعد ضاع تعبي ولك عليوي اختك ماكو راحت مدري وين كتلوهة خطفوهة ماتت عاشت بس اريد اعرف

اول ما ذكرتهة نزل راسة ودموعة بلشت تصب اكثر وكام يشهك بالبجي
عرفت هنا الام عنده خبر عنهة كالت

ولك يمة لا دكلي صارلهة شي هاي عزيزة الغالي كمال لا دكلي كمال اخذهة يمة
وانهارت هنا الام حاول هو يسكتهة ما كدر صرخت بعالي صوتهة

ولك كمال اخذت بتك يمك جا وانة ليش هيج كمال دائما مفضلهة علية وتحبهة اكثر مني

بعد انهيارة اجت الممرضة تركض ضربتهة ابرة وطلبت من علي يروح ويجي بغير وكت

واكف يباوع الهة وهي تلعب بناتة كاعده بالكاع وحاطتهم كبالهة وتناغيلهم

شون يعترفلهة ويكول هو صار يغار من بناتة جان دائما يسمع انو الام تغار من بناتهة لان هنة ياخذن معزتهة عند الابو

بس هو هنا صار ويا العكس بناتها  هنة الي اخذن مكانة هاذ اذا جان عندة مكان بكلبهة اصلا يعاين الهة حاط ادي بجيوبة وواكف

حركاتها ولعبها وي البنات اخذن كلبة يريد يروح يكعد يمهن بس ميدري ليش خايف ومتردد بنفس الوقت

كمزت هي اثر صيحة منة وصاحت اسم الله اسم الله

ضحك هو عليهة وكال كافيج من هلكائنات وكومي روحي سويلي جاي كالت هية

بس هستوني صبيتلك صاح مرة ثانية
كومي لا اجي اطيح حظج انت وبناتج

كالت زين انا ميخالف البنات شعليهم كال هو
شون راح اجيج صاحت لا لا رايحة والله

ركضت للمطبخ سوتلة جاي ورجعت انطتة الة جان كاعد يباوع على التلفزيون رادت ترجع تكعد يم بناتهة تلعبهم