#ناري
بــقلمي : مرمر علي
°°°°°°°°°°°°°°°°°°°°°°°°°°°°°°°°°°°°°°°°°°°°
#جوليا
. كاعده ؏ الكرسي وكدامي الولد يشون سمج اجة ذياب يمي كمت عنه وكعد بمكاني
- ذياب :- اذا تريدون فحم اكو بــ الجرار
- ذو الفقار :- لا مايحتاج
- حسين :- شلون مايحتاج راح تنطفي النار
- ذو الفقار :- لك شبيك أنتَ سمج يريد نار خفيفة مو قوية
- ذياب :- بس تتناكرون
- ذو الفقار :- غير هوه غبي
- حسين :- اني غبي تسمع
- ذو الفقار :- كم مره علمتك ؏ شوي السمج بس أنتَ اثول
- حسين :- واثول بعد
. بقو يتناكرون وذياب مخلي الچگارة بحلگة ويباوع عليها شفت عيونه مقلصهم وعاگد حاجبة بعد فترة يا الله نطق
- ذياب :- وتالي وياكم
- ذو الفقار :- شسويله هوه يتناكر
- حسين :- اني
- ذو الفقار :- اي
- ذياب :- شنو رايكم ترجعون للبيت
- حسين :- لا خوية ؏ بختك بلگوه قبلت نجي وياك هسه تريد نرجع
- ذياب :- چا كافي عرك
. سكتو ورجعو يشتغلون بس واحد يخزر الثاني كمت للمطبخ جهزت مقبلات َورتبت السفرة بــ صالة دخلو الولد بيدهم الشواية جابوهم سمجات وخلوهم بماعين
- حسين :- اني راح اكل ماتحمل بعد
. شفت حسين اخذ ليمونه وعصرها فوگ السمجة جاب خبزاية صغيره واخذ قطعة وخلاها بحلگة
- حسين :- أخخ يابوية عاشت ايدي
- ذو الفقار :- عاشت ايده
- حسين :- تره اني شويتها
- ذياب :- انطينه مجال نأكل وياك
. كعدنه نأكل وحسين يتسابق ويانه بلگَمه ضربة ذياب واخذ سمجة وخلاها كدامي
- ذياب :- خلي جوليا تأكل
- حسين :- اي عيني حجة المحامي
- ذياب :- وين يتلاحك عليك أنتَ
- حسين :- عينكم ؏ حلگي
- ذياب :- وخفة لهل حلگ
- حسين :- ها شيخ ليش تعيب ؏ حلگي
- ذياب :- شلون حلگ هوه
. رجع يأكل وماهمه شي راد يأكل من سمجة مالتي ضربه بيده ذياب
- حسين :- انطيني شوية
- ذياب :- عوفها تأكل
- حسين :- ما شبعت
- ذياب :- اشبع أنتَ وهيه تشبع
. كام وراح للحمام يغسل كملنه اكل وكمت شلت الماعين غسلتهن ورجعت يمهم لليل جاب حسين دومنه مدري منين طلعها احتاجو بعد واحد يلعب وياهم
- ذياب :- يلا بوية تعالي لعبي
- جوليا :- ها اني ماعرف
- ذياب :- ميخالف تعلمي
- حسين :- يلا ولج
- ذياب :- لا تكولها ولج
. شفت حسين كام يهز حلگة نفس ام زگي اخذ ايدي ذياب وقربني إله بأس خدي وحجه
- ذياب :- معليج بي
. هزيت راسي وسكتت كعدت كدام حسين اني وياه نلعب فرو الدومنه وانطوني 7 صايات بلشنه نلعب لعبتها بس كم مره وماعرف شلون اسوي خطط ذكيه علمود ادومن ذبيت صاي ماحس إله صاح بيه حسين
- حسين :- غبية شلون تربطين
YOU ARE READING
ناري
Mystery / Thrillerأعرف معنى الانتظار جيداً مارسته في كل المحطات، لكن ما لا أعرفه كيف يفوتني القطار رغم ذلك.... # 18+ بقلمي : مرمر علي
