🍃ကိုကို သိပါစေ🍃
အခန်း (၂၁)
မိုးသား မနက်စာစားရန် အောက်ထပ်သို့ဆင်းလာသောအခါ ဧည့်ခန်းထဲတွင် မေမေအပြင် မေမေသင်းကိုပါ တွေ့လိုက်ရသဖြင့် အူကြောင်ကြောင် ဖြစ်သွားသည် … ။ ထို့ကြောင့် မေမေ့ဘေးတွင်ဝင်ထိုင်လိုက်ပြီး မေမေသင်းကို
" မေမေသင်း … အစောကြီးပါလား … ဘာဖြစ်လို့လဲ "
ဟု မေးလိုက်သည် … ။ ဤမေးခွန်းဆုံးသောအခါ မေမေကပြုံး၍
" သားနဲ့သမီးရဲ့ မင်္ဂလာကိစ္စလာဆွေးနွေးတာလေ "
ဟု ပြန်ဖြေသည် … ။ မင်္ဂလာကိစ္စ ဟူသော စကားကြောင့် နွေ့မျက်နှာကို ဖြတ်ကနဲမြင်ယောင်မိသွားကာ
" ကိုကိုက သားကိုလက်ထပ်မှာမဟုတ်ဘူး မေမေ "
ဟု ပြောလိုက်သည် … ။ မိမိ၏စကားကြောင့် မေမေသင်းနှင့်မေမေ နှစ်ယောက်စလုံးက မျက်လုံးပြူး၍
" ဘယ်လို သမီး "
ဟု မေးသည် … ။ မိုးတိမ်နှင့်နွေ့အကြောင်းကို ထုတ်ပြောရန်စိတ်ကူးမရှိသော်လည်း ဤအတိုင်းဆက်သွားလျှင် အကုန်လုံးတလဲွဲဖြစ်ကုန်မည်စိုးသောကြောင့် မေမေသင်းကို အားနာစွာကြည့်လိုက်ပြီး
" ကိုကို့မှာချစ်သူရှိတယ် မေမေသင်း "
ဟု ပြောလိုက်သည် … ။ ဆက်၍
" အဲ့ဒီအစ်မနာမည် နွေမာယာတဲ့ … ကိုကို့ကို ချစ်လည်းချစ်ပေးပြီး ဂရုလဲစိုက်ပေးပါတယ် "
ဟု ပြောလိုက်သည် … ။ ထိုအခါမှ မေမေသင်းက မိမိကို အားနာဟန်ဖြင့် လှမ်းကြည့်ကာ
" သမီးလေး "
ဟု ခေါ်သည် … ။ ထို့ကြောင့် မေမေသင်းကို ပြုံးပြလိုက်ပြီး
" သားကြောင့် ကိုကိုသူ့ချစ်သူနဲ့ခွဲရရင် သားစိတ်ကောင်းနိုင်မှာမဟုတ်ဘူး မေမေသင်း … လက်ထပ်တယ်ဆိုတာတစ်ယောက်နဲ့တစ်ယောက် ချစ်ဖို့လည်းလိုသေးတယ်မဟုတ်လား … သားကကိုကို့ကိုချစ်ပေမဲ့ ကိုကိုက သားကိုချစ်မှမချစ်တာမေမေသင်း ရယ် … ဒီအတိုင်း ကိုကို့ညီမလေးလုပ်နေရတာပဲကောင်းပါတယ် … အတင်းအကြပ်လုပ်တဲ့ လက်ထပ်ပွဲကြောင့် ကိုကိုသားကိုမုန်းသွားမှာ စိုးရိမ်တယ် "
![](https://img.wattpad.com/cover/332174909-288-k581410.jpg)
YOU ARE READING
ကိုကို သိပါစေ (Mini story)
Randomₛₒₘₑ ₚₑₒₚₗₑ ₐᵣₑ gₒᵢₙg ₜₒ ₗₑₐᵥₑ, bᵤₜ ₜₕₐₜ'ₛ ₙₒₜ ₜₕₑ ₑₙd ₒf ₐ ₛₜₒᵣy