이 비에 I wanna rock with you......
ဧပြီလ နှောင်းပိုင်းဖြစ်၍ မိုးဖွဲလေးများမှာ တစ်စနှစ်စ မြေပြင်ပေါ်သို့ သက်ဆင်း လာတတ်နေပြီ။ မေလတွင် ပန်းများဖူးဖွင့်ရန် ရှေ့ပြေးမိုးစက်လေးများမှာ ချစ်စရာ ဖြစ်သော်လည်း ယနေ့တွင်တော့ မိုးစက်များမှာ အရင်ရက်များထက် များပြားလာသည်။ မနက်ပိုင်းတွင် နေသာနေသည့်အပြင် ဘယ်သွားသွား ထီးမယူတတ်သည့် ကျန်းဟောင့်မှာတော့ လုံးဝ မိုးမိလေပြီ။
မိုးရေထဲ ပြေးနေရင်း ကော်ဖီဆိုင် တစ်ဆိုင်ရှေ့မှ ဖြတ်မိလေတော့ ဆိုင်အရှေ့အပြင်သို့ အဖီထုတ်ထားသော ခေါင်မိုးလေးကြောင့် မိုးဝင်ခိုရ နိုးနိုးဖြင့် တုံ့ဆိုင်းနေရာမှ မိုးမှာသည်းလာ၍ ရပ်နေရတော့သည်။
၅ မိနစ်ခန့် အကြာတွင်တော့ မိုးမှာ ပိုမိုသည်းလာပြီး လူမှာလည်း ခိုက်ခိုက်တုန်အောင် ချမ်းလာသည်။ ကော်ဖီဆိုင်ထဲ ဝင်ရန်လည်း အားနာမိ၍ ဤအတိုင်း ရပ်နေစဥ် တံခါးက ပွင့်လာကာ လူ၁ယောက်က သူ့ကို လှမ်းခေါ်သည်။
"ကျောင်းသားလေး!! အထဲဝင်လာခဲ့"
"ကျွန်တော် ရေတွေရွှဲနေ...."
"ချမ်းပြီးသေချင်လို့လား မိုးရေထဲ"
လှမ်းငေါက်လိုက်သူကြောင့် အားနာနာဖြင့် ဆိုင်ထဲသို့သာ ဝင်လာရတော့သည်။ ဆိုင်အတွင်းပိုင်းသို့ သူ ရောက်ချိန်တွင်တော့ အပြင်ဘက်နှင့် ကွာခြားလှစွာ လေထုမှာ နွေးထွေးနေပြီး ကော်ဖီနံ့လေးများမှာလည်း သင်းပျံ့နေလေသည်။
အဝါရောင်မီးလေးများနှင့် vintage ဆန်ဆန် အပြင်အဆင်များကြောင့် ကော်ဖီဆိုင်လေးမှာ လွမ်းမောဖွယ်အတိ။ စာလုပ်လို့ ကောင်းမယ့်နေရာလေးပဲ။ ထိုလူမှာ အပေါ်သို့တက်သွားပြီး ခဏအကြာတွင်တော့ အဝတ်အစား တစ်ချို့ကို ယူလာကာ ပြန်ဆင်းလာသည်။
"လာ ဒီကိုလာ"
ထိုသူကပဲ မီးလင်းဖိုနားရှိ စားပွဲဝိုင်းသို့ ထိုင်ရန် ခေါ်လာတော့ တုံ့ဆိုင်းဆိုင်းဖြင့် သွားလိုက်မိသည်။ သူသွားရာတစ်လျှောက် ဘောင်းဘီအောက်နားမှ ရေစက်များမှာလည်း ကြမ်းပြင်တွင် တရွတ်ဆွဲလျက်။
![](https://img.wattpad.com/cover/343037348-288-k487152.jpg)
YOU ARE READING
APRIL SHOWER
FanfictionRain drops on me on me.... Start : 30.05.2023 End : 05.06.2023