Oops! This image does not follow our content guidelines. To continue publishing, please remove it or upload a different image.
.....
نبلش. .
مَحد گال "لا" مِنهم ولا واحد حِچه البيه رغم كلهم يعرفونَه وگبل لا أنطق إنجَريت گالوا اششش، صوتچ لا يسمعونَه مو بَس بالبَشر يتنفَذ الإعدام بعُرفهم صوت إختهُم هَم يعدمونَه أمي تگلي أخاف عليچ، لا تحچين گلبچ لو دَروا عاشِگ ينحرونَه وإختي تگول إرضي بقسمتچ ما إلنه راي بشي لونّه الهوى بچفهم چان خِنگونَه
- عذراء كاظم
زينب : رغم كل السنين الي مرت انا لهسه ماتخطيت كلمته
تعديته وانا ناطيته نظرة عتب عتب عليه رغم ما چان بيننا غير هالنظرات بس چانت نظرات حب امل وعد هاي لاول مرة تكون نظرة جارحة بعتب فتت لغرفتي وانا عايفه كلشي من اليوم مالي احد رب العالمين وبس راح اندعيله يمكن يخلصني
كل ليلة تمر عليه چانت تاكل بروحي اتوجهه لربي اصلي وادعي عسى ولعل العرس تحدد ورا عشر ايام !
يمكن لو احد يشوف الامل الي بگلبي يضحك عليه
بهالاثناء عرفنا بأختي يسرى حامل صار هواي هي تنتظر هالحمل بالشافعات والف نذر يلا صار
ضحك گلبي وضحك امله اذا هالشي الچان شبه مستحيل صار رح يعجز عني !
عفت الايام تمشي بـ الي تريده يمكن عجز استسلام وترك الامور لخالقها او هيچ قنعت نفسي
ماشفت ابراهيم غير مرة وحدة
الي تعلمته انُ النظرات تحچي اكثر من اللسان همين نظرتة چانت عدم رضا اكثر من كونها فرح
ابراهيم چان معروف بسلبياته بس مثل كل شخص بوقتنا "زوجوه ويعقل"
