روايه / هى والمراد ♥️🥀

البارت الثامن

رغد قاعده هى وندى وفاجاءه جه واحد من ورا رغد
- ندى ممكن ثانيه معلش
ندى : سبنى فى حالى يا على
على : معلش
رغد : انت مين
ندى : ده
رغد بمقاطعه : انا بساله هو
على : انا على
رغد : ايوه اعمل بيه اى ده
على : انتى بتتكلمى كده ليه يابت انتى
رغد لسه هتقوم لقت ندى مسكت اديها
ندى : على امشى
على : مش همشى غير لما اقولك انا عايزك ليه
ندى : قول اخلص
على : ادينى فرصتى واثبتلك انى بحبك بجد
وفاجاءه ولقى بكس فى وشو من ادهم
ادهم بهدوء : مش قالتلك امشى
رغد بضحك : والله يابنى كان نفسى اعملها بس مش مشكله انا وانت واحد
ادهم : اى خدمه
على قام ومشى
رغد : عيل ملزق
ادهم : مان عاوز اى ده
رغد بخبث وهى بتبص ع ندى : ده جي يقول لندى ادينى فرصه بس
ادهم : انتى تعرفيه ياندى
ندى : اه ده معايا فى الكليه بس هو فى سنه 4
ادهم : وكان عاوز اى
ندى : احم بقاله فتره بيحاول يكلمنى بس انا بصده
ادهم : اها قولتيلى
رغد : امال فين زياد
ادهم : بيشقط
رغد : طب هو فين
ادهم وهو بيشاور : هناك اهو
رغد بصتله بخبث وبعدين رحتله
رغد : زيزو
زياد : قلب زيزو نعم اى ال جابك
رغد : انا غلطانه كنت جايه اشقطلك
زياد : احلفى
رغد بزعل مصطنع : لا خلاص بقا للاسف
زياد : هتعملى اى
رغد بخبث : نقى انت واحده بس
زياد : مش مرتحلك
رغد : عيب تقول كده عيب
زياد : البت ال هناك دى قمر اتفضلى
رغد : اشطا خليك هنا
راحت رغد للبنت
رغد : ازيك
البنت ببتسامه : الحمدلله
رغد : انتى اسمك اى
البنت : انا ليلى
رغد وهى بتمد اديها : وانا رغد
رغد : بقولك شايفه الشاب ال هناك ده
ليلى : اه ماله
رغد : ده عبيط جدا وبيروح يكلم اى حد ويرخم ع البنات اول ما يجيلك اديه بالقلم علطول
ليلى بخوف : بجد
رغد : اه طبعا
ليلى ببتسامه : شكرا ليكى
رغد : العفو انا بحب انصح البنات بس عشان بخاف عليكو
ليلى : طيب
رغد : يلا سلام بقا
رغد مشت بعيد عنها
وراحت جنب زياد
رغد : اى خدمه عد الجمايل روح يلا
زياد : حببتى والله يابنتى
رغد : حبك برص
زياد : متشكرين
رغد : روح يلا قبل ما هى تمشى
زياد راح بسرعه ورغد طلعت تجرى
راحت عند ادهم وندى
ادهم : اى فى اى بتجرى ليه
رغد وهى مش عارفه تتكلم من الضحك : زياد هيضرب
ندى بصدمه : وفرحانه كده ليه
رغد : متخافيش هيضرب من بنت عشان يبطل قلة ادب بقا
ندى بضحك : نيلتى اى
وشويه ولقو زياد جى بيجرى على رغد
رغد وهى بتجرى الناحيه التانيه : اهدى هنتفاهم
زياد : انا اضرب بسببك يارغد الكلب
رغد : انا وانت عارفين انى مش خايفه منك وممكن امسكك اضربك بس انا محافظه ع برستيجك فى الجامعه من اكتر ف اهدى كده واقعد
زياد قعد : اترزعى انتى كمان
ندى وهى بتضحك : انتى عملتى اى
رغد : معملتش حاجه هو ال قليل الادب وده جزاته
زياد بصوت واطى : والله لاردهالك يارغد
ادهم وهو بس ال سمعه : مش هتقدر دى رغد
زياد ببتسامه خبث : هتشوف
ادهم لرغد : انتى عملتى اى
رغد : رحت قلت للبنت ال هو عاوز يشقطها انو عبيط وبيمشى يكلم البنات واول ما يجى عندها تضربه بالقلم ع طول
زياد : عشان حيوانه
رغد : اتلم
