4

795 139 13

by melon__pan

by melon__pan

နေမကောင်းသည်မှစ၍ အိပ်မက်ဆိုးမက်ခြင်း၊ သရဲကြောက်ခြင်း၊ အထီးကျန်ခြင်း အစရှိသည့် အကြောင်းပြချက်ပေါင်း သောင်းခြောက်ထောင်ဖြင့် ဆောင်းဟန်ဘင်း အိမ်တွင် ကျန်းဟောင့် ၁ယောက် ဖင်လှည့်ခေါင်းလှည့်ဖြင့် သောင်တင်နေသည်မှာ ၁လပင် ကြာမြင့်နေလေပြီ။

ဆောင်းဟန်ဘင်း အခန်းတွင်းတွင်လည်း ကျန်းဟောင့်၏ ပစ္စည်းပစ္စယလေး များမှာ တတိတိဖြင့် နေရာယူလာကြသည်။ မိုးအုံ့နေသည့်အပြင် စိတ်ထဲတွင်လည်း ငြီးစီစီ ဖြစ်လာ၍ ပစ္စည်းများ နေရာရွှေ့ပြောင်းချင်စိတ် ပေါက်လာသဖြင့် မနက်တစ်ပိုင်း ဆိုင်ကို ခဏ ပိတ်လိုက်ပြီး အပေါ်ထပ်ကို ရှင်းရန် ပြင်ရတော့သည်။

ရေဒီယိုကို ဖွင့်လိုက်ချိန် လွှင့်နေသည့် သီချင်းမှာလည်း သူ့အကြိုက်ဆုံးဖြစ်သည့် april shower။ မိုးရွာချိန်တိုင်းလည်း နားထောင်ဖြစ်နေ၍ မှန်ပြတင်းမှ တဆင့် အပြင်သို့ ကြည့်လိုက်ချိန် တိုက်တိုက်ဆိုင်ဆိုင်ပင် မိုးဖွဲလေးများမှာလည်း စတင် ကျဆင်းနေသည်။

မိုးများလာမည့် အရိပ်အယောင်ကို မြင်နေရ၍ အပြင်သွားတိုင်း ထီးမယူတတ်သည့် ကျန်းဟောင့်ကို စိတ်ပူလာရသည်။ ဒီနေ့တော့ သွားကြိုရမည်ထင်သည်။

ကျန်းဟောင့် ရောက်လာကတည်းက သူ့အခန်းမှာလည်း သူမနေရတော့ဘဲ ကျန်းဟောင့်ကို အပိုင်ပေးထားရသည်။ ကျန်းဟောင့်မှ အတူသုံးရန် ပြောသော်လည်း အိမ်ရှင်မှ ဧည့်ဝတ်မကျေ မဖြစ်လို၍ သူ့ဘာသာ သက်သက်ခွဲနေခြင်းသာ။
အခန်းတွင်း ဝင်မိတော့ ရှင်းစရာမရှိ သန့်ရှင်းသပ်ရပ်လျက်။ အသန့်ကြိုက်သော ဆောင်းဟန်ဘင်းမှာ ရင်ထဲအေးသွားရသည်။ ညစ်ပတ်နေလျှင် ခေါင်းကိုက်ရသည်လေ။ သန့်ရှင်းနေသော်လည်း စာကြည့်စားပွဲမှာတော့ စာအုပ်များပြန့်ကျဲလျက်သား။

စာအုပ်များ ညီညာမှု မရှိနေလျှင် မနေနိုင်သည့် ဗီဇကြောင့် သွားကာ စီပေးမိတော့ မတော်တဆ လက်ဖြင့် တိုက်မိ၍ အစွန်နားမှ သားရေဖုံးထားသည့် စာအုပ်ကလေးမှာ အောက်သို့ ပြုတ်ကျသွားရသည်။

APRIL SHOWER

4

Promoted stories

You'll also like