روايه / هى والمراد ♥️🥀

البارت الحادى عشر

روايه / هى والمراد
بقلمى / 💕 ولاء يسرى  💕

♡♡♡♡♡♡♡♡♡♡♡♡♡♡

دخل مراد واتصدم لما شاف رغد وهى بتهلوس وعماله تقول كلام مش مفهوم وكانها بتعيط
مراد بخضه : رغد رغد انتى كويسه
وجه يلمس وشها عشان يفوقها لقيها سخنه جدااا
مراد بخضه : رغد رغد فوقى
ومشى بسرعه على المطبخ جاب كمادات وقعد يعملها
وشويه والحراره نزلت شويه بس كانت لسه سخنه
فضل يعملها كمادات لحد مانام وهو قاعد جنبها

صحيت رغد الصبح لقت مراد نايم وهو قاعد وماسك ايديها والكمادات ع راسها
رغد وهى بتصحى مراد : مراد مراد قوم انت نايم كده ليه
مراد صحى : انتى كويسه
رغد : اه شكرا
مراد : العفو يلا قومى عقبال ما... ولسه هيكمل سمع جرس الباب فتح
ندى : صباح الخير
مراد وهو بيوسع ليها تدخل
مراد : صباح النور تعالى
تدخلت ندى
ندى : فين رغد
مراد : جوه لسه صاحيه ادخللها
ندى وهى بتحط الاكل ال كان معاها على السفره
ندى : طيب
ودخلت لقت رغد بتقوم
ندى : صباح الخير ع الناس القمر
رغد ببتسامه : صباح النور يا قلبى
ندى وهى بتساعدها تقوم
ندى : يلا عشان ماما بعتالك الفطار
رغد بصوت واطى : بقولك
ندى : قولى
رغد : عاوزه انزل
ندى وهى بتحاول تستوعب : تنزلى فين يارغد
رغد : هيكون فين يعنى عاوزه انزل اجرى
ندى : انتى بتهزرى ولا اى
رغد : لا مش بهزر
ندى : بقولك اى انا مليش دعوه سلاام
رغد بصوت عالى : ماشى يا ندى الكللب
ندى من برا : برحتك
مراد : فى اى
ندى ببتسامه هبله : رغد عاوزه تجرى
مراد : ومالك مبتسمه كده ليه
ندى : انا لو بطنى وجعانى بتلكك وبقول مش هروح الجامعه وهى واخده رصاصه وتقولك عاوزه اجرى
مراد بضحك : طب شوفى هتروحى فين يلا
ندى : بتطردنى عينى عينك كده
مراد : امشى يابت
ندى ضحكت وطلعت وشويه ورغد اخدت دش وخرجت
قعدت ع السرير وهى بتحاول تفك الشاش ال على اديها عشان اتبل وعاوزه تغيره
مراد خبط
رغد : ادخل
مراد دخل
مراد : يلا عشان تفطرى
رغد : لا شكرا مش بفطر
مراد : يلا يارغد انتى بتعملى اى اصلا
رغد وهى مازالت باصه ع دراعها
رغد : بغير على الجرح عشان اتبل
مراد : طب استنى اساعدك
وراح مراد عندها وفك الشاش ونضف الجرح وبعدين ربطو تانى
رغد : شكرا جدا
مراد : يابنتى عادى انا مبعملش حاجه يلا قومى افطرى
رغد : مبحبش افطر
مراد وهو خارج : لو مفطرتيش مش هنزلك
رغد بصدمه وهى بتبص لاثره
رغد : هو قال هينزلنى
رغد قامت بسرعه طلعت وراه وقعدت تاكل
رغد : انت بجد هتنزلنى ولا بتقول كده وخلاص
مراد : اه بس بشرط
رغد : انت هتشرط عليا
مراد : عندك مانع
رغد : لا خاالص قول
مراد : هنزل معاكى ومش هنجرى هنتمشى بس
رغد : ماشى مش مشكله وناخد ادهم
مراد بديق : اشمعنا ادهم يعنى
رغد : عادى عشان بيجرى معايا على طول
مراد : لا مش هيجى يبقا يجرى لوحده
رغد : مش هيجى ليه
مراد : انا مش عاوزه يجى معانا لو مش عجبك مش هننزل
رغد : طلاما عند يبقا اشطا مش هننزل
مراد بعصبيه : هو انتى ياما تنزلى معاه ياما مش هننزل
رغد : قولى سبب مقنع وانا مش هتكلم بس متقوليش كده وخلاص
مراد بعصبيه : انا قولت ال عندى برحتك بقت
رغد : متتعصبش عليا بس واهدى كده ولو مش عندك سبب مقنع يبقا يلا ننزل وهناخد ادهم
مراد : وانا مش هنزل مع ادهم
رغد : خلاص هنزل انا معاه
مراد : وانا قولت انك هتنزلى معايا ياما مش هتنزلى
رغد : يبقا خلاص هننزل كلنا
مراد : مفيش نزول خالص يلا بقا
رغد : تمام اوى انا طالعه سلام
وسابته وطلعت عند سلوى
مراد وهو بيخبط التربيزه : ماشى يا رغد انتى وادهم والله هعلمك الادب من الاول
وقام هو كمان شال الاكل ودخله المطبخ وطلع وراها
فوق كانت ندى وسلوى وزياد قعدين
ورغد خبطت على الباب وندى فتحت
ندى وهى بتضحك : اتخنقتو عشان النزول صح ههههه
رغد وهى بتزقها : اوعى كده ابوشكلك بصالى فى النزوله
ندى : قولتلك
رغد : طب غورى هاتيلى قهوه
سلوى : مالك بس
ندى : كانت عاوزه تنزل تجرى وشكلها كده اتخنقت مع مراد
سلوى : مينفعش يارغد وانتى تعبانه
رغد : خلاص ياجماعه فى اى حصل خير
ولقو حد بيخبط وندى فتحت ومراد دخل وقعد
مراد : صباح الخير
سلوى وزياد : صباح النور
مراد : امال فين ادهم يعنى
زياد : ممكن بيجرى او ممكن يكون لسه منزلش
مراد : ماشى
وتلفون مراد رن
مراد : الو يافندم ...تمام ... حاضر يا فندم ... شويه وهكون عند حضرتك
رغد : مين ده
مراد : ده اللواء سعيد
رغد : ااهااا طيب
مراد : انتى تعرفيه
رغد : لا وانا هعرفه منين
مراد : اشك بس تمام بعد ازنكو ياجماعه وهو طالع قابل ادهم
مراد وهو بيقرب عليه : ابعد عن رغد فاهم
ادهم باستغراب : بصراحه مش فاهم قصدك اى هو انا عملتلها حاجه
مراد : ملكش دعوه بيها وخلاص
ادهم وقد فهم : اشمعنا يعنى
مراد : انا قولتلك وخلاص عشان تكون عارف رغد مراتى انت فاهم
ادهم باستفزاز : شكلك ناسى انكو شويه وهتطلقو
مراد : وانت مالك اصلا ومين قالك انى هطلقها
ادهم : لان ده الاتفاق وهى قالت انكو هتطلقو
مراد : مش هطلقها رغد مراتى انت فاهم وابعد عنها احسن ليك
ادهم : ولو مبعتش
مراد : تصرفى مش هيعجبك ساعتها ... خبط ع كتف ادهم ... انا قولتلك وانت عارف فين مصلحتك بقا
ادهم : مصلحتى مع رغد هههه
مراد وهو بضربه بالبكس : هتزعل منى يا ادهم جامد وسابه ودخل تانى الشقه
سحب رغد من اديها : تعالى معايا
رغد : انت بتسحبنى كده ليه سيب ايدى
مراد : امشى
رغد لسه هتتكلم لقت ادهم واقف وحاطت ايدو على منخيرو
رغد وهى بتسحب ايدها من مراد : ادهم مالك
ادهم : انا كويس
رغد : لا...ولسه هتكمل
لسه هتكمل لقت مراد بيسحبها جامد واخدها ونزل ع العربيه واخدها ومشى
رغد : ممكن اعرف احنا رايحين فين
مراد : مش لازم تعرفى
رغد : ما انا مش همشى كده من غير ما اعرف انا رايحه فين
مراد بزعيق : اسكتى بقااا
رغد سكتت لانها فعلا مش بتحب الصوت العالى ومراد وصل قدام فيلا كبيره ونزل وراح عند باب رغد وفتحه
مراد : انزلى
رغد نزلت ومتكلمتش خالص مسكها من دراعها ودخل الفيلا ولقى الخدامين
مراد للخدامه : فى ظرف عشر دقايق مش عاوز اشوف اى حد هنا غير الحرس ويبقو ع الباب بس
الخدامه بخوف : حاضر يا مراد بيه
ومشت بسرعه وفعلا كلو مشى من الفيلا معادا الحرس ال واقفين على البوابه بتاعت الفيلا
مراد بيبص لرغد ال واقفه بكل هدوء
مراد : مقولتليش خايفه على ادهم اوى ولا استنى مش هتعرفى تجرى من غيرو ولا بقا انك هتطلقى لا بجد اصيله اوى انتى ردى ساكته ليه هاا عاوزت تطلقى يارغد وترحيله اتكلمى قولى
رغد ببرود وهى بتقعد : خلصت خلاص رجعنى بقا عشان عاوزه اروح
مراد : يبقا كده خلاص تمام اوى مفيش خروج برا الفيلا خالص
رغد : تمام رجعنى يلا
مراد وهو بيمسكها من درعها : قولت مفيش خروج ابقى شوفى بقا هتخرجى ازاى
وفاجاءه رغد اغمى عليها ووشها اصفر ومراد بيبص لقى ايدو مليانه دم ..........
♡♡♡♡♡♡♡♡♡♡♡♡♡♡♡♡♡
ياترى اى ال حصل ؟!
ادهم ليه عمل كده هل بيحب رغد فعلا ؟!
طب وندى ؟!
اى ال حصل لمراد ؟!
ورغد حصل ليها اى ؟!
واى الدم ده ؟!

كل ده البارت ال جاى ان شاء الله
♡♡♡♡♡♡♡♡♡♡♡♡♡♡
روايه / هى والمراد
بقلمى / 💕 ولاء يسرى  💕