زياد : مش انتى بس البت اديها تقيله
رغد : يا بيضه
ندى : طب يلا عشان المحاضره
رغد : لسه شويه
ندى : يابت باقى ربع ساعه
رغد : واى يعنى
ندى : مش بتحرم
ادهم : فى اى
ندى وحكت ال حصل لما رغد جت الصبح
زياد : والله جدعه
رغد : اصل انا مغلطش فى حاجه
ادهم : طيب احنا مش عندنا محاضرات تانى النهارده
ندى : خلاص هنروح معاكو كده كده المحاضره دى مش مهمه اوى
رغد : اوك يلا
طلعو وخرجو وركبو عربية ادهم وحرس رغد وراهم ووصلو وكل واحد طلع شقته يغير هدومه
دخلت رغد الشقه لقت مراد قاعد وماسك الفون
رغد : انت قاعد كده ليه
مراد : كده ازاى يعنى
رغد وهى بتحاول تكون هديه : نزل رجلك من على التربيزه
مراد : اها طيب طيب
رغد : انا بكلمك ع فكره
مراد : اعمل اى يعنى
رغد : ردد علياا
مراد وهو بيسيب التلفون : تمام عوزه اى بقا
رغد : نزل رجلك
مراد وهو بينزل رجله : حاجه تانى
رغد : مرسى
وسابته ودخلت الاوضه اخدت دش وغيرت هدومها ل بيجامه حرير اسود وعملت شعرها ديل حصان وكانت قموره جدا
وخرجت وفتحت التلفزيون وقعدت
مراد : انا جعان
رغد : قوم اعمل اكل
مراد : مين ال يعمل
رغد : خلاص مش بتعرف اطلب جاهز
مراد : وانتى رحتى فين
رغد : ما انا قاعده اهو
مراد : طب قومى اعملى اكل
رغد : هات اندومى
مراد : انتى مبتعرفيش تعملى اكل
رغد : هو لازم اكون بعرف
مراد : امال هتتجوزى ازاى
رغد : ما انا متجوزه اهو من غير ما اعمل اكل
مراد وهو بيقرب منها : اها صدقى نسيت انك متجوزه
رغد : انت بتقرب ليه
مراد وهو بيمد ايدو جنبها : مالك هاخد الريموت
رغد وهى خلاص ع اعصبها سابته وكانت هتقتح الباب
مراد : رايحه فين
رغد : انت مالك
مراد : ردى عليا حلو
رغد : ارد ازاى يعنى وانت بتسال ليه
مراد : هتطلعى بالمنظر ده
رغد : مالو المنظر
مراد : متسطعبتيش هتطلعى بالبس ده
رغد : وانت مالك
مراد بعصبيه : مفيش طلوع
رغد بغضب : وانت مالك انا مش فاهمه وبعدين انا طالعه عند ندى
مراد بغيره : وندى دى معندهاش زياد وادهم ال قاعد عندهم ع طول ده
رغد بعصبيه : وانت ملكش الحق تتحكم فيا
مراد : لا ليا ولا نسيتى انى جوزك
رغد وهيا ماشيه : لا منستش بس انت ال نسيت انت جوزى ليه
وفى ثانيه كانت رغد جوه شقتها تانى
ومراد قافل الباب
مراد وهو واقف قدمها : انا قولت لك غيرى واطلعى وانتى مسمعتيش الكلام يبقا مفيش طلوع اصلا
رغد بعصبيه وصوت عالى : انت هتحبسنى يعنى
مراد : وطى صوتك
رغد : مش هوطى وابعد كده
وزقته وكانت هتطلع بس لقت مراد بيشدها من شعرها وبيدخلها الاوضه
رغد : ابعد ايدك ياحيوان انت عن شعرى
مراد بغضب : انت مبتسمعيش الكلام ليه
ودخلها الاوضه وقفل عليها
رغد من جوه : افتح يامراد
مراد : لما تتعلمى الادب الاول
وسابها وخرج قعد فى الصاله
مراد بغموض : ماشى يارغد ان ما وريتك وعلمتك الادب مابقاش انا مراد ووعدى لابوكى هنفذه.................

مراد ليه بيعامل رغد كده ؟
واى حكايات مراد بالظبط ؟
ووعد اى ال هو بيتكلم عنه !؟
ورغد هتعمل اى ؟

آستنونى البارت ال جاى ان شاء الله

♡ ***************************** ♡
روايه / هى والمراد
بقلمى /" ولاء يسرى 💕