#ناري
بــقلمي : مرمر علي
°°°°°°°°°°°°°°°°°°°°°°°°°°°°°°°°°°°°°°°°°°°°
#ذياب
. كعدت بليل ؏ صوت بجي جوليا طفرت بسرعه شفتها باب الحمام كاعده رحت يمها
- ذياب :- شبيج بوية
- جوليا :- بلاعيمي
- ذياب :- هاي شنو متقيئ
- جوليا :- اي يوجعني
- ذياب :- يلا كومي تمددي
- جوليا :- ماكدر يوجعني
- ذياب :- تعالي
. اخذتها ودخلتها للحمام غسلت حلگها وجهه جانت عدها صخونه ابدا ما مركزة بوگفتها
- ذياب :- اوكفي عدل
- جوليا :- دايخة
- ذياب :- هسه آخذج ترتاحين
. رجعت غسلت وجهه رجعت تقيئت لميت شعرها وكمت افرك بصدرها خلصت وكامت تبجي رجعت غسلت وجهه وأخذتها لصالة أقربلي من الغرفة نيمتها ورحت جبت بطانية والصوبة شغلتها وغطيتها
- ذياب :- بعد بردانه
- جوليا :- اي
. خليت عباتي فوگاها غمضت عيونها وترجف
- ذياب :- شبيج بابا
- جوليا :- بردانه
- ذياب :- اذا لابسه مشلح شلون متبردين
. رحت للغرفة بسرعه طلعت ملابس الها من جنطتها كله جايبته ثخين وطويل ولابسه دشداشه قصيرة تريد تموتني اعرفها زين رجعت يمها كعدتها ولبستها
- جوليا :- نام يمي
- ذياب :- اطمن عليج اول
- جوليا :- فدوه
. جانت تحجي بصوت ناصي ويادوب اسمعها نمت بصفها حضنتني من خصري ونامت ؏ صدري خليت ايدي ؏ شعرها امسح بي سمعتها كامت تهلوس
- جوليا :- ذياب
- ذياب :- ها
- جوليا :- اني احبك
- ذياب :- واني هم احبج
- جوليا :- تريد تعوفني
- ذياب :- وين اعوفج هنا يمج
- جوليا :- لا اقصد متحبني
- ذياب :- احبج
. ابتسمت بوجهي ونامت شوي وبلشت حرارتها تزود جبت كمادات وكمت اسوي الها من يوم يومها شالعة گلبي وكل فترة تتمرض وخاصة بشتاء اذكرت هذاك الموقف لي طول عمري مراح انساه ولا يروح من بالي من اجت وكالت.....
. من بعد يوم طويل وشغل بديوان رحت للبيت شفت طيبة وجوليا يلعبن بره وحده تركض وره ثانية شافني وأجن حضنني
- جوليا :- بابا وأخيراً رجعت
- ذياب :- اي يروح ابوج
- طيبة :- انطيني ربع
- ذياب :- شتسوين بي
- طيبة :- اريد اشتري اني وجوليا
- انعام :- جوليا بعد ممنوع تطلع
. درت وجهي من صوت امي اجة من وراية
- ذياب :- ليش يمه
- انعام :- بعدين احجيلك
- ذياب :- خير ان شاء الله
- انعام :- كل خير يمه
. عفتهن وصعدت فوگ لغرفتي نزعت ملابسي وتمددت غمضت عيوني بلشت اغفة نفتح الباب ودخلت جوليا
- جوليا :- بابا
- ذياب :- ها بوية
- جوليا :- اريد اُكلك شي
- ذياب :- تعالي
YOU ARE READING
ناري
Mystery / Thrillerأعرف معنى الانتظار جيداً مارسته في كل المحطات، لكن ما لا أعرفه كيف يفوتني القطار رغم ذلك.... # 18+ بقلمي : مرمر علي